Ömürlük məhkum İlham Əliyevə müraciət etdi

Qəzetimizin ötən sayında Qobustan Həbsxanasında ömürlük məhkumlara dəhşətli işgəncə verilməsi barədə məlumat vermişdik. Qeyd etmişdik ki, həbsxanada işgəncə altında saxlanılan ömürlük məhkumlar kütləvi şəkildə prezident İlham Əliyevə müraciət ediblər.

Bu günlərdə Qobustan Həbsxanasında baş verən özbaşınalıqla bağlı redaksiyamıza yeni faktlar daxil olub. Qobustan həbsxanasında rəis Fikrət Qafarov tərəfindən məhbuslara qarşı davam edən qeyri-insanı təzyiqlər, fiziki və mənəvi işgəncələr nəticəsində ölən məhbusların sayı artmaqdadır.

Qeyd olunur ki, həbsxanadakı məhbusların hamısı qatı, cəmiyyət üçün təhlükəli canilər deyil. Onların arasında çoxsaylı layiq olmadıqları cəza çəkən məhçusların sayi kifayət qədərdir. Bu gün həbsxana rəisi tərəfindən yaradılmış qəddar insanilığa sığmayan xüsusi saxlama şəraiti nəticəsində məhbus ölümlərinin artmağa səbəb olur.

Ömürlük Məhkumların müdafiə komitəsinin sədri Müslümat Rzaxanova bizimlə söhbətində bildirib ki, Qobustan həbsxanasının rəisi Fikrət Qafarovun qanunsuz hərəkətləri barədə ölkə başçısı Olham Əliyevə yenidən müraciıt etməyə məcbur olublar: “Ölkə başçısına müraciət etmək yeganə çıxış yolumuzdur. Çünki müraciətlərimizin prezedendə çatdırılmasının qarşısı daim alınır. Hesab edirəm ki, mətbuatın köməkliyi ilə həm ölkə başçısına edilən müraciətlərin nəticəsi olaraq bu ardıcıl müəmmalı məhbus ölümlərin qarşısını almağa kömək edər. Bu gün Qobustanda məhbuslara qarşı həbsxana rəisi Fikrət Qafarov tərəfindən öz insanlığa sığmayan qəddarlıqlarını arxayınlıqla davam etdirməsinə təəccüblənmək olmur. Məlum məsələdir ki, bu rəis də Kazım Abdullayev kimi “rəhbərinin göstərişini icra etdiyini” bildirəcək. Çünki, həmdə rəsmi qaydada

nümayəndəsi olduğum ömürlük məhkum olan oğlum Şakirdən oktyabr ayından sonra ilk aldığım məktubu oxudu. Oğlumun həyatına həbsxana rəisi tərəfindən real təhlükə yaradılıb”.

Müslümat Rzaxanova qeyd edib ki, Fikrət Qafarov məhbusları öz metodlarını geniş istifadə edərək, fiziki işgəncələrə şəxsən özünün də iştirak etməsindən başqa ağır işgəncə metodlarından biri də ağır şəraitdə, qapalı həbsxanada saxlanan məhbusu təzyiqlərl mənəvi işgəncələrlə öldürməyin yolunu tapıb: “Fikrət Qafarov işlədiyi qısa müddətdə həbsxanada ürək çatışmamazlığından, işgəncələrə dözməyərək boğazını kəsərək ölən, vaxtında tibbi yardım göstərilmədən ölən və yaxud müəmmalı məhbus ölümlərinin sayı artıb. Buna görə də heç kimə gözün üstündə qaşın var deyən olmadığına görə, bu gün Fikrət Qafarov arxayınlıqla qolu qandallı qul vəziyyətinə salaraq, işgəncələrə məruz qalan məhbusu sanki əzizini öldürmüş düşməndən qisas alan kimi rəftarı son həddə çatıb”.

Komitə sədri qeyd edib ki, hazırda həbsxana rəisi öz cinayət xarakterli hərəkətlərini ört-basdır etmək məqsədi güdür: “Bu məqsədlə həbsxana rəisi mənim oğlum kimi hüquqlarını müdafiə edən məhbus barəsində məhbusun şikayətini araşdırmağa gələn nümayəndəyə onun barəsində ağlasığmaz, absurd metoda əl atıb. Bu metoddan biz uşaqlıqda xala-xala oynayanda istifadə etmişik. O vaxt heç ola bilsin ki, Fikrət Qafarov dünyada yox idi. Fikrət Qafarov şikayəti araşdıran nümayəndəyə qapalı qəfəsdə saxlanan oğlum haqqında çox təhlükəli bir fikir formalaşdırmağa çalışıb. Guya Şakir Rzaxanov 5-6 məhbusu başına yığaraq, dövlətə qarşı aksiyalar təşkil edir. Fikrət Qafarov korpusları gəzib aksiya keçirməyə başına məhbusları yığmaq üçün Şakirə necə şərait yaradıb ki, sərbəst korpusları gəzir? Bir də ki, niyə həmin 5-6 məhbusla Şakirin kamerasının qapısını bağlamayır?! Fikrət Qafarovun səviyyəsində olmayan nümayəndə layiqli cavabını versə də, bu metod o deməkdir ki, həbsxanada çox təhlükəli əhval-ruhiyyə yaradır. Həbsxana rəisi belə böhtanları ilə özünün səviyyəsini biruzə verir”.

Müslümat Rzaxanova əlavə edib ki, eyni cəzaya məhkum olunmuş, sərbəst korpusları gəzən, səhər tezdən çay süfrəsi ilə gəzintiyə çıxarılan, xidmət üçün xüsusi məhbusları təhkim edilən, saxlanma şəraiti rurort-sanatoriya səviyyəsində olmasına himayədarlıq edən rəisin xeyirxahlığı ilə belə məhbuslara da var: “Mən KİV-lər vasitəsi ilə dövlət başçısına oğlumun məktubundan qısa müraciəti çatdırmaq istəyirəm. Oğlum yazır: “Möhtərəm Prezident, biz Qobustan həbsxanasında ömürlük cəza çəkən məhbuslar Azərbaycan vətəndaşıyıq. Hər birimiz öz günahımız nəticəsində azadlıqdan məhrum olunaraq, ən ağır cəzaya məhkum edilmişik. Aramızda çoxsaylı qeyri-qanuni, məhkəməsiz, kütləvi şəkildə ömürlük cəzaya məhkum olanlar da var. 20 ildir Qobustan həbsxanasında cəza çəkirəm. Həmişə dövlətimizi, millətimizi uca tutmuşuq, vətənimizi də çox sevirik. Barəmdə ağlasığmağ cəfəng böhtanla layiqsiz fikir formalaşdırmağa çalışan həbsxana rəisi Fikrət Qafarov bu qeyri-insani hərəkəti ilə ancaq və ancaq öz cinayət xarakterli hərəkətlərini ört-basdır etmək üçündür. Doğma vətənim Azərbaycandır! Dövlətimi də, vətənimi də xalqımı da ömrüm boyu uca tutub sevmişəm, həbsxana rəisinin böhtanlarla barəmdə cəmiyyətdə başqa fikir formalaşdırmağa cəhdi əbəsdir”.

Həqiqətən bu gün Fikrət Qafarovun məhbuslar arasında belə xoşagəlməz, cəfəng məlumatların nəticəsinin nə qədər təhlükəli olduğunu görünür ki, rəis özü də dərk etmir”.

gundemxeber.az