Məşhur müğənni bu dəfə sərhədi aşdığının fərqinə varıb

Kanadalı pop ulduz Castin Biber ABŞ-ın keçmiş prezidenti Bill Klintondan üzr istəyib. Məşhur müğənni dostları ilə getdiyi bir restoranda pilləkənlərlə qalxarkən əlindəki spreyi ABŞ-ın sabiq prezidenti Bill Klintonun fotoşəkilinə tuşlayıb və söyüş söyüb.

Həmin vaxt görüntüləndiyinin fərqində olmayan Castin videosunun internetdə yayılmasından sonra sabiq prezidentdən üzr istəməli olub. Gənc ulduz Klintona zəng edərək etdiyi hərəkət üçün peşiman olduğunu deyib.