“ABŞ Federal Ehtiyat Sisteminin (FED) pul siyasəti ilə bağlı qərarlarında ABŞ prezidenti söz sahibi olmalıdır”.

Bu sözləri ABŞ-ın keçmiş prezidenti və Respublikaçılar Partiyasından prezidentliyə namizəd Donald Tramp Floridadakı Mar-a-Laqo kompleksində keçirdiyi mətbuat konfransında deyib.
“Düşünürəm ki, prezident heç olmasa orada söz sahibi olmalıdır. Mən vaxtilə çox pul qazanmışam, çox uğurlu olmuşam və bir çox hallarda FED-dəki insanlardan və ya prezidentdən daha yaxşı instinktim olduğunu düşünürəm”, - deyə Tramp əlavə edib.
Qeyd edək ki, Tramp 2017-ci ilin noyabrında FED-in hazırkı sədri Cerom Paueli bankın sədri vəzifəsinə irəli sürüb. Daha sonra faiz dərəcələrinin aşağı salınmasının tərəfdarı olan Tramp pul siyasəti qərarlarına görə Paueli tənqid etməyə başlayıb.
Bu yaxınlarda verdiyi müsahibədə Tramp yenidən prezident olacağı təqdirdə, Pauellin 2026-cı ilə qədər davam edəcək sədrlik müddətini başa vurmasına icazə verəcəyini bildirib.

Gundemxeber.az