“Son 24 saat ərzində adaya 23 hərbi təyyarə və pilotsuz uçuş aparatı, eləcə də Çin Xalq Azadlıq Ordusuna aid 4 gəmi yaxınlaşıb”.

Bu iddia ilə Tayvan Müdafiə Nazirliyi çıxış edib.

Bu barədə nazirliyin saytında dərc edilmiş məlumatda deyilir.

Məlumata görə, saat 06:00 vəziyyətinə Tayvan ətrafında Çin ordusunun 23 təyyarəsi və 4 gəmisi aşkar edilib. Nazirlik iddia edir ki, Çin Xalq Azadlıq Ordusu SU-30, J-16 və J-11 qırıcıları, Y-8 sualtı qayıq əleyhinə təyyarələr və elektron kəşfiyyat üçün Y-8 modelini yerləşdirib. Tayvan hərbçiləri iddia edirlər ki, adaya, həmçinin BZK-005 pilotsuz uçuş aparatı və KJ-500 havadan erkən xəbərdarlıq və nəzarət təyyarəsi də yaxınlaşıb.

Tayvan silahlı qüvvələri Çin təyyarələrini izləmək üçün gəmiləri, hərbi təyyarələri, həmçinin zenit-raket sistemlərini işə salıb.

Gundemxeber.az