Ukrayna Silahlı Qüvvələri Rusiyanın Kursk vilayətinin əhəmiyyətli bir hissəsini nəzarətdə saxlamağa davam edir və eyni zamanda qonşu Belqorod vilayətində də irəliləyərək öz mövqelərini genişləndirir. 

Gundemxeber.az xarici mediaya istinadən xəbər verir ki, bunu aprelin 3-də Konqresdə dinləmələrdə çıxış edən ABŞ ordusunun Avropadakı Ali Baş Komandanı, general Kristofer Kavoli deyib.

"Hazırda Ukraynanın əhəmiyyətli qüvvələri Rusiyanın Kursk vilayətinin kifayət qədər geniş, hərçənd bir qədər azalmış, lakin hələ də mühüm hissəsini nəzarətdə saxlayır. Bundan əlavə, onlar Belqorod vilayətində strateji baxımdan əlverişli müdafiə mövqelərini tutublar. Təxminən iki həftə əvvəl Ukrayna qoşunları Rusiyanın Belqorod vilayətində məhdud bir əks-hücum əməliyyatına başlayıb. Beləliklə, bu bölgədə tərəflər arasında gərgin qarşıdurma davam edir və hər iki tərəf müəyyən uğurlar əldə edir", – deyə general vurğulayıb.

Nəşrin məlumatına görə, Kavoli Ukrayna qoşunlarının Belqorod vilayətinə daxil olması faktını rəsmən təsdiqləyən hərbi rəhbərliyin ilk nümayəndəsi olub.

Cəbhədəki ümumi vəziyyəti şərh edən general vurğulayıb ki, Ukrayna qoşunları hazırda müdafiə mövqelərini möhkəmləndirib və onları daha da gücləndirmək üçün yeni döyüşçülərin cəlb edilməsi və hazırlanmasında həftəlik irəliləyiş nümayiş etdirir.

Gundemxeber.az