Yaponiyanın nəhəng avtomobil istehsalçısı Toyota uçan avtomobil yaradan mühəndislər qrupuna dəstəyini elan edib.

Şirkət mərkəzi Yaponiyada Toyota şəhərindən kənarda fəaliyyət göstərən Cartivator qrupuna 40 milyon yen (353 min dollar) verəcək.
Nikkei Asiya İcmalı-nın məlumatına görə, Toyota və onun qrupunun şirkətləri layihəyə dəstək göstərmək üçün prinsip etibarilə razılığa gəliblər.
İndiyədək fərdi şəxslər tərəfindən maliyyələşdirilmə Skydrive adlandırılan avtomobilin inkişaf etdirilməsinə pul ödəyib.
Skydrive avtomobilində pilotsuz təyyarənin texnologiyasından istifadə edilir, onun üç təkəri və dörd fırlanğacı var.
2, 9 metrin 1, 3 metrə ölçüdə olan bu avtomobil dünyanın ən kiçik uçan avtomobili olmağa namizəddir.
Onun saatda 100 km-ə proqnozlaşdırılan ilk uçuş sürəti var. Avtomobil yerüstündən 10 metr hündürlükdə səyahət edə biləcək.
Skydrive avtomobilini inkişaf etdirən 30 könüllü komandası ümid edir ki, avtomobilin prototipi 2020-ci ildə baş tutacaq Tokio yay olimpiya oyunlarında Olimpiya məşəlini yandırmaq üçün istifadə olunacaq.
Uçan avtomobillər elə bir mövhumdur ki, bu fantastikanı ABŞ, Almaniya, Hollandiya, Çin və Yaponiyadan olan firmalar reallığa çevirmək istəyir.