Parisdə polisə qarşı baş vermiş hücumdan 3 gün sonra, Fransada seçkilər gərgin təhlükəsizlik tədbirləri mühitində başlayıb.

Ölkə üzrə təxminən 50 min polis və 7 min əsgər seçki məntəqələrində təhlükəsizliyi təmin etmək üçün xidmət başındadır.
Seçkilərdə ifrat sağçılardan tutmuş ifrat solçulara qədər müxtəlif partiyaları təmsil edən 11 namizəd ölkənin növbəti prezidenti olmaq uğrunda mübarizə aparacaq.
Seçkidə ən çox səs yığan 2 namizəd prezident seçkilərinin iki həftə ərzində keçiriləcək ikinci mərhələsində iştirak edəcək.
Seçki məntəqələri yerli vaxtla dünən saat 8:00-də açılıb, lakin xaricdə yerləşən bəzi məntəqələrdə səsvermə şənbə günü başlayıb. Seçki məntəqələri yerli vaxtla saat 20:00-da bağlanıb və ilkin proqnozlar bundan qısa müddət sonra bəyan edilib.
Sorğulara əsasən 4 namizəd irəlidədir: mühafizəkar François Fillon, ifrat sağçı Marine Le Pen, liberal Emmanuel Macron və ifrat solçu Jean-Luc Mélenchon.



Namizədlər Avropa, immiqrasiya, iqtisadiyyat və fransız kimliyi barədə dərindən fərqlənən mövqelərə sahibdirlər.
Üç gün əvvəl keçmişdə cinayətə görə məhküm edilmiş Karim Cheurfinin Parisin mərkəzində polis zabitini başından güllələməsindən sonra seçki üçün əlavə təhlükəsizlik tədbirləri təşkil edilib.
Hücumdan sonra təhlükəsizlik qüvvələri tərəfindən öldürülən Cheurfi-nin yanında özünü İslam Dövləti (İD) adlandıran qruplaşmanı müdafiə edən sənəd tapılıb.
Seçki kampaniyası ərəfəsində milli təhlükəsizlik əsas müzakirə mövzularından biri olub. Lakin namizədlər bu hadisədən siyasi üstünlük qazanmağa cəhd etməkdə ittiham ediliblər.
Rəy sorğusu nəticələrində namizədlərə dəstəyin bir-birinə yaxın olduğuna görə dəqiq proqnozlar yoxdur.
York-da yerləşən Fransa konsulluğu kimi xaricdə yerləşən seçicilərin bəzilər artıq səs veriblər.
Lakin heç bir namizədin ilkin mərhələdə birbaşa qalib olmaq üçün tələb edilən səslərin 50 faizindən çoxunu yığması gözlənilmir.
Seçkinin ikinci mərhələsi mayın 7-si iki ən çox səs yığmış namizəd arasında keçiriləcək.
Öndə olan namizədlərdən yalnız cənab Fillon hakimiyyət təcrübəsi olan siyasi partiyanı təmsil edir.
Hazırkı prezidentin sosialist partiyasının namizədi, Benoît Hamon-un qazanmasına böyük ehtimal yoxdur.
Fransanın müasir tarixində bir ilk olaraq, qeyri-populyar prezident François Hollande ikinci prezidentlik müddəti üçün namizədliyini irəli sürməyib.



ilkin nəticələr və exit-pollun nəticələri açıqlanıb
Prezidentliyə namizəd, sol hərəkatın lideri Jan-Luk Melanşon Fransanın üç dənizaşırı ərazilərində - Sen-Pyer və Mikelon, Martinik və Qvianada hamıdan çox səs toplayıb.


Son məlumata görə, Fransada keçirilən prezident seçkiləri ilə bağlı ilk exit-pollun nəticələri məlum olub.

Belçikanın RTBF telekanalı saat 12.00-a exit-pollun nəticələrinə əsasən sabiq iqtisadiyyat naziri, “En Marche” (Yürüş) Hərakatının lideri Emmanuel Makron və radikal Milli Cəbhənin lideri Marine Le Pen prezident seçkilərinin birinci turunda liderlik edirlər.

Exit-polla əsasən E. Makron səslərin 24 faizini, M. L. Pen səslərin 22 faizini toplayıb. Sabiq baş nazir, respublikaçıların namizədi Fransua Fiyon 20,5 faiz səslə üçüncü, radikal solun namizədi Jan-Lyuk Melanşon 18 faiz səslə dördüncü yerdə qərarlaşıb.