Gundemxeber.az » Dünya » ABŞ xüsusi təyinatlıları İsraildə girovların tapılmasına kömək edir - Pentaqon
ABŞ xüsusi təyinatlıları İsraildə girovların tapılmasına kömək edir - Pentaqon
ABŞ Müdafiə Nazirliyinin rəsmisi bildirib ki, İsraildə olan ABŞ komandoları HƏMAS-ın 7 oktyabr hücumunda əsir götürülən 200-dən çox girovu tapmağa kömək edir.
Gundemxeber.az bu barədə "The New York Times”a istinadən xəbər verir.
Müdafiə nazirinin köməkçisi və Pentaqonun xüsusi əməliyyatlar siyasəti üzrə baş sözçüsü Kristofer P.Mayer Vaşinqtonda keçirilən mətbuat konfransda bildirib ki, Birləşmiş Ştatlar "bir sıra işlərdə israillilərə fəal kömək edir”.
Onun sözlərinə görə, əsas vəzifə İsrailə girovların, o cümlədən ABŞ vətəndaşlarının müəyyən edilməsinə kömək etməkdir.
Bununla belə, Mayer hazırda İsraildə nə qədər ABŞ xüsusi əməliyyat qüvvələrinin olduğunu dəqiqləşdirməkdən imtina edib.
Lakin digər ABŞ rəsmiləri bildirirlər ki, Pentaqonun oktyabrın 7-də daha əvvəl planlaşdırılan təlimlər üçün İsraildə olan kiçik qrupdan əlavə, son həftələrdə onlarla komando göndərib.
Adının açıqlanmasını istəməyən ABŞ rəsmiləri jurnalistlərə bildiriblər ki, komandolar FTB, Dövlət Departamenti və girovların xilas edilməsi üzrə ABŞ hökumətinin digər mütəxəssisləri ilə israilli həmkarları ilə müzakirələrdə iştirak edəcəklər.
Mayer vurğulayıb ki, ABŞ xüsusi təyinatlılarına İsraildə heç bir döyüş tapşırığı verilmir, lakin Vaşinqton Təl-Əvivlə Qəzza zolağında "qarşıda duran çox çətin mübarizəni” müzakirə edir.
Nəşr onu da qeyd edir ki, bir neçə Qərb ölkəsi istənilən potensial xilasetmə əməliyyatına kömək etmək üçün gizli şəkildə öz xüsusi təyinatlılarının kiçik qruplarını İsrailə yaxınlaşdırıb. Həm də onlar vətəndaşlarının İsraildən və ya Livandan istənilən genişmiqyaslı təxliyəsinə kömək etmək üçün hazır olmalıdır.
Mayer qeyd edib ki, ABŞ-ın bölgədəki Xüsusi Əməliyyat qüvvələri də ölkə vətəndaşlarının təxliyəsinə və səfirliklərin təhlükəsizliyini təmin etməyə kömək etməyə hazırdır.
Gundemxeber.az
Oxşar yazılar :
-
-
ABŞ xüsusi təyinatlıları İŞİD-lə bacarmadı ...
3-01-2015, 00:10
-
Arvadı Trampı İsraildə biabır etdi - VİDEO ...
23-05-2017, 21:43
-
ABŞ və Gürcüstan: Müdafiə sahəsində münasibətlər ...
4-10-2018, 14:32
-
“Bin Laden-2”: Amerika xüsusi təyinatlıları ...
19-06-2014, 10:21
-
İsraildə koronavirusa yoluxanların sayı 21 minə ...
22-06-2020, 13:38
Sorğu
Yay istirahətini harada keçirmək niyyətindəsiniz?