Türkiyə Prezidenti Rəcəp Tayyib Ərdoğan gərginləşmiş əlaqələri bərpa etmək ümidi ilə Birləşmiş Ərəb Əmirliklərinə səfər edir. Təhlilçilərin bildirdiyinə görə, İranla bağlı narahatlıqlar ortaq maraqlar yarada bilər.

Ərdoğan Birləşmiş Ərəb Əmirliklərinə bazar ertəsi başlayan iki günlük səfərinin İran Körfəzinin dövləti ilə illərlə davam edən gərginliyi və rəqabəti azaltmaq məqsədi daşıdığını deyib.

O, bu səfərlə Türkiyənin əldə etdiyi impulsu inkişaf etdirməyi və və münasibətləri layiq olduğu səviyyəyə qaytarmaq üçün lazımi addımları atmağa çalışdığını deyib.

Ankaranın “Müsəlman Qardaşları” İslamçı qrupunu dəstəkləməsi səbəbindən Türkiyə Yaxın Şərqdə getdikcə daha çox təcrid olunmuş vəziyyətdədir.

İstanbulun Kadir Has Universitetinin beynəlxalq əlaqələr üzrə mütəxəssis Soli Özəl deyib ki, Ərdoğanın Birləşmiş Ərəb Əmirliklərinə səfəri regionda münasibətlərin yenidən normallaşdırılması istiqamətində səylərin daha geniş bir hissəsidir və İranla bağlı narahatlıqlar ortaq maraqlar yarada bilər.

“Türkiyənin hədəfində bir neçə ölkə var ki, onlardan biri Birləşmiş Ərəb Əmirlikləridir. Hər iki ölkə bütün Qərb ölkələri kimi İranın indiki qədər təsirli olmamasında maraqlıdır” - deyə, Özəl bildirib.

Türkiyənin Qafqazdan Suriyaya qədər İranla getdikcə daha çox rəqabət aparır.

Keçən həftə Türkiyənin hökumətyönlü mediası Türk mənşəli israilli iş adamına qarşı sui-qəsdin qarşısını almaq üçün Türkiyə və İsrail kəşfiyyatının birgə keçirdiyi əməliyyat zamanı Türkiyədə İran agentləri olduğu iddia edilən bir neçə nəfərin həbs edildiyini bildirib.

Həbslər bu yaxınlarda İranın Türkiyəyə təbii qaz tədarükünü bir həftədən çox müddətə kəsməsi və ölkənin istehsal sektorunun çox hissəsinin bir neçə gün ərzində dayanmasına səbəb olmasından sonra baş verib.

Gundemxeber.Az