Tramp əvvəl axır İranla Suriya məsələsində uzlaşmalı olacaq-“Die Welt”

Donald Tramp Vladimir Putindən iranlıları Suriyadan qovmasını istəyib. Lakin bu arzunun gerçəkləşməsi mümkün görünmür. Çünki İran silahlı gücləri Suriyada çoxdan dərin kök atıb. Tehranın planları isə hərbi tematikanın da çərçivəsindən kənara çıxıb.
Musavat.com xəbər verir ki, bu cümlə “Die Welt” qəzetinin yazarı Alfred Hakensbergerin analitik yazısında yer alıb.
“Trampın düşüncələri nə dərəcədə gerçəkliyə uyğundur”, - deyə sual verən müəllif cavabı Rusiyanın İrandakı səfiri Levan Caqaryan vasitəsilə tapmağa çalışıb. “İran balaca dövlət deyil ki, onu nəyəsə məcbur edə biləsən. İran çoxdan Suriyanın dərinliklərinə qədər daxil olub. Tehran və onun İslam keşikçiləri korpusu artıq bir neçə ildir ki, Suriyada öz nüfuzlarını gücləndirmək məqsədilə starteji planlar həyata keçirirlər”, -səfir bildirib.

Hələ 2017-ci ildə Ağ Evə verilən raportda İranın Əsəd ordusunun 80%-nə nəzarət etdiyi göstərilib.
“İranın nüfuzu silahlı nəzarətdən daha çoxdur”, - Suriya Əsəd rejiminə bağlı silahlı qruplar üzərində araşdırmaları ilə məşhurlaşan Əymən Cavad Əl Tamimi deyib. Britaniyalı ekspertin firkincə, Tehran hər keçən gün Suriya sisteminin görünməz tərkib hissəsi olmaq və buna inteqrasiya etmək üçün tədbirlər həyata keçirir.
Məsələn, İranın köməyi ilə yerli müdafiə gücləri deyilən hərbi birləşmələr yaradılıb. Hazırda bu birləşmələr ictimai yerləri qoruyur. Onlara İrandan gətirilən mütəxəssislər təlim keçirlər.

“İran həm də ölkədə demoqrafik dəyişikliklərə nail olur”, - Əhrar Əl Şam təşkilatının nümayəndəsi müəllifə danşıb: “Onlara görə sünnilər ölkənin şimalında, şiələr isə cənubda yaşamalıdır. Bu həm də şiələrin Aralıq dəniz sahilləri boyunca Dəməşq və Hums şəhərləri arasında mövqelərinin güclənməsinə gətirib çıxaracaq. Sahil boylarında isə şiələrə yaxın hesab edilən Əsədin klanının də daxil olduğu hakim nusayrilər yer alıb”.
İslam keşikçiləri korpusu isə Suriyada həm də iqtisadi faktora çevrilib.
Çünki Dəməşqin İran qarşısında olan borclarını ödəmək gücü, demək olar ki, yoxdur. Tehran kompensasiya olaraq korpus döyüşçüləri, habelə biznesmenləri üçün geniş torpaq sahələri alır.
“Əgər həqiqətən keşikçilər korpusu Suriyadan çıxarılsa, bu, Suriya rejiminin demontajına gətirib çıxaracaq. Bunu isə heç ABŞ-da da istəmirlər. Çünki İran qüvvələrinin köməyi olmadan nə Rusiyanın, nə də Suriya ordusunun üsyançılarla bacarması mümkün deyil. Vətəndaş müharibəsi yeni qüvvə ilə alovlana bilər.
“Buna görə də Tramp böyük miqyaslı kompomisslərə hazır olmalıdır”,- müəllif qeyd edib.(Musavat.com