Ukrayna ordusu Qara dənizdə Rusiyaya ağır zərbə vurub...

Ukrayna ordusu “Bayraktar”ların köməyi İlanlı ada yaxınlığında Rusiyanın Qara dəniz Donanmasına aid olan 1 freqatı, 5 sürət katerini və 1 buksir gəmisini sıradan çıxarıb.

Gundemxeber.az xəbər verir ki, bi barədə Ukraynanın Baş Qərargahı məlumat yayıb.

Ukrayna Baş Qərargahının yaydığı məlumatda bildirilir ki, İlanlı ada yaxınlığındakı əməliyyat bir neçə mərhələdə həyata keçirilib. Əməliyyatda “Bayraktar” eskadrilyası, Ukraynanın Hərbi Hava Qüvvələri, Raket və Artileriya ordusunun bölməsi, Dövlət Sərhəd Xidmətinin hissəsi, Ukrayna kəşfiyyat bölmələri və “Aleksandriya” strateji-əməliyyat qrupnun bölməsi iştirak edib.

Əməliyyat bir neçə mərhələdə həyata keçirilib. Öncəliklə ukraynalılar “Admiral Essen” freqatının lojistik təminatını kəsiblər və bu təminatı həyata keçirən gəmi-kater silah ambarları “Bayraktar” vasitəsi ilə sıradan çıxarıblar. Daha sonra “Bayraktar” və digər Qərb silahlarının, o cümlədən Ukrayna silahlarının köməyi ilə “Admiral Essen” freqatına zərbə endiriblər.

“Bayraktar” və digər Qərb silahlarının köməyi ilə 4 “Raptor” tipli sürət kateri vurulub. Bundan başqa “Serna” tipli desant kateri sıradan çıxarılıb.

Ukrayna Baş Qərargahının yaydığı məlumatda qeyd olunur ki, zərbələr nəticəsində “Admiral Essen” freqat gəmisinə ağır xəsarət yetirilib.

Həmçinin “Xilasedici Vasili Bex” müasir buksir gəmisi batırılıb.

GUNDEMXEBER.AZ