Gürcüstanda 11 sentyabr hadisəsində ABŞ kəşfiyyatına məlumat ötürən İran vətəndaşının həbs olunması ilə bağlı qalmaqal baş verdi. ABŞ-da “Gürcü Arzusu” rəhbərliyi İran və Rusiya kəşfiyyatnın göstərişlərini yerinə yetirməkdə günahlandırılır. Amerikalılar İranlının sərbəst buraxılmasını tələb edir. Ali Rza Süleyman Pak hazırda Gürcüstan həbsxanasndadır və qətl cəhdində ittiham olunur, amma istintaq hələ bunu sübut edə bilməyib.

Əli Rza Süleyman Pak Gürcüstan paytaxtının tarixi hissəsində, Lermontov küçəsində tutulub. Onun tutulması üçün keçirilən xüsusi əməliyyatda Daxili İşlər Nazirliyinin, dövlət təhlükəsizlik xidmətinin və Gürcüstan prokurorluğunun əməkdaşları iştirak edib. Müstəntiqlərin fikrincə, Əli Rza Tiflisdə 37 yaşlı İran vətəndaşını öldürmək niyyətində olub. Gürcüstan DİN-in verdiyi məlumata görə, söhbət sifarişli qətldən gedir – təqsirləndirilən şəxslər "5.5 min dollar qarşılığında" cinayət törətməyə hazırlaşırdılar.
Mediada yayılan məlumatlara görə, Əli Rza həbs olunmamıdan bir il əvvəl Gürcüstanda yaşayıb. O, özünə məxsus olan Nayeb adlı restoranda saxlanılıb. Məhkəmə prosesində prokuror Teya Qiorqadze Ali Rezanın qətl törətmək niyyətində olduğunu bildirdi. Cinayət işi "Cinayətə hazırlıq - tamah məqsədi ilə və ya muzdla qəsdən adam öldrmə" maddəsi ilə başlanılıb. Təqsirli olduğu sübut olunarsa Əli Rza 16 ildən 20 ilədək və ya qeyri-müəyyən müddətə azadlıqdan məhrum ediləcək.
Qeyd edək ki, Ali Reza Süleyman Pak ABŞ-da 11 sentyabr hücumları barəsində dəyərli şahiddir. Məhz bu İran kəşfiyyat agenti, terror hücumları haqqında Amerika kəşfiyyatına və ABŞ-a İranın bu məsələdəki rolunu sübut etməyə kömək edib və İran hücum qurbanlarının ailələrinə 10 milyard dollar ödəmişdi.
Əli Rza Süleyman Pak qardaşını İran həbsxanasından xilas etmək üçün Gürcüstanda yaşayırdı. İran Əli Rza Süleyman Pakın qardaşını həbsxanaya salmışdı və onu xilas etməsi üçün öz şahid ifadəslərindən imtina etməyi, Gürcüstan vətəndaşlığı pasportu və 5 milyon dollar vəd etmişdi. Əli Rza təklifi rədd etdi, bundan sonra qardaşı İran həbsxanasında öldürüldü.
İranlının Gürcüstanda saxlanıldığı vaxt indiki baş nazir George Gaharia daxili işlər naziri idi.
Bu arada, 18 ildir ki, 11 sentyabr işində çalışan vəkil Kenneth Timerman bu işlə əlaqədar Gürcüstana gəldi. Ali Reza Süleyman Pakın maraqlarını müdafiə etmək niyyətindədir. Onun sözlərinə görə, Gürcüstan hakimiyyətinin iranlını həbsxanaya salması qərarı hamını heyrətləndirdi. Timerman hesab edir ki, Əli Rza Süleyman Pakın tutlmaq əmrini verən Georgi Qahariya İran və Rusiya kəşfiyyatının tapşırıqlarını yerinə yetirdi.
“İran hökuməti Gürcüstan hökumətinə bu adamın məhkəmə təqibinə başlamağı tapşırıb. Gürcüstan məhkəmə sistemində baş verənlər böyük qalmaqaldır. Ölkəmizin qəhrəmanı sizin ölkənizdə ədalətli məhkəmə araşdırması hüququ ala bilmədi. 2017-ci ildən bəri adam törətmədiyi cinayətə görə həbsə atılıb. Yalnız terrorçular haqda həqiqəti söylədiyi üçün həbsdə oturur. ABŞ hökuməti bu məsələyə hələ müdaxilə etməmişdi, amma indi bu problemin ədalətli həlli üçün müdaxilə etmələrini tələb etdik. Ancaq vəziyyət düzəlməsə, söz verirəm ki, bunun ardınca çox böyük beynəlxalq qalmaqal yaşanacaq ", Timerman “Mtavari Arkhi”kanalına müsahibəsində dedi.
“İranın Gürcüstandakı səfiri Seyid Cavad Şahid ölkənizə gələn Ali Reza Süleyman Pak ilə əlaqə saxladı. Həbsindən üç ay əvvəl keçmiş kəşfiyyatçının 5 milyon dollar və Gürcüstan vətəndaşının pasportu müqabilində 11 sentyabr hücumu barədə verdiyi ifadələri təkzib etməsini təklif etdi. Məni narahat edən odur ki, İran səfiri bu məsələdə Gürcüstan hökuməti ilə əməkdaşlıq etməsə Gürcüstan pasportunu necə verə bilər. Bunu kim edə bilər? Yalnız bu gün baş nazir postunu tutan Gürcüstanın daxili işlər naziri verə bilər. Bu adam təəssüf ki, iranlılarla bu sxem üzrə razılaşan adamdır. Təəssüf ki, gördüyünüz kimi, onlara kömək etmək üçün İran tərəfi ilə müəyyən maraqları va. Bu iş üçün birbaşa cavabdehdir. Bu nazir illərini Rusiyada keçirib. Kəşfiyyat ilə çox yaxın əlaqələri var. Cənab Qaxariya bu məsələdə, faktlar və sübutlar olmadan qanuni mühakiməni başlatdı "dedi.
Əli Reza Süleyman Pakın gürcü vəkili Tariel Kakabadzenin dediyinə görə, müvəkkilinin günahını sübut edən heç bir dəlil yoxdur. O, davaya doqru yanaşmanın olmadığını deyir. "Əminəm ki, bu işə apelyasiya məhkəməsində baxan üç hakim onun tamamilə günahsız olduğunu görəcəklər və əgər səlahiyyətli məmurlar tərəfindən məhkəməyə kobud müdaxilə olmazsa, o, bəraət alacaq”, - vəkil bəyan edir.
Ukraynada səfərdə olan Gürcüstanın baş naziri Qeorqi Qaxariya vəziyyəti belə şərh etdi: “ Belə çıxır ki, yalnız gürcü KİV-lərində deyil, başqa KİV-lərdə də qeybət edirlər ( New York Times). Bu iranlını, gürcü hüquq-mühafizə orqanlarından başqa, bəzi Avropa dövlətlərinin də hüquq orqanları axtarırlar. O cümlədən Fransada. Bu adamın sifarişli qətllər törətməsi bütün instansiyalarda sübut edilmişdir. Buna görə biz bu işi bir daha, daha tənqidi şəkildə nəzərdən keçirəcəyik” dedi.
Bu açıqlamaya cavab olaraq Kenneth Timerman Gürcüstanın Baş nazirini yalan danışmaqda günahlandırdı. Amerikalı vəkilin sözlərinə görə, heç bir Avropa ölkəsi onu axtarmadı. Onun sözlərinə görə, Əli Rza Süleyman Pak Berlində 2003-cü ildən bəri yaşayır (Həmid Reza Zakeri adı ilə) və buna görə də baş nazir Qaxariyanın açıqlamaları yalandır./inosmi.ru
Tərcümə etdi: Ülviyyə Şükürova