Sızan sənədlərdən məlum olub ki, İran hakimiyyəti ötən il hökumət əleyhinə hərəkatı dəstəkləyən İranın məşhurlarını təqib etmək və cəzalandırmaq üçün gizli komitə yaradıb.

Gundemxeber.az xəbər verir ki, bu barədə BBC yazır.

Artıq sentyabrın 22-də bu komitə İqtisadiyyat Nazirliyinə 141 tanınmış şəxsin siyahısı və onların vergi ödənişlərinin yoxlanılması və barələrində digər tədbirlərin görülməsi tələbi ilə məktub göndərib.

Məktub ölkədə İslami geyim qaydalarını pozduğu iddiası ilə əxlaq polisi tərəfindən saxlanılan gənc Məhsa Əmininin ölümü ilə nəticələnən kütləvi etirazların başlamasından cəmi 6 gün sonra yazılıb.

Siyahıya İran futbolunun əfsanəsi Əli Daei və kino ulduzu Təranə Əlidosti kimi məşhurlar daxil edilib. 

Lakin onlardan başqa, əsas vətəndaş azadlıqlarını tələb edən hərəkatı dəstəklədiklərinə görə iqtisadi sanksiyalar, səyahət qadağaları və hətta həbslərlə üzləşən onlarla məşhur, aktyor, idmançı və sosial media rəy liderləri var.

Etirazlar başlayandan bəri təhlükəsizlik qüvvələri ilə qanlı toqquşmalarda yüzlərlə insan həlak olub və "iğtişaşlarda” iştirak etmək ittihamı ilə həbs edilib.

BBC Farsia Yaxın Şərqdəki mənbəsindən Tehran hakimiyyətinin məşhurları etirazlara qoşulmaqdan və hətta onları dəstəkləməkdən çəkindirmək üçün atdığı sürətli və koordinasiyalı tədbirləri göstərən üç sənəd əldə edib.

Sentyabrın 22-də yazılan məktubda İranın mədəniyyət və islami irşad naziri və insan haqlarını kobud şəkildə pozduğuna görə Avropa İttifaqının sanksiyalarına məruz qalan Məhəmməd Mehdi İsmailinin rəhbərlik etdiyi "Məşhurlar üzrə İşçi Qrup”un yaradılmasından bəhs edilir.

Məktubda həmçinin qeyd olunur ki, İqtisadiyyat nazirliyinə komitənin nöqteyi-nəzərindən iğtişaşların alovlanmasında mühüm rol oynayan siyahıda yer alan 141 nəfərin vergi ödənişlərini yoxlamaq və onlara "qanun çərçivəsində gözlənilən məhdudiyyətlər” tətbiq etmək tapşırılıb.

Futbolçu Ali Daei və etirazçılardan birinin edamını pislədiyinə görə dekabrın 17-də həbs edilən, lakin iki həftə sonra zaminə buraxılan aktrisa Təranə Əlidosti ilə yanaşı, kinorejissorlar Əsgər Fərhadi, Peqa Ahanqarani,  Manije Hekmat, Barzu Arcumand və Şahin Səmədpur, həmçinin aktyor və keçmiş teleaparıcı Ehsan Karami də daxil olmaqla bir çox məşhurun adı siyahıda yer alıb

Məktubda bu insanların üzləşdiyi "məhdudiyyətlər” göstərilməyib, lakin sadalanan şəxslərdən birinin BBC Fars Xidmətinə bildirdiyinə görə, "rəsmilər İnstaqramda olanları etirazçılara dəstək verməyə davam etsələr, bütün vergiləri ödəmək məcburiyyətində qalacaqları ilə hədələyiblər və İnternetdən əldə etdikləri gəlirlər kifayət qədər əhəmiyyətli məbləğlər olacaq”.

Siyahıda olan daha iki nəfər etirazçılara dəstək çıxışlarından sonra bank hesablarının bağlandığını təsdiqləyib.

Sentyabrın 26-da "Tamamilə məxfi” qeyd olunan başqa bir sənəddə deyilir ki, "Məşhurlar üzrə işçi qrup”unun adı dəyişdirilərək, daimi olan Məşhurlar üzrə komitəsi yaradılıb. 

Orada həmçinin deyilir ki, komitənin vəzifələri aktyorlar, ifaçılar və media nümayəndələri ilə məşğul olacaq mədəniyyət və kəşfiyyat nazirlikləri və idmançılarla məşqul olacaq İdman nazirliyi və İslam İnqilabı Keşikçiləri Korpusu (SEPAH) arasında bölünür.

Sənəddə qeyd edilir ki, məşhurlarla bağlı istənilən qərar "iğtişaşların yatırılmasında və rejimin əsaslarının qorunub saxlanmasında xərcləri azaldan və faydaları artıran şəkildə qəbul edilməlidir”.

Noyabrın 1-i tarixli üçüncü sənəddə Qətərdə keçiriləcək dünya çempionatı ərəfəsində futbolçularla necə davranılmasından bəhs edilir və aparıcı oyunçulardan birinin və məşqçinin aktivlərinin dondurulması qeyd olunur.

Sənəddə həmçinin bildirilir ki, komitə aktrisa Fatimə Motamed-Aryanın "cəsarətindən” qəzəblənib və Tehran prokurorluğundan "dərhal ona qarşı ittiham irəli sürməyi və onun işinə prioritet məsələ kimi baxmağı” tələb edib.

Motamed-Arya internetdə hicabsız çəkdirdiyi şəkillərini və qəzəbli video yerləşdirib və hakimiyyətin onun hicablı şəklini reklam afişaları üçün istifadə etməsindən şikayətlənib.

İslam İnqilabı Keşikçiləri Korpusu casuslarının yalnız idmançılarla maraqlandığı iddia edilsə də, sənəddə deyilir ki, onlara kino və televiziya aktrisası, bir neçə ən yaxşı aktrisa mükafatçısı, etiraz hərəkatına dəstək məqsədilə hicabı ilk çıxaranlardan biri olan Katayun Riyahini saxlamağa icazə verilib. 

Bəzi məlumatlara görə, Katayun noyabrın 20-də ölkənin şimalında həbs edilib və bir həftə sonra zaminə buraxılıb.

Gundemxeber.az