“Rusiya eyni vaxtda bir neçə istiqamətdə hücum təşkil etmək iqtidarında deyil”.

Gundemxeber.az xəbər verir ki, bunu Ukraynanın müdafiə naziri Oliksiy Reznikov beynəlxalq ictimaiyyətə müraciətində bildirib.

“Uzun sürən müharibə qlobal ərzaq böhranına səbəb ola, miqrasiya riskini artıra bilər. Ona görə də Rusiyanın savaşı uzatmasına imkan verməyin. Bizə silah, o cümlədən PUA, hava hücumundan müdafiə sistemləri, raket əleyhinə vasitələr lazımdır. Rusiya döyüş meydanında məğlub ola bilər. Bu, Avropanı təhlükədən, dünyanı isə fəlakətdən xilas edər”, - o söyləyib.