Dünən saat 00:45 radələrində cəbhədə ölən erməni əsgər Qora Xudinyanın ölüm səbəbi açıqlanıb.
Ermənistan İstintaq Komitəsi müqavilə əsasında xidmət edən hərbçi Qora Xudinyanın fevralın 23-ü saat 00:45 radələrində avtomatdan cəbhədə Azərbaycan əsgərləri istiqamətində atəş açdığı zaman patronun lülədə partlaması nəticəsində aldığı qəlpə yarasından öldüyünü bildirib.
Qeyd edək ki, 2011-ci ildə Ermənistanın Rusiyadan “Kalaşnikov” avtomatının təkmilləşdirilmiş versiyasının istehsalına dair lisenziya aldığı barədə məlumat yayılmışdı. Bu silahların Ermənistanda istehsalı texnologiyasının qurulduğu və Ermənistanda AS-300 indeks ilə seriyalı istehsalına başlanıldığı xəbər verilirdi.
Çox güman ki, erməni əsgərin əlində partlayan avtomat da Ermənistan istehsalı olub. Çünki Rusiya istehsalı olan “Kalaşnikov” silahlarında belə nasazlıq baş vermir.