Dünya liderləri bir-birinin ardınca 2014-cü il Soçidə keçiriləcək qış Olimpiya oyunlarına getməkdən imtina edir. “ Газета.Ru” rus Olimpiya oyunlarını boykot edən edən siyasətçilərin siyahısını təqdim edir.

Bu günlərdə ABŞ prezidenti Barak Obama 2014-cü il Soçidə keçiriləcək qış Olimpiya oyunlarına getməkdən imtina edib. Amerika Birləşmiş Ştatları lideri iş qrafikinin dolu olmasını bəhanə gətirib və bəyan edib ki, oyunlara getməmək qərarı Rusiyada qüvvədə olan homoseksualizm təbliğatına qadağa ilə bağlı qanunla əlaqədar deyil.

“Özünüz nəticə çıxara bilərsiniz. Biz insanları seksual oriyentasiyasına görə yox, idman meydanları və onlardan kənardakı əməllərinə görə mühakimə edirik, - İTAR-TASS Obamanın sözlərini misal gətirir. - ABŞ nümayəndə heyətinə görkəmli amerikalılar və yaxşı idmançılar daxildilər”.

Amerika nümayəndələrinin arasında sabiq fiqurist Brayan Boytano, eks-tennisçi Billi Cin Kinq və xokkeyçi Keytlin Keyhou var – hamısı qeyri-ənənəvi seksual oriyentasiyası ilə məşhurdur.

“Homoseksual olmağım mənim yalnız bir hissəmdir, - Boytano The Washignton Post-a verdiyi müsahibəsində deyib. - Hər şeydən öncə mən amerikalı idmançıyam. Müxtəlifliyi, səmimiliyi və tolerantlığı müdafiə edən ölkədə yaşadağım üçün fəxr edirəm. Bir idmançı olaraq, ümid edirəm ki, diqqətimizi dünya xalqlarını birləşdirən olimpiya ruhuna cəmləyə biləcəyik”.

Nümayəndə heyətinin ərizəsində nə birinci xanım Mişel Obamanın, nə ABŞ vitse-prezident Cozef Baydenin, nə prezident administrasiyasının rəhbəri Denis Makdonounun adı var. Amerikalılara sabiq milli təhlükəsizlik naziri, 2012-ci ildə Forbes jurnalının nəticələrinə görə planetin 100 ən nüfuzlu insanı arasında doqquzuncu yer tutan Canet Napolitano başçılıq edəcək.

“Rusiyada Azlıqların Hüquqları Pozulduğu Müddətcə Soçiyə Getməyəcəm”Fransa prezidenti Fransua Olland da fevralda Soçiyə getməyənlərin siyahısındadır. Prezident getməməyinin səbəbini də izah etməyib, hər şeyi xarici işlər naziri Loran Fabiusun üstünə atıb.

“Nə mənim, nə də prezidentin Soçiyə getmək planımız yoxdur. Aparıcı məmurların da belə bir fikri yoxdur”, - Reuters məmurun sözlərini çatdırıb.
Fabius, həmçinin Fransanın birinci şəxslərinin Soçi Olimpiyadasını boykot etmələri ilə əlaqədar məlumat verməkdən imtina edib. Fransa nümayəndə heyətinə bu yaxınlarda braziliyalı hücumçu Ronaldo ilə portuqaliyalı hücumçu Kriştiano Ronaldonu səhv salan idman naziri Valeri Furneyron başçılıq edəcək.

“Rusiyada Azlıqların Hüquqları Pozulduğu Müddətcə Soçiyə Getməyəcəm”Soçidəki oyunlara getməkdən imtina edən üçüncü mötəbər dünya lideri Böyük Britaniyanın baş naziri Devid Kemeron oldu. Britaniyanın baş naziri 2012-ci il Londonda keçirilmiş yay Olimpiya oyunlarına Rusiya prezidenti Vladimir Putinin getməsinə baxmayaraq Soçiyə səfər etməyə vaxt ayırmaq istəmədi.

“Baş nazir diplomatiya və qarşılıqlı təsir siyasətinə inanır. O boykot və jestlərin köməyi ilə çox şey əldə olunacağına inanmır”, - The Independent Kemeronun nümayəndəsinin sözlərini çatdırıb.

