Gundemxeber.az » Dünya » Stoltenberq varis seçimindəki çətinliklərə görə NATO-nun baş katibi olaraq qala bilər - FT
Stoltenberq varis seçimindəki çətinliklərə görə NATO-nun baş katibi olaraq qala bilər - FT
NATO-ya üzv ölkələr Yens Stoltenberqin Alyansın baş katibi vəzifəsində səlahiyyət müddətini uzatmağa meyllidirlər.
GUNDEMXEBER.AZ xarici mediaya istinadla bildirir ki, Alyans Vilnüs sammiti ərəfəsində yeni varislə bağlı razılığa gələ bilməyəcəyindən narahatdır. 2014-cü ilin oktyabrından Alyansa rəhbərlik edən Stoltenberq açıq şəkildə bəyan edib ki, mandatını davam etdirmək üçün imkanlar axtarmağı planlaşdırmır. Eyni zamanda o, fəaliyyətini davam etdirəcəyini də istisna etməyib.
NATO qarşısında Rusiyanın Ukraynaya genişmiqyaslı müdaxiləsi, daxili ziddiyyətlər və Çinin yüksəlişi ilə əlaqədar sınaqlar fonunda Stoltenberqin varisi ilə bağlı müzakirələr aktivləşib.
Çətin fon və Alyansın bütün üzvlərini qane edəcək namizədin tapılmasının çətinliyi o deməkdir ki, Stoltenberqdən mandatı dördüncü dəfə uzatmağı xahiş etmək ehtimalı qərarın qəbulunu gələn ilə qədər təxirə salacaq qısamüddətli kompromis olacaq.
"Stoltenberq gözəl baş katib idi və mən indi nəyisə dəyişməyə lüzum görmürəm”, deyə NATO ölkələrindən birinin Xarici işlər naziri bildirib
Qeyd olunur ki, Stoltenberqin səlahiyyət müddətini uzatma qərarı Danimarkanın baş naziri Mette Frederiksen və İngiltərə müdafiə naziri Ben Uollesin yekdil dəstək almamasından sonra verilib.
Eyni zamanda, Polşada Stoltenberqin varisinin yenidən Skandinaviya ölkələrindən birinin nümayəndəsi olmasının əleyhinə çıxırlar. Xüsusilə, bir çox ölkələr Alyansın ilk qadın baş katibinin seçilməsinə öz dəstəyini ifadə ediblər.
Uolles öz növbəsində, növbəti baş katiblə bağlı qərarın Vilnüs sammitindən sonra, ola bilsin, oktyabrda verilə biləcəyini ehtimal edib.
Stoltenberqin səlahiyyət müddətinin uzadılması ona İsveçin Alyansa üzvlüyünü təmin etmək tapşırığını yerinə yetirmək üçün daha çox vaxt verəcək. Hazırkı baş katib bu vəzifəni şəxsən öz üzərinə götürüb, lakin Türkiyə prezidenti Rəcəb Tayyib Ərdoğanın Skandinaviya ölkəsinin girişinə qoyduğu vetonu ləğv edib-etməyəcəyi aydın deyil.
"Hamımız bilirik ki, nə vaxtsa Stoltenberqi buraxmalı olacağıq, onun varisi olmalıdır”, deyə Niderlandın müdafiə naziri Kaysa Ollonqren bildirib.
Həmçinin bəzi mənbələr Stoltenberqə gələcəyi ilə bağlı dəqiq siqnal verilmədiyi üçün əsəbiləşdiyini iddia edirlər.
Gundemxeber.az
Oxşar yazılar :
-
-
NATO: "2017-ci ildə müdafiə xərcləri ...
28-06-2017, 16:21
-
NATO-nun baş katibi bir daha Ərdoğandan üzr ...
19-11-2017, 17:43
-
Stoltenberq: "NATO Rusiya ilə münasibətlərə ...
19-03-2018, 12:39
-
NATO Rusiya ilə dialoqun davam etdirilməsini ...
2-12-2020, 10:54
-
NATO Rusiyadan Britaniyanın tələblərini ...
16-03-2018, 11:07
Sorğu
Yeni dizaynımız necədir?