Təxminən hər ikinci alman qeyd edir ki, son beş il ərzində öz ölkəsində özünü getdikcə daha az təhlükəsiz hiss edib.

GUNDEMXEBER.AZ xəbər verir ki, bunu “Bild” qəzetinin sifarişi ilə INSA sosioloji institutunun keçirdiyi sorğunun nəticələri sübut edir.

Almanların 45%-i bildirib ki, son beş ildə Almaniyada həyatlarına getdikcə daha çox təhlükə hiss edirlər. Eyni zamanda, respondentlərin 38%-nin fikrincə, həmin müddət ərzində ölkədə təhlükəsizlik vəziyyəti dəyişməyib və sorğu iştirakçılarının yalnız 15%-i bunun yaxşılaşdığına inanır. Sorğu iştirakçılarının daha 2%-i cavab verməkdən imtina edib. Həmçinin, respondentlərin 41%-i yaşadıqları şəhərdə və ya bölgədə hücumun qurbanı olmaq qorxusu ilə bağlı suala müsbət cavab verib, 50%-i isə belə bir qorxunun olmadığını bildirib. Digər 9% isə bu suala qəti cavab verməyib.

Sorğu iştirakçılarının fikrincə, Almaniyada ən təhlükəli yerlər sırasına qatar stansiyaları (52%), parklar (39%) və pivə barlarının yerləşdiyi məhəllələr (28%) daxildir. Qəzet xatırladır ki, 2023-cü ildə və 2024-cü ilin birinci yarısında Almaniya polisi qatar stansiyalarında bıçaqla bağlı 1012 cinayət qeydə alıb. Onların əksəriyyətini Hannover (46) və Frankfurt (44) şəhərlərindən gələnlər törədib.

GUNDEMXEBER.AZ