İtaliyanın keçmiş baş naziri Silvio Berluskoni dünyasını dəyişib.

Gundemxeber.az xarici mediaya istinadla verir ki, 86 yaşlı siyasətçi Milanda xəstəxanada vəfat edib.

Onun ölüm səbəbi hələlik açıqlanmır.

Xatırladaq ki, iyunun 9-da Berluskoni San Raffaele klinikasına yerləşdirilmişdi. Buna səbəb kimi hər hansı kritik vəziyyət deyil, həkimlərin müalicə oluna biləcəyinə inandıqları mielomonositar leykemiya səbəb olduğu bildirilirdi. Bundan əlavə, sabiq baş nazirin vəziyyətinin narahatlıq doğurmadığı və yaxın günlərdə xəstəxanadan buraxılacağı deyilirdi. 

Gundemxeber.az