“Gndəm xəbər”in 19 mart sayında dərc edilmiş, Agstafa rayonu Köhnəqışlaq kəndində "Qəbirstanlıqda məktəb tikintisinə etiraz”yazısından sonra,Agstafa rayon İcra Hakimiyyətinin başçısı Məhərrəm Quliyev tikinti Işlərini dayandırıb.



Prezident İlham Əliyevə ünvanlanan 20 nəfərin imzası olan şikayət ərizəsinin surətini, kənd sakinləri “Gündəm xəbər”in elektron poçtuna da göndəriblər.Problemlərinə diqqət ayırdıgımıza görə, redaksiyamıza minnətdarlıgını bildirən kənd sakinləri, problemlərinin dərcindən sonra, başçı, başının dəstəsilə Köhnəqışlaq kəndini "ziyarət"ə gedib.

Rayona rəhbərlik etdiyi zaman kəsiyində,M.Quliyev"şeytan"ın qıçını qıraraq birinci dəfə mübarək qədəmlərini Köhnəqışlaqda “siftə”ni edib.Hərbçi-komandirlərin müşayətilə, qəbirstanlıqda tikilən məktəbdə kənd camaatına "dərs"keçmək istəsə də,başçı etirazla qarşılaşıb.Sinəsini düşmən gülləsinə sipər edən kənd sakinləri, heç vəchlə qəbirstanlıqda məktəb tikintisinə razı olmayacaqlarını bildiriblər.

Şikayət ərizəsində bildirilir ki, sakinlər görüşdə İH başçısının diqqətinə çatdırıblar ki, kənd ərazisində məktəb tikintisi üçün məqsədə uyğun yer istənilən qədərdir. Ona görə də inşaat işləri dayandırılıb, tikinti başqa yerə köçürülməlidir.

İH başçısı israrla bildirib ki, məktəbin tikintisi başa çatdıqdan sonra, məktəblə qəbirstanlıq arasında hasar tikəcəklər. Başçının bu təklifi ilə razılaşmayan sakinlər belə bir replika da atıblar: “Bəlkə məktəblilərin qulaqlarına pambıq tıxayacaqsınız ki,qəbirstanlıqdan gələn ağlaşma səslərini eşitməsinlər”.

Şikayət məktubunu oxuyarkən redaksiya heyəti olaraq, biz də üzüldük. Yaxşı olardı ki, “goreşən ” təfəkkürlülər kənd sakinlərinin etirazını nəzərə alıb,şikayətin bu dərəcədə böyüməsinə yol açmazdılar.Bayram və istirahət günləri oldugundan,kənd camaatının ölkə prezidentinə ünvanladıqları şikayət məktubuna cavab verilməyib.

P.S. Mənim də dostlarımın çoxluq təşkil etdiyi,təmsil olunduğunuz Cənub bölgəsində dinimizə, şəriətimizə hörmətsiz və həqarətlə yanaşanları kafir adlandırırlar. Həmin şəxs qınanılır və el məclislərindən həmişə kənarda qalır.

Ulularımız son mənzil üçün məkan seçərkən, yüz ölçüb bir biçiblər. Sizin bu dırnaqarası göstərişiniz köhnə bazara təzə məzənnə qaydasına bənzəyir.Əlbətdə ki, bazar adamlarından bundan artığını gözləmək sadəlövlük olardı. Pedaqoji bilgiləriniz olmadıgı üçün diqqətinizə çatdırım ki,məktəblərdə dərs

proqramlarından kənar, müxtəlif şənliklər keçirilir. Qəbirstanlıqda bu şənliklərin keçirilməsini rəva bilirsinizsə, təfəkkürünüzə bərəkallah.!

Əslən köhnəqışlaqlı və bu sətirlərin müəlifi kimi, sizə ehtiyacınız olduğu üçün məsləhət vermək məcburiyyətindəyəm. Bəlkə məktəb tikintisinin təyinatını dəyişib, həmin yerdə özünüzə növbəti iqamətqah tikdirəsiniz..!

Tutduğunuz bu hakimi-mütləq vəzifənizi itirəndən sonra, hər yay öz köhnə komandanızla (dəstənizlə) gəlib kənd qəbirstanlığındaki evinizdə istirahət edərsiniz. Yaxşı olar ki, su problemini həll etmək üçün Çır-çır bulağının gözündən yaşayacağınız “villanıza” su çəkdirəsiniz. Bu şərtlə, qəbirstanlığın girişində ehsan bulağı tikməyi unutmayın...

Qəzetimiz çapa gedərkən aldıgımız məlumata görə,İH başçısı M.Quliyevin göstərişinə əsasən, məktəb tikintisi dayandırılıb.Əsas səbəb maliyyə vəsaitinin olmaması bildirilsə də, “çuvalda”gizlədilən başqa mətləbdən xəbər verir.

“Gündəm xəbər”olaraq köhnəqışlaqlıların mübahisəli məktəb problemlərini

Diqqətdə saxlayacayıq.

Şakir Həsənsu