İngilis jurnalistləri onu da yada salıblar ki, Britaniyanın baş nazirləri nadir halda qış Olimpiya oyunlarında iştirak edirlər. Səbəb kimi bu ölkənin milli komandasının qış idman növlərində nadir halda medal iddiasında olduqları göstərilir. Böyük Britaniyanın nümayəndə heyətinin son tərkibi hələ müəyyənləşdirilməyib, ancaq məlumdur ki, ora incəsənət və idman nazirləri qatılacaq.

“Rusiyada Azlıqların Hüquqları Pozulduğu Müddətcə Soçiyə Getməyəcəm”Soçidəki oyunları boykot etdiyini açıq elan edən Litvanın prezidenti Dalya Qribauskayte oldu. Litvalı prezident səbəb kimi Rusiyada insan haqlarının pozulmasını və Kreml tərəfindən Litvayaya tətbiq edilən iqtisadi sanksiyaları göstərib.

“İnsan haqlarının pozulması, həmçinin Litva da daxil olmaqla Şərq tərəfdaşları ilə əlaqə və münasibətlər, Litvaya tətbiq olunan iqtisadi sanksiyalar Soçiyə getmək üçün siyasi şəraitin olmamasını göstərir”, - Qribauskayte BNS-ə müsahibəsində deyib.

Xatırladaq ki, rus enerji şirkəti “Qazprom” 2010-2011-ci illərdə Litvaya göndərilən qazın qiymətində endirim etməkdən imtina etdi, lakin qonşuları Latviya və Estoniya üçün yanacağın qiymətini aşağı saldı. Cari ilin oktyabr ayında isə Rusiya Litva daşıyıcılarına nəzarəti sərtləşdirdiyindən sərhəddə yük maşınlarının uzun növbələri yarandı. Şərait düzəlməyə macal tapmamışdı ki, Rusiya Federasiyasının sanitar-epidemioloji nəzarət idarəsi Litvadan Rusiya bazarlarına böyük süd şirkətlərinin məhsullarının girişinə qadağa qoydu.

“Rusiyada Azlıqların Hüquqları Pozulduğu Müddətcə Soçiyə Getməyəcəm”Almaniya prezidenti Yoahim Qaukun Soçiyə səfərdən imtina etməsi haqda dekabrın əvvəlində Beynəlxalq Olimpiya Komitəsinin prezidenti Tomas Bax məlumat verib. Alman siyasi xadimi tutarlı səbəb səsləndirmədi, ancaq dedi ki, “hələ rəsmi səfərdə olmadığı bir ölkəyə gedə bilməz”. 23 mart 2012-ci ildə baş tutan innaqurasiyadan sonra Qauk Rusiyaya səfər etməyib. Halbuki həmin ilin iyun ayında Moskvaya səfər planlaşdırılırdı. Lakin səfər guya iş cədvəli ilə düz gəlmədiyinə görə baş tutmadı.

Almaniya KİV-i öz növbəsində xatırladır ki, əvvəllər o, müxalifətçilərin təqib olunması və insan haqlarının pozulmasına görə tez-tez Kremli tənqid edirdi.
Prezidentin Soçiyə getməmək qərarı hələkik oyunlara səfəri haqda rəsmi bəyanat verməyən Almaniyanın kansleri Angela Merkeli artıq özündən çıxarıb. Kansler hesab edir ki, Qaukun Olimpiyadaya getməməsi digər çoxsaylı dünya liderlərinin oyunları boykot etməsinə gətirib çıxara bilər.

Komissar Vivian Redinq də Qribauskayte kimi siyasi səbəblərə görə Soçi səfərindən imtina etməsini açıq elan edən məmurlardan oldu. Redinqin sosial şəbəkədəki səhifəsinə baxmaq kifayətdir.

“Rusiya qanunvericilik orqanları azlıqların hüquqlarını pozduğu müddətcə qəti şəkildə Soçiyə getməyəcəm”, - Vivian öz tvitterində yazıb.

Əlbəttə, bu 1980-cı ildə Moskvada keçirilən, 65 ölkədən olan idmançıların iştirak etmədiyi Olimpiya oyunlarının boykotuna bənzəmir. Lakin tədricən Soçiyə getməkdən imtina edən dünya siyasətçilərinin sayının artması narahat olmaq üçün səbəbdir.