Türkiyədə keçirilən prezident seçkilərində səsvermə bülletenlərinin 91,10 faizi sayılıb, hazırkı prezident Rəcəb Tayyib Ərdoğan 49,94 faiz səslə öndədir.

Bu da Türkiyədə prezident seçkilərinin ikinci tutunun keçirilməsi ehtimalını artırır. 

ikinci yerdə 44,, faiz səslə “Millət İttifaqı”nın namizədi, müxalif Cümhuriyyət Xalq Partiyasının sədri Kamal Kılıçdaroğlu gəlir.

Üçüncü yerdə Sinan Oğan qərarlaşıb (5,30 faiz).

Ümumilikdə seçici fəallığı 88 faiz təşkil edir.

Parlament seçkilərində səsvermə bülletenlərinin 83,60 faizinin sayılmasından sonra hakim Ədalət və İnkişaf Partiyası 36,11 faiz, müxalif Cümhuriyyət Xalq Partiyası 24,49 faiz, Milliyyətçi Hərəkat Partiyası 10,70 faiz, İYİ Partiya 9,97 faiz, Yaşıl Sol Partiya 8,43 faiz səs toplayıb.

Qeyd edək ki, prezidentlik uğrunda yarışan namizədlərdən biri səslərin 50+1 faizini yığarsa, birbaşa prezident seçiləcək.

Birinci turu nəticəsiz qalarsa, ikinci tur mayın 28-də baş tutacaq.

GUNDEMXEBER.AZ