Ötən gün Türiyədə qan donduran cinayət baş verib.

Türkiyənin Karabük qəsəbəsində yaşayan 89 yaşlı kişi vəhşicəsinə qətlə yetirilib. Hadisə yerinə cəlb edilən polislər öldürülən şəxsin 89 yaşlı Recep Serdar olduğunu aydınlaşdırıblar. Onun meyitini nəvəsi yaşadığı evdən tapıb.
Bir neçə gün ərzində babasından xəbər ala bilməyən nəvə onu ziyarət etməyə qərar verib. Babasının tənha yaşadığı evə gələn nəvə, acınacaqlı mənzərə ilə rastlaşıb. O, babasının başının kəsildiyini və bədənində 38 bıçaq zərbəsi olduğunu görüb. Polislər araşdırmaya başlayıblar və məlum olub ki, hadisə Recep Serdarın evinə təmizləyən 19 yaşlı Sibel H. tərəfindən törədilib.
Qeyd edək ki, Sibel H. ötən ildən başlayaraq qoca kişinin evində təmizlik işlərinə baxırmış. Həyat yoldaşı və qızı öldükdən sonra tək yaşayan Recep Serdar evini təmizləyən Sibel H.-yi öz qızı kimi istəyirmiş.
Hadisəyə gəlincə, qız törətdiyi cinayəti etiraf edib. Bildirib ki, bir neçə gün bundan əvvəl yaşlı adamın evinə gedib və təmizlik işlərilə məşğul olub. Həmin gün Recep Serdar təqaüdünü alıb və pulları stolun üstünə qoyub. Gənc qız tamahına güc gələ bilməyib və pulları oğurlayıb. Recep Serdar bunu bilib və ona irad tutub. Sibel H.-ı çox istədiyini deyən yaşlı adam, həmin pulla dərman alacağını deyib. Qoca kişi bildirib ki, heç olmasa dərmanı alsın və pulun qalanını özündə saxlasın. Qız isə qoca kişini təhqir edib və mətbəxt bıçağı ilə onu vurub. Sibel H. yaşlı adamın öldürmək məqsədilə 38 bıçaq zərbəsi vurub. Sonra onun başını kəsib.

Cinayət işi Türkiyədə böyük səs-küyə səbəb olub. Yeniyetmə qızın belə qəddarlıqla yaşlı adamı öldürməsi ölkədə etirazlara səbəb olub. İnsanlar sosial şəbəkələrdə belə cinayətləri pisləyiblər və qızın ağır cəza almasını tələb ediblər. Hətta Karabük qəsəbəsində bir qrup insan etiraz aksiyası keçirib. Qatil qızın yaşadığı evi daşlayıblar və onun ailəsinin qəsəbəni tərk etməsini tələb ediblər. Polis hadisəyə müdaxilə edib və qəzəbli kütləni birtəhər dağıdıb.
Cinayətkar qız isə ifadəsi alındıqdan sonra həbsxanaya yerləşdirilib. Onun yaxın vaxtlarda hakim qarşısına çıxacağı gözlənilir.