Qərb Ukraynanı Rusiyanın pulları ilə yenidən bərpa etməyə hazırlaşır!

ABŞ - n maliyyə naziri Cannet Yellen bildirib ki, “Dünyada gözlənilən aclıq təhlükəsi bizi çox narahat etsə də, Rusiyanı məhv etmək üçün bu çətinliyə  qatlanmaq lazımdır”.

Əslində, növbəti dəfə etiraf olunur ki, Qərbin məqsədi heç də Rusiyanı Ukraynada təkcə hərbi məğlubiyyətə uğratmaq deyil, həm də onun imperiya kimi süqutuna nail olmaqdır. Proseslər uzandıqca görürük k, Ukraynaya göstərilən yardımlar nəinki azalmır, əksinə, getdikcə daha da çoxalmaqdadır. Bu günlərdə İngiltərə baş naziri Boris Consonun ölkəsinin Ukraynaya 1,3 milyard funt-sterlinq ayırdığını bildirdi. Hətta uzaq Yaponiya belə Ukraynaya kömək üçün 600 milyon dollar ayıırmağa qərar verib. Təbii ki, göstərilən  yardımın ən böyük hissəsini G7 ölkələrinin ayırdığı 19, 8 milyard və ABŞ - n verəcəyi  40 milyard vəsait təşkil edir. Avropa İttifaqı  isə Ukraynanın bərpa planı üçün 9 milyard avro ayırmağa qərar verib. Bundan əlavə yeni silahlar almaq üçün Aİ  əlavə 500 milyon avro yardım edəcək.

Rusiya isə boğulur. Macarıstanla məsələ həll olunan kimi Aİ - nin 6-cı sanksiya paketi işə düşəcək və Avropa ölkələri bir neçə aya rus neftindən imtina edəcəklər. Sanksiyalara görə Rusiyanın yaranacaq  neft qalığını Çinə və Hindistana satması da mümkün olmayacaq. Çünki ABŞ-artıq bu ölkələrə xəbərdarlıq edib ki, Rusiyadan aldıqları ənənəvi miqdardan artıq əlavə neft alarlarsa, o zaman bu ölkələrə də sanksiya tətbiq oluna bilər. Hətta ABŞ-n təsiri ilə bir müddət öncə Hindistan Rusiyadan qırıcı  təyyarə alınması ilə bağlı müqaviləni belə ləğv etməli olub . Rusiyanın əsas almaz idxalatçısı hesab olunan Hindistan artıq almaz alışını məhdudlaşdırmağıın yollarını nəzərdən keçirir.

Bu arada Putinin sözçüsü Peskov ölkəsinin dondurulmuş aktivləri ilə bağlı bildirub ki, Rusiyanın xaricdəki pullarına başqalarının əl qoymaması üçün hüquqi yollara əl atacaqlar. Rusiyanın bu narahatlığına səbəb G7 ölkələri sammitində Rusiyanın dondurulmuş aktivlərinin Ukraynaya yardım üçün sərf olunmasının hüquqi mexanizmilərinin hazırlanması ilə bağlı təklif və müzakirələr olub. Xatırladaq ki, Dünya Bankın hesablamalarına görə Ukraynanın müasir standartlara görə yenidən qurulması üçün 70 milyard dollara yaxın vəsaitə ehtiyac var. Qərbin  Rusiyanın öz pulu ilə Ukraynanı yenidən qurmaqla planı Putinin və onun rejimi üçün çox ağır  maddi zərbə olmaqla bərabər, həm də mənəvi sarsınt, iflas deməkdir.

Slava Ukraini !

Fuad Qəhrəmanlı

GundemXeber.Az