Bazar günü polis bildirib ki, biri Yohannesburqa yaxın bir qəsəbədə, digəri isə Cənubi Afrikanın şərqində iki bara silahlı hücum nəticəsində 19 nəfər ölüb.

Soveto polisinin dediyinə görə, hücumçular mikroavtobus-taksi ilə gələrək bar patronlarına atəş açmağa başlayanda 15 nəfər öldürülüb.

Şərqi Pietermaritzburq şəhərində polis iki nəfərin müştərilərə atəş açması nəticəsində 4 nəfərin öldüyünü və 8 nəfərin yaralandığını bildirib.

Polis hücumların hansısa şəkildə biri-biri ilə bağlı olub-olmadığını söyləməyin hələ tez olduğunu, lakin onların oxşarlığını müşahidə etdiklərini bildirib.

Cənubi Afrikanın iqtisadi paytaxtının cənub-qərbində, Yohannesburqun ən böyük qəsəbəsi olan Sovetoda gecə yarısından az sonra hadisə yerinə polis çağırılıb.

"Biz hadisə yerinə çatanda 12 nəfər güllə yarasından ölmüşdü" - deyə, yerli polis zabiti Nonhlanhla Kubheka AFP-yə bildirib. O əlavə edib ki, 11 nəfər xəstəxanaya aparılıb. 3 nəfər az sonra ölüb.

Hücum edənlərlə bağlı təfərrüatlar verilməyib.

Atışma baş verən Soveto rayonunun Orlando polis bölməsinin komandiri Kubheka "heç kimin həbs olunmadığını deyib.