ABŞ-da, Ohio ştatının Cincinnati şəhərindəki gecə klubunda atəş açılandan sonra bir adam ölüb və azı 14 nəfər yaralanıb, polis deyir.
Polis əvvəlcə hadisənin azı 2 silahlı tərəfindən törədildiyini desə də, Cincinnati Polis Departamentinin rəsmisi Paul Neudigate sonra tvitləyib ki, "cəmi bir nəfərin atəş açdığı deyilir".
Cameo Night Club-da bir neçə adam ağır yaralanıb, cənab Neudigate WLWT-TV telekanalına deyib.
"Biz çox dəhşətli bir vəziyyətlə qarşılaşmışıq ... və bir neçə qurban var", o deyib.
Atəş, yerli vaxtla təxminən 01:00-da baş verib (Bakı vaxtı ilə 9:00). Polisin bildirdiyinə görə həmin zaman klubda yüzlərlə adam var idi.
Hadisə ilə bağlı saxlanılanlar yoxdur, Cincinnati Polis Departamentindən Eric Franz ABC News telekanalına deyib. Onun sözlərinə görə, polis bir neçə şahidi dindirib.