Argentina hökumətinin təhsil sahəsində islahatlarına qarşı çıxan 800 minə yaxın insan Buenos-Ayresdə etiraz yürüşünə çıxıb.

Gundemxeber.az xəbər verir ki, bu barədə "Pagina12" məlumat yayıb.

Argentina Universitet Müəllimləri Federasiyasının baş katibi Karlos de Feonun sözlərinə görə, ölkədə keçirilən etiraz aksiyalarında bir milyondan çox argentinalı iştirak edib.

Etirazçılar ölkədə pulsuz ali təhsilin saxlanmasını tələb edərək, təhsil sisteminə dövlət tərəfindən ayrılan vəsaitin azaldılmasına qarşı çıxıblar.

Aprelin 11-də Argentinanın paytaxtında iqtisadi islahatlara qarşı dinc yürüş iğtişaşlar və həbslərlə başa çatıb. Nümayişçilər prezident Xavyer Milinin şok tədbirləri ilə razılaşmadıqlarını bildirərək şəhərin əsas küçəsini bağlayıblar.

Gundemxeber.az