Ağstafa rayonun düşmənlə sərhəd, 110 evli Köhnəqışlaq kəndində işsizlikdən baxımsızlıqdan, çörəksizlikdən, gənclərin kəndi tərk etməsi nəticəsində, məktəb üzrə cəmi 46 şagird "təhsil"alır. 1-ci sinifdə cəmi 3 şagird var. Bütün bu sadaladıqlarıma baxmayaraq, Ağstafa rayon İH başçısı, Məhərrəm Quliyev H.Əliyev Fondunun dəstəyindən "yararlanaraq" Köhnəqışlaq kənd qəbirstanlığına bitişik ərazidə, 3 mərtəbəli məktəb tikintisinə göstəriş verib.Kənd camaatı qəbirstanlıqda məktəb tikintisinə etiraz edərək, ölkə prezidentinə, Təhsil Nazirliyinə və digər aidiyyatı qurumlara şikayət etmələrinə baxmayaraq, başçı M.Quliyev hegemonluğnu davam etdirir...

Qeyd etdiyimiz kimi, gənclər işsizlikdən kəndi tərk edərək, Rusiyanın müxtəlif əyalətlərinə üz tutub.Bu səbəbdən də məktəbdə şagird çatışmazlıgı mövcuddur. 1970-ci illərdə kənd məktəbində 130-140 şagird təhsil aldığı halda,hal-hazırda məktəbdə 46 şagird təhsil alır.Buna baxmayaraq,İcra hakimiyyətinin başçısı, M.Quliyevin “təşəbbüsü”ilə kənd qəbirstanlığına bitişik, 3 mərtəbəli məktəb tikilir.Çox müəmmalıdır ki,məktəb tikintisi üçün təhlükəsiz və məqsədəuyğun yerlərin çox olmasına baxmayaraq,niyə məhz tikinti qəbiristanlıq ərazisində davam etdirilir...?

Kənd sakinlərinin qəbirstanlıqda məktəb tikintisinə etiraz şikayətlərini aidiyyatı qurumlar qulaqardına vururlar.Köhnəqışlaqlılar imza toplayaraq yenidən ölkə başçısı, İ.Əliyevə şikayət məktubu göndəriblər.Şikayət məktubunda tələb edilir ki, İH başçısı M.Quliyev məktəb tikintisini dayandırıb,indiyə qədər yağmaladığı vəsait hesabına təhlükəsiz və məqsdəuyğun əraziyə köçürülməsini təmin etsin...

Sakinlərin şikayət məktubu redaksiyamıza daxil olduqdan sonra,Ağstafa rayonu Köhnəqışlaq kənd qəbirstanlığında məktəb tikintisilə baglı, ərazi üzrə “təhkim” olmuş "deputat"Nizami Cəfərovla çətinliklə də olsa,telefon əlaqəsi quraraq onu məlumatlandırdıq.N.Cəfərov cavabında:"Qəbirstanlıqda məktəb olmaz, maraqlanaram, IH başçısı Məhərrəm Quliyevlə danışaram". dedi.Bir gün sonra N.Cəfərov: "Sən düz demirsən, məktəb qəbirstanlıqdan çox aralıda tikilir, sən oradan özünə torpaq sahəsi almaq istəyirsən".Dedim:Sizdən fərqli olaraq, heç kim qəbirstanlıqdan torpaq sahəsi almaz.Niyə gedib seçicilərinizlə görüşmürsünüz? Dedi:"seçki təzə qurtarıb,dedəjəm,sənin tərcümeyi halın haqqında mənə deyiblər".Dedim:mənim tərcümüyi halım şəffafdır. Saxtalıqla deputat seçilməmişəm,sifarişlə qatığa qara deməmişəm,yaltaqlıq edib pisi

tərifləmirəm,haqqın yanındayam,sizdən fərqli olaraq evimə halal çörək aparıram.N.Cəfərov sözlərimi sinirməyib, telefonunu söndürdü...Allah hər kəsi,"deputat"şantajından qorusun..!

Son vaxtlar kənddə işsizlər ordusu,çörək dalınca məsafəcə Ağstafaya yaxın olan, Çeçenistana gedirlər. Rus rublunun dəyərdən düşməsinə baxmayaraq, Köhnəqışlaqlılar Çeçenistanda qalmağa üstünlük verirlər.Tərki vətən olmuş insanlar hər ay az da olsa, ailələrinə çörəkpulu göndərirlər.

Yarıtmaz Məhərrəm Quliyev “hakimiyyət”i kənd sakinlərinə dəstək göstərsə,kənddə əkinçilik və maldarlıq üçün münbit şərait var.Qəhrəman Köhnəqışlaqlılar 1992-ci ildə 6 min ha (hektar) əzəli torpaqlarını düşməndən azad etdiklərindən maldarlıq və əkinçilik üçün yetərincə əraziyə malikdirlər.Bu ərazi itkilər hesabına başa gəlsə də,demək olar ki,istifadəsizdir...

Sinəsini düşmənə sipər edən Köhnəqışlaqlılar,dövlət qayğısı nəticəsində,yağ-bal içində yaşamağa layiq olduğu halda,əksinə bir ovuc m.quliyevlər dəstəsi,eyş-işrət içində yaşayır.Bu dəstənin əlinə nə keçirsə,dədə malı kimi özününkü sayır.

Rayonun abadlığı üçün ayrılan milyonlar, göyə sovrularaq mənimsənilir.Əslində,Ağstafada ”dərə xəlvət tülkü bəy” prinsipi əsas meyarlardan sayılır.Ağstafa şəhər kanalizasiyasının yenidən qurulmasına milyanlar xərclənsə də, boru xəttinin kiçik diametrli olması, çirkab sularının axınını gecikdirir.Nəticədə çirkab suları lüklərdən daşaraq küçələrə axır.

Ağstafaya təyin olunduğu zaman kəsiyində, icra hakimiyyəti başçısı Məhərrəm Quliyev rayonda fəaliyyətini dayandırmış müəsisələrin,yenidən işə salınması üçün hüç bir tədbir görməyib.Əksinə bir çox kiçik müəsisələr fəaliyyətlərini dayandırmalı olub.

Bundan başqa, redaksiyamıza daxil olan məlumatlarda, M.Quliyevin xeyir-duası ilə Qarayazı Dövlət Qoruğunda, iri buynuzlu məmurlardan birinə məxsus, mal fermaları fəaliyyət göstərir.İllərdir Dövlət Qoruğu məhv edilir.Mal-qara pöhrə ağacları yediyindən meşə bərbad vəziyyətə salınaraq,inkişafdan qalıb.Xatırladaq ki,Kur çayının solunda yerləşən Qarayazı meşəsi 1978-ci ildə Dövlət Qoruğu elan olunub.Dövlət Qoruğu haqqında araşdırmalarımız davam edir.

Şakir Həsənsu
gundemxeber.az