ABŞ prezidenti Donald Tramp bu gün ölkənin milli təhlükəsizlik strategiyasını təqdim edəcək.

“RİA-Novosti” xəbər verir ki, Ağ Ev administrasiyanın bir neçə yüksəkvəzifəli nümayəndəsi strategiyanın əsas müddəaları haqqında jurnalistlərə danışıb.
Sənəd ABŞ-a qarşı güman edilən potensial təhdidlərin bütün spektrini əhatə edəcək. Təhlükəsizlik strategiyasında “revizionizm dövləti” terminini xüsusi olaraq düşünülüb.
Sənəd Konqresin ənənəvi tapşırığı üzrə Dövlət Departamenti, Pentaqon, Maliyyə Nazirliyi, Mərkəzi Kəşfiyyat İdarəsi (MKİ) və başqa idarələr tərəfindən hazırlanıb. Administrasiya sələfi Barak Obamanın prioritetləri ilə Trampın prioritetlərini şüurlu olaraq müqayisə etmir, ancaq böyük fərqlər var. Hərçənd, Tramp bütün dünyada Amerika üstünlüyü və liderliyin ideyasından imtina etmir, bu, Obamanın çıxışlarının da leytmotivi idi, ancaq vurğulayırdı ki, dünya şəxsi maraqlarını qorumağa çalışan suveren ölkələrdən ibarətdir və Amerika həmin ölkələrdən biridir.
Yeni milli təhlükəsizlik strategiyasına dörd əsas milli maraq daxil edilib: amerikalıların müdafiəsi, amerikalıların rifahının artırılması, güc köməyilə sülhün müdafiəsi və Amerikanın təsirinin gücləndirilməsi.
Strategiya ayrı-ayrı ölkələr üzrə bölmələrdən ibarət olmayacaq. Ancaq administrasiya “adi şübhəli” terminindən imtina etməyib. Söhbət hər şeydən əvvəl Vaşinqtonun rəqiblər kimi qəbul etdiyi Rusiya və Çindən gedir.
“Biz ABŞ üçün ən böyük çağırışlar olan bir neçə böyük qrupu ayırmışıq. Birincisi, “revizionizm dövlətləri”dir (Çin və Rusiya bu qrupa aid edilir –red). Bunlar dünyanı bizim maraqlarımıza və dəyərlərimizə uyğun olmayan şəkildə qurmaq istəyirlər. İkinci, regionlarda stabilliyi pozaraq qonşularını kütləvi qırğın silahları ilə hədələyən ölkələrdir. Üçüncüsü, nifrəti yayan və günahsız insanlara qarşı zorakılığı alışdıran millətlərarası təhdidlərdir”, - administrasiyanın nümayəndəsi deyib.
Onun sözlərinə görə, “revizionizm dövlətlər”, hərbi metodlar da daxil olmaqla, müxtəlif vasitələrlə status-kvonu dəyişdirməyə çalışır./publika