İslandiyanın cənub-qərbində yerləşən Reykjanes yarımadasında həftələrlə davam edən intensiv zəlzələ aktivliyindən sonra vulkan püskürüb.

GundemXeber.Az BBC News-dan əldə etdiyi məlumata görə bu ayın əvvəlində balıqçı Qrinavik şəhərindən 4 minə yaxın insan evakuasiya edilib. Yaxınlıqda yerləşən "Blue Lagoon" geotermal spası bağlanıb.

İslandiya Met Ofisi bildirir ki, püskürmə yerli vaxtla saat 22:17-də (22:17 GMT) şəhərin şimalında başlayıb.

Paytaxt Reykyavik ətrafındakı bölgədə oktyabrın sonlarından etibarən zəlzələ aktivliyinin artması müşahidə olunur.

Met Ofisdən o da bildirilib ki, püskürmə Qrinavik şəhərindən 2,5 km şimal-şərqdə yerləşir və seysmik aktivlik şəhərə doğru hərəkət edir.

Sosial şəbəkələrdə yayılan görüntülər və videolarda zəlzələnin, silsilə seysmik hadisələrin baş verməsindən cəmi bir saat sonra vulkandan lavanın partladığı göstərilib.

Püskürməni Reykyavikdən görmək olar. Təxminən 42km məsafədən.

İslandiya bir neçə həftədir ki, potensial vulkan püskürməsi ilə bağlı ayıq-sayıqdır. Ötən ay hakimiyyət insanlara ehtiyat tədbirləri kimi Qrinaviki tərk etməyi əmr etmişdi.

Xəsarət alanlar barədə məlumat verilmirdi.

2010-cu ilin aprelində Eyjafjallajokull vulkanik püskürməsindən gələn kül buludu İkinci Dünya müharibəsindən sonra Avropa hava məkanının ən böyük bağlanmasına səbəb olmuşdu. İtkilər 1,5 milyarddan 2,5 milyard avroya (1,3-2,2 milyard ABŞ dolları; 1,6-2,7 milyard dollar) qədər hesablanmışdı.

GundemXeber.AZ-ın məlumatına görə Volkanoloq Dr. Evgenia İlyinskaya BBC-yə bildirib ki, İslandiyanın cənub-qərbində yerləşən bu vulkanlar "fiziki cəhətdən eyni kül buludlarını yarada bilmədiyi üçün 2010-cu ilə nisbətən eyni dərəcədə dağılma olmayacaq".

İslandiyanın cənubunda yerləşən Eyjafjallajokul vulkanı Reykjanes yarımadasındakı vulkandan 87 km aralıda yerləşir.

GundemXeber.Az