Gundemxeber.az » Dünya » Fransa və Ermənistan Azərbaycana KƏLƏK GƏLMƏK İSTƏYİR
Zaur Məmmədov: "Yaranmış vəziyyətdə Paşinyan geosiyasi seçim kontekstində sərhəddə yeni təxribatlar törədə bilər"
"Fransa və Ermənistan Qafqazda məkrli plan üzrə hərəkət etmək fikrindədirlər. Məlum olub ki, Fransa Senatı ölkə hökumətini Xankəndində humanitar ofisin yaradılması məsələsini müzakirə etməyə, ərazi bütövlüyünü təmin etmək üçün Ermənistana hər cür yardım göstərməyə, xüsusən də onun müdafiə qabiliyyətini gücləndirməyə çağırır". GUNDEMXEBER,AZ hurriyyet,az-a istiandla xəbər verir ki, bunu Prezident yanında Dövlət İdarəçilik Akademiyasının müşaviri, Bakı Politoloqlar Klubunun rəhbəri Zaur Məmmədov qeyd edib.
Politoloqun sözlərinə görə, qətnamə müəllifləri Fransa hökumətindən erməni əhalisinin və Ermənistanın beynəlxalq səviyyədə tanınmış sərhədləri daxilində təhlükəsizliyinə təminat verməsini xahiş edir və bu məqsədlə beynəlxalq qüvvələrin yerləşdirilməsi xahişini təklif edirlər: "Senatorlar davamlı sülhün bərqərar olması üçün danışıqlar vasitəsi kimi istifadə oluna bilinən 'Dağlıq Qarabağ Respublikası"nın tanınmasının zəruriliyini təsdiq edirlər. Aydındır. İrəvan və Paris Azərbaycana kələk gəlmək istəyərək aşağıdakı məqsədləri güdürlər. Birincisi, Azərbaycan və Ermənistan bir-birilərinin sərhədlərini tanıyır. Sonradan isə, beynəlxalq sərhədlərin tanınmasının Qarabağın dağlıq hissəsi ilə əlaqəli olmayacağını deyəcəklər. İkincisi, ABŞ birbaşa deyil, dolayısı ilə Avropa İttifaqı xətti ilə Ermənistanda möhkəmlənmək istəyir. Bununla bağlı olaraq sülhün möhkəmləndirilməsi adı altında Ermənistanda müəyyən ofislərin açılması ilə bağlı təkliflərin ediləcəyi istisna deyil".
Bakı Politoloqlar Klubunun rəhbərinin fikrincə, yaranmış vəziyyətdə Paşinyan geosiyasi seçim kontekstində sərhəddə yeni təxribatlar törədə bilər.
GUNDEMXEBER.AZ
1-08-2013, 12:36
15-12-2014, 20:33
26-09-2018, 12:25
4-01-2021, 10:03
2-07-2013, 15:32
Sorğu
Yeni dizaynımız necədir?