“Gündəm Xəbər” qəzetinin 22-28 iyul 2016-cı il tarixli sayının 14-cü səhifəsində “İmişlidə baş verənlər, həm də olub keçənlər” başlıqlı açıqlama, İmişli rayon ictimaiyyəti ilə bərabər, rayonun bir çox ziyalıları, həmçinin şahmat məktəbi müəllimləri tərəfindən də rəğbətlə qarşılandı. Hətta, müəllimlər redaksiyanın yaradıcı kollektivinə təşəkkürlərini də bildirdilər. Amma, rayonun təhsil təhsil şöbəsinə rəhbərlik edən Ramiz Əmirov və şahmat məktəbinin direktoru bir azda olsa əsəbləşdilər. Ramiz Əmirov qəzəb və kinini heç cür gizlətmədən: “Sən kimsən ki, təhsildən ağlına gələni yazmısan?” dedi. Öz-özümə fikirləşdim ki, görəsən mən kiməm!
Odur ki, ona Kamaləddin Qədimin internetdə paylaşdığı seriləri ilə cavab verim
Bu nə həvəs, bu nə bəhs,
Tükənməz ki, Rükənməz!
Mən kölə bildiyim nəfs, sənin əfəndin olub. Həm də, heç vaxt yolumu çaşmadım, əqidəmə, dinimə, imanıma xəyanət etmədim.
Tanrım nə deyirəm, yendir atımnan,
Saxla da, lap-payı-piyada saxla.
Yaşatdın adımnan, öldür adımnan,
Məni bu abırda, həyada saxla.
Baxma, belə sağın, solun adamlar,
Tez azır, itirir yolun adamlar.
Bilirsən, unutqan olur adamlar,
İzimi bir daşda, qayada saxla.
Kamaləddin Qədim
Biz qardaşlar Davud və Məhbub Zülfüqarlılar İmişlidə iz buraxdıq, aşağı təbəqənin arxası, dayağı olduq, yıxılana balta çalmadıq, ayağa qaldırdıq. Amma nəfsinin kölələri olanlar, hər addımda biz qardaşlara balta çaldılar, həbsə atdırdılar, biz bağışladıq. Çünki bizim yolumuz, hər kəsi pislikdən çəkindirməyə, yaxşılığa dəvət etmək yolu oldu. İmam Əli(ə) və İmam Hüseyn(ə) yolunu müqəddəs yol bildik.
1980-cı ildə Amur vilayətində hərbi xidmətimi başa vurub, İmişli RİCİ-ə (RayPO) təlimatçı vəzifəsinə işə girdim. Azərbaycan Xalq Təsərrüfatı İnstitutunun (indiki İqtisad Universiteti) sənayenin iqtisadiyyatı fakultəsində qiyabi təhsil almaqla, əla qiymətlərlə də başa vurdum. 3-cü kursda təhsil alarkən sənayenin iqtisadiyyatı fənnindən professor Nemət Qənizadəyə imtahan verdim. O, dedi ki, tapşırılan siyahıda sənin adın yoxdur, imtahanın sonunda bir də bilet çəkə bilərsənmi? Təkrar bilet çəkdim və əla qiymət aldıqdan sonra oxu zalına geçdik.
Mən institutu qiyabi oxumuşam, eyni zamanda 10 nəfər bacı-qardaşımı da saxlamışam. Nemət Qənizadə Bakı şəhər Partiya Komitəsinin 1-ci katibi olmuş və özü də istefa verib. Mənə kimlərsə arxa-dayaq olub, mən də sənə arxa-dayaq olacağam. Evinin açarının birini mənə verdi, hansı ki, o, Sosial-Təminat Nazirinin Məmməd Qazıyev kürəkəni və Artur Rəsizadənin yaxın qohumu idi.
Atam Əvəz Zülfüqarov mən əsgərlikdə olarkən dünyasını dəyişdi. On nəfər qardaş-bacıdan sonuncunun cəmi iki yaşı var idi. Mən həmin illərdə qardaş və bacılarımı, anamı himayəmdə saxladım. Özümə yaxın bildiyim Nemət Qənizadədən sui-istifadə etmədim. Naxçıvanda təsis olunan ADP-nı heç də elə-belə seçməmişdim.
Professorun məni himayə etməsi, dayaq olmasına görə arxasızlara, imkansızlara dayaq oldum. Fransız əsilli 83 yaşlı İvonnaya, huquq müdafiəçisi Oqtay Güləliyevlə iki ev tikdirdi və 63 ildən sonra, vətəni olan Fransaya yola saldıq. Onu yaşadığı Murğuzallı kəndinə şüşə kimi asfalt çəkildi. Fransa dövləti ilə Azərbaycanı yaxınlaşdırdıq.
Hacı Ağamir Əmirovla dost olduq, o, mənə bacıoğlu dedi, təhsilimə, savadıma görə mənə ehtiramla yanaşdı. İstəyirəm bilməyənlər də bilsinlər ki, mən kiməm. Bəzi mətbu orqanlar 23 il sonra, xusuilə də, “Gündəm Xəbər” yazdı ki, rus mafiyasının Elçibəyə sui-qəsd hazırlaması barədə məlumat yaydı.
13 may 1993-cu ildə, rəhmