Qobustan Həbsxanasından yenidən həyəcanlı xəbərlər gəldi

Qobustan Həbsxanasında məhkumlara işgəncə verilməsi ilə bağlı yenidən həyəcanlı xəbərlər gəlir. Həbsxananın rəisi Fikrət Qafarovun ömürlük məhkumlara dəhşətli işgəncə verməsi ilə bağlı qəzetimizin ötən saylarında məlumat vermişdik.

Yeni məlumata əsasən, Fikrət Qafarov adamının güclü olduğunu və heç bir şikayətdən qorxmadığını dilə gətirib. Onun məhkumlara işgəncə verməsi halları davam edir.

Ömürlük məhkumların hüquqlarının müdafiə komitəsinin sədri, ömürlük məhkum Şakir Rzaxanovun anası Müslümat Rzaxanova bildirib ki, Qobustan həbsxanasına 1998-ci ildən bu günə kimi 10-dan artıq rəis təyin olunub. Onun sözlərinə görə, Fikrət Qafarov həbsxana təyin edilmiş 12-ci rəisdir: “2-3 rəisdən başqa bütün rəislər kobud qanun pozuntuları, məhbuslara qarşı qəddarlıqları, işgəncələr və cinayət xarakterli hərəkətlər ediblər. Onların heç biri məsuliyyətə cəlb olunmadan təqaüdə göndəriliblər. Onları bu yolla “cəzalandırılıblar”. Fikrət Qafarov yeganə rəisdir ki, dövlətimizin ali qanunlarını tanımır, hətta onun hərəkətlərindən dövlət başçısına, baş prokurora, ədliyyə nazirinə şikayət ediləcəyinə dair iradlara belə cavab verir ki, kimə istəyirsən get yaz, mən kimsədən qorxmuram. Fikrət Qafarov arxayınlıqla qəddar hərəkətlərini bu gün də davam etdirir”.

Müslümat Rzaxanovanın sözlərinə görə, Fikrət Qafarov şəxsi mülkiyyətə çevirmiş həbsxanada öz şəxsi qanunları ilə vəzifəsini icra edir: “Məhbusa şəxsən özü qəddarlıqla işgəncə verməklə, vəzifə səlahiyyətindən sui-istifadə edir. O, məhbuslara mənəvi işgəncələr tətbiq edir, səbəbini bildirmədən qapalı saxlanan məhbuslara kütləvi şəkildə əl qandalı istifadə edərək, zorakılıqla sağlam məhbusu xəstə məhbusla bir kameraya köçürür. Məhkumları bir-birinin xasiyyətə malik olanlarla eyni kamerada saxlayır.

Məhbusların etirazına baxmayaraq zorakılıqla bir kameraya köçürür. Belə ki, məhbuslara “qırın bir-birinizi deyərək” təhlükəli şərait yaratmaq və digər işgəncə xarakterli hərəkətləri ilə səlahiyyətini “qanunla icra etdiyini” hesab edir. İnsafən qeyd etmək yerinə düşərdi ki, həbsxana rəisi tərəfindən xüsusi saxlama şəraiti yaradılan, elektrik məişət avadanlıqlarından, fleş kartlı radio və televisiyadan istifadə edən, əl qandalı istifadə edilməyən və bir çox güzəştlərə malik məhbuslar da kifayət qədərdir. Məhkumları növlərə bölərək, qarşıdurma yaratmaqla məhbusların həyatına təhlükə yaratmaq da Fikrət Qafarovun təzyiq metodlarından biridir”.

Müslümat Rzaxanova qeyd edib ki, həbsxana rəisinin səlahiyyətlərinə aid olmayan, həkimlə məhbusun razılaşdırdığı, səhiyyə ilə əlaqədar adi məsələyə qarışılır: “Fikrət Qafarov məhkuma “səni məhv edəcəyəm” sözünə əməl edərək, heç bir səbəb bildirmədən qəddarlıqla 10 sutka kars cəzası verilir. Şakir Rzaxanovun hərəkətləri həbsxana rəisini qane etməyib. Karsdan çıxarıldıqdan bir neçə gündən sonra dərhal təkrar karsa salıb. Bunun səbəbi isə məhbus və onların yaxınlarının prezidentə qədər göndərdikləri əsassız onlara qarşı tətbiq edilən əl qandalı barədə müraciətlərdən Fikrət Qafarovun xəbər tutmasıdır”.

Müslümat Rzaxanovanın sözlərinə görə, 1998-ci ildən məhbuslar səlahiyyətlərini etibar edən şəxslərə verdikləri etibarnamədə məhbusun imzasını notariar qayda həbsxana rəisi təsdiq edib: “Heç bir problem yaranmayıb. Oğlum Şakir Rzaxanovun eyni zamanda 1997-ci ildən rəsmi nümayəndəsiyəm. hər dəfə etibarnamənin müddəti tamam olanda heç bir problem olmadan həmin etibarnamənin vaxtı uzadılıb. Həbsxanaya rəis təyin olunduqdan bu genə kimi çoxsaylı müraciətlərimizə baxmayaraq, Fikrət Qafarov Şakirin etibarnaməsindəki imzasını təsdiq etməməyib. Bunun səbəbini Qikrət Qafarovdan aldığım cavab bizdə çaşqınlıq yaradıb. Fikrət Qafarov oğluma və digər məhbuslara səbəbini bildirmədən kütləvi şəkildə tətbiq edilən əl qandalı barədə sorğuya həbsxanadan aldığım cavabda bildirilir ki, əl qandalı və digər xüsusi vasitələr əmr və təlimatların

tələbləri gözlənilməklə tətbiq edilir. Həbsxananın əməkdaşlarının məhkumlarla qarşılıqlı münasibəti normaldır, hər hansı bir əməkdaş tərəfindən məhkumlara qarşı fiziki, mənəvi təzyiq və təsir göstərilməmişdir. Belə olan halda, sual yaranır ki, qapalı həbsxanada heç bir səbəb olmadığı halda, kütləvi şəkildə əl qandalı niyə tətbiq edilir? 20 ildir hər hansı məhbus öz səlahiyyətlərini etibar etdiyi şəxsə imzası notariat qaydada həbsxana rəisi tərəfindən təsdiq edilərək etibarnamə verilie. Sonuncu dəfə bu yaxınlarda ömürlük məhbus Çingiz Paşayev və Rauf Eyvazovdan, digər məhbuslardan aldığım etibarnamələrinin davamında da hər hansı irad bildirilməmişdi”.

Müslümat Rzaxanova bildirib ki, Şakir Rzaxanovun ona 1997-ci ildən bəri verdiyi etibarnamənin vaxtının uzadılmamasını Fikrət Qafarovun imzası ilə 18 may 2016-cı il tarixdə cavab alıb: “Cavabda bildiririk ki, etibarnamə verilməsi üçün etibarnaməni verən və ya etibar edilən şəxs dövlət rüsumu haqqında Azərbaycan Respublikası Qanunun 10.12.1-ci maddəsinə əsasən 5 manat və 10.12.2-ci maddələrinə əsasən isə 10 manat rüsum ödəməlidir. Bu səbəbdən rüsumun ödənilməsi barədəqəbz müraciətinizə əlavə edilmədiyi üçün etibarnamə verilməsi mümkün olmayıb. Bu barə də məhkum Rzaxanov Şakir Hacımurad oğluna bildirilib. Həbsxana rəisi məhbusların himayəsində olduğu barədə və ya onların saxlanmasınin dövlət tərəfindən maliyyələşdirildiyi barədə də yəqin xəbəri yoxdur. Eyni zamanda bu ödənişin məhz ancaq Şakir Rzaxanova şamil olunması Fikrət Qafarovun şəxsi qərəzliklə nümayiş etdirir. Heç bir səbəb bildirmədən ardıcıllıqla Şakirin karsla cəzalandırılır, həyatıvacib sənədlərinin yararsız hala salınması, hazırda mənəvi işgəncələrə məruz qalan oğlumun və digər məhbusların səhhətində ciddi problemlər yaradır”.

Komitə sədri əlavə edib ki, həbsxanaya Fikrət Qafarov rəis təyin olunandan ardıcıllıqla məhbus ölümü məlumatları alırlar: “Buna səbəb həbsxana rəisi məhbuslardan sanki qisas alan kimi qəddar saxlanma şəraitinin yaradılmasının nəticəsidir. Prezidentimizə müraciət edirik, Qobustan həbsxanasını şəxsi mülkiyyət, məhbusları qolu qandallı qullara çevirərək,

şəxsən məhbusa işgəncə verməkdən həzz alan həbsxana rəisi Fikrət Qafarovun dövlətimizin ali qanunlarına əhəmiyyət verməyir. Prezidentə şikayət edəcəyimizə “heç kimdən qorxmadığını” bildirərək, bu gün də bu qəddarlıqları davam etdirən həbsxana rəisinin hərəkətlərinə son qoyulmasına kömək etməyinizi xahiş edirik. Məhbuslara qarşı həbsxana rəisi Fikrət Qafarov bir daha dövlət başçısına müraciət edirik, bu gün Qobustan həbsxanasını şəxsi mülkiyyətə çevirmiş həbsxana rəisi Fikrət Qafarovun məhbuslara əsassız əl qandalı tətbiq etməklə işgəncələrə məruz qoymasına qarşısının alınmasına kömək edəsiniz”.

gundemxeber.az