Sakinlər qəbirsanlıqda məktəb tikintisinə etiraz edir

“Gündəm xəbər”ın elektron poçtuna müraciət edən, Ağstafa rayon Köhnəqışlaq kənd sakinlərinin şikayət məktubunda bildirilir ki,başını itirmiş rayon rəhbərliyi kənd qəbirsanlıgına bitişik yerdə məktəb tikintisinə başlayıb.

Qələmçə meşəsinin ətəyində yerləşən Köhnəqışlaq kəndi ermənistanın Berd rayonunun Paravakar kəndi ilə həmsərhəddir.Uzun illərdir yagı düşmənin hücumlarına baxmayaraq,kənd sakinləri çoxsaylı şəhid verib, qəhrəmanlıq göstərib,ata-baba yurdlarını tətk etməyib.

120 evli Köhnəqışlaq kəndi ugrunda gedən döyüşlərdə 50-dən çox insan şəhid olub. Minaların partlaması nəticəsində çoxsaylı kənd sakinləri həlak olub.Ağır silahlardan atılan atəş evlərin çoxuna ziyan vurub.




Düşmənin atdıgı yandırıcı güllələr, mal-qara üçün tədarük edilən,həyətlərdəki ot tayalarını yadıraraq kül edib.Şikayət məktubunda kənd sakinlərinin sosial vəziyyətindən də bəhs edilir.Belə ki,agır vəziyyətdə yaşayan Köhnəqışlaqlılar qaz və ışıq pulunu çox çətinliklə ödəyirlər.Evlərə quraşdırılan bir çox saygaclar erməni gülləsinə tuş gəlib.Kənd sakinləri qaçqın və məcburi köçkünlərə tətbiq edilən kommunal xidmətlərə görə, limitin onlara da aıd edilməsini tələb edirlər.




Agstafa rayon İcra Hakimiyyətinin başçısı Məhərrəm Quliyev bir dəfə də olsun kəndin agır vəziyyəti ilə maraqlanmayıb. Başçı rayonu şəxsi obyekti kimi idarə edir. M.Quliyev İcra Hakimiyyətindən Köhnəqışlaga getmək adıyla çıxıb, amma erməni gülləsindən qorxaraq,Tatlı kəndindan geri qayıdıb. Kənd sakinləri sinəsini gülləyə sipər etdiyi vaxtda bu kiçik padşah öz torbasını doldurmaqla məşğuldur.

Əslən Ağstafalı olan İH başçısı bu cür fərarilik etməz, özündə məsuliyyət hiss edərdi. Kənardan gəlmə İH başçısı kənd camaatının qayğılı problemlərinə bu cür yanaşır. Alimlər yetişdirmiş bu kənddən rayonu idarə edəcək kadrlar var ki, heç biri vəzifəyə gətirilmir.




Ötən günlərdə 3 rayon İcra Hakimiyyəti başçıları rüsvay edilərək “yaglı”işlərindən (tazı kimi) qovuldular. Buna baxmayaraq Agstafa rayon İH başçısı Məhərrəm Quliyev hələ də ibrət dərsi götürməyib.

Ölkə prezidenti: “Xalqın bir nömrəli xidmətçisi mənəm” dediyi halda, bu kiçik padşahlar özlərini xalqın ağası sayırlar. Ağalıq eşqi ilə yaşayanların qılıncının arxası-qabağı uzunmüddətli şaqqalaya bilmir. Sonda hər kəs layiq olduğu cəzasını alır.




Rayonun akademik-professor titullu deputatı Nizami Cəfərov seçkidən sonra seçicilərin gözünə görünmür. Seçki təbliğatı kampaniyası zamanı verdiyi vədlərin heç birinə əməl etməyib. Bəzi imkansız xəstələrin müalicəsində yardımçı olacağını bildirsə də vəd vəd olaraq qalır. Bir çox seçicilərə özünün mobil telefon nömrəsini verib. Zəng edərkən həmin nömrə söndürülmüş olur. Verdiyi vədlərə əməl etmədiyinə görə, seçicilər konstitision hüquqlarından istifadə edərək Nizami Cəfərovun mandatından məhrum edilməsi haqqında tədbir görəcəklərini bildirirlər.




Sonda sakinlər bildirir ki, kənddə həqiqətən də məktəb tikintisinə ehtiyac var,ancaq qəbirsanlıq ərazisində yox. Şəhidlərimizin də dəfn olundugu qəbirsanlıqda əzizlərinin ziyarəti zamanı, təsəvvür edin, aglaşmalar körpə məktəblilərə hansı psixoloji təsir göstərər?

Kənd sakinlərinin yeni tikiləcək məktəbin məqsədəuygun yerdə tikilməsini rayon İcra Hakimiyyətinin rəhbərliyinin diqqətinə çatdırsalar da tələbləri qulaqardına vurulur.




Köhnəqışlaqlılar “Gündəm xəbər”vasitəsilə ölkə başçısı, İ.Əliyevdən Agstafa rayon İH başçısı, Məhərrəm Quliyevdən kənddə tikilən məktəbin təhlükəsiz və məqsədəuygun yerdə inşa edilməsini tələb edirlər.

Kənddə məktəb tikintisini “Gündəm xəbər” olaraq nəzarətdə saxlayacağıq.



Məhərrəm Quliyev haqqında “şok” məlumat

Verilən məlumata görə Məhərrəm Quliyevin bu həftə içində sərəncamı veriləcək

Ağstafanın icra başçısı Məhərrəm Quliyev dünəndən etibarən iş otağını boşaltmağa başlayıb. İcra başçısının belə bir addım atmasına səbəb onunla Prezident Admnistrasiyasında edilən son söhbət olub. Mənbənin bildirdiyinə görə, Quliyev həmin görüşdə bərk danlanıldıqdan sonra işdən azad ediləcəyi xəbərdarlığını alıb. Ona tapşırılıb ki, əşyalarını götürüb, rayonu tərk etsin. Çünki dövlət başçısının etimadını itirib. Məlumatda deyilir ki, Məhərrəm Quliyev yeni həftənin ortalarına kimi işdən azad ediləcək. Ona yeni vəzifənin veriləcəyi isə mümkünsüz görünür. Elə Ağstafa İcra Hakimiyyətindəki mənbə də təsdiqləyib ki, otağını boşaldan icra başçısına yeni vəzifənin veriləcəyi gözlənilmir. Halbuki ilkin mərhələdə onu başqa bir rayona icra başçısı olaraq göndəriləcəyi gözlənilirdi. Lakin buraxdığı ciddi səhvlər, rayonda görülən işlərin bərbad vəziyyətdə olması işləri korlayıb. Sonda isə rayon camaatının onunla bağlı göndərdiyi şikayətlərin çoxalması da yuxarı dairələri qəzəbləndirib və karyerasının üzərindən xətt çəkiblər.

Kənan Məsibəyli