Dağıstanda silahlı toqquşma: 2 silahlı öldürülüb, 3 polis yaralanıb
Dağıstanda 2 silahlı zərərsizləşdirilib, 1 isə saxlanılıb.

“İTAR-TASS”-ın verdiyi xəbərə görə, Rusiya Milli Antiterror Komitəsinin açıqlamasında bildirilir ki, ötən gün Mahaçqalanın Krasnoarmeysk qəsəbəsində hüquq mühafizə orqanlarının əməkdaşları “VAZ 2106” markalı avtomobili saxlayıblar. Sürücü avtomobili saxladıqda salonda olan iki şəxs polis işçilərinə odlu silahdan atəş açıb.

“Qısamüddətli silahlı toqquşma nəticəsində iki cinayətkar zərərsizləşdirilib, güllə yarası almış sürücü isə saxlanılıb. İlkin məlumata görə, öldürülən şəxslər “Kaspiysk” silahlı dəstəsinin üzvü olub”, - deyə Milli Antiterror Komitəsinin nümayəndəsi bildirib.

Hadisə yerində silah və sursat aşkarlanıb.

Toqquşma nəticəsində 3 polis əməkdaşı yaralanıb, mülki əhali arasında xəsarət alan yoxdur.