Dağlıq Qarabağda qondarma rejimin “başçısı” Arayik Arutyunyan etiraf edib ki, Ermənistan Baş naziri Nikol Paşinyandan Qarabağdakı əməliyyatları dayandırmasını istəyib.

GundemXeber.Az bildirir ki, bu barədə o “Facebook”da yazıb.

“Döyüşlərə son qoymaq üçün səy göstərmək məqsədilə Ermənistan baş nazirinə müraciət etdiyimi bir daha təsdiqləyirəm. Bu qərar hərbi vəziyyət nəzərə alınaraq, Silahlı Qüvvələrin komandanlığının belə bir ehtiyacla bağlı israr etdiyi üçün verilib”, - o qeyd edib.

Arutyunyanın sözlərinə görə, erməni tərəfinin müəyyən ciddi problemləri var idi, bu şəraitdə müharibənin davam etməsi daha böyük insan və ərazi itkilərinə, o cümlədən, hərbçilərin mühasirəyə düşməsinə səbəb olacaqdı.

GundemXeber.Az