Hazırda Azərbaycanın aparıcı supermarketlərində xiyarın 1 kiloqramının satış qiyməti təxminən 2 manata bərabərdir.

Ötən ilin eyni dövrü ilə müqayisədə xiyarın qiyməti 3 dəfə baha satılır.

Müqayisə üçün bildirək ki, ötən ilin iyul ayında Azərbaycanda xiyarın 1 kiloqramının orta satış qiyməti 70 qəpik olub.

Qeyd edək ki, region ölkələri ilə müqayisədə xiyar ən baha qiymətə Azərbaycanda satılır. Nümunə üçün bildirək ki, hazırda ölkənin aparıcı supermarketlərindən biri olan “Bravo”da 1 kiloqram xiyar (melit) 1 manat 88 qəpiyə satılır.
Başqa bir supermarketdə – “Neptun”da 1 kiloqram xiyar (melit) 2 manat 10 qəpiyə satılır.
Ermənistanın aparıcı supermarketlər şəbəkəsindən biri olan “Tsiran”da Rusiyadan idxal olunan 1 kiloqram xiyar 350 drama (1 manat 54 qəpik) satılır.
Rusiyanın aparıcı onlayn satış şəbəkələrindən biri olan “Meqamarket”də yerli istehsal olan 1 kiloqram xiyar 90 rubla (1 manat 78 qəpik) satılır.
Türkiyənin aparıcı supermarketlər şəbəkələrindən biri olan “Migros”da 1 kiloqram xiyar 24,95 lirəyə (1 manat 28 qəpik) satılır.
İranın aparıcı onlayn satış şəbəkələrindən biri olan “Shirik.ir”də 1 kiloqram xiyar 21 000 tümənə (85 qəpik) satılır. /yeniavaz.com/