Ermənistan Baş naziri Nikol Paşinyan ABŞ Dövlət katibi Entoni Blinkenlə telefonla danışıb.

Gundemxeber.az xəbər verir ki, bu barədə Ermənistan Nazirlər Kabineti məlumat yayıb.
Qeyd olunub ki, tərəflər Qarabağdakı son situasiyanı müzakirə ediblər.

***

Ermənistan hökumətinin başçısının Rusiya liderinə məktub göndərməsindən sonra Rusiya prezidenti Vladimir Putinlə Ermənistanın baş naziri Nikol Paşinyan arasında təmaslar olmayıb.

Bunu isə Rusiya prezidentinin mətbuat katibi Dmitri Peskov bildirib.
“Prezident Putin özü Vladivostokda bu barədə danışıb: həqiqətən də baş verənlərlə bağlı erməni tərəfinin nöqteyi-nəzərini əks etdirən müfəssəl məktub var idi. O vaxtdan bəri başqa təmaslar olmayıb. Digər təmaslar barədə razılıq əldə olunur. Bu barədə sizə məlumat verəcəyik”, - deyə Kreml sözçüsü qeyd edib.

Gundemxeber.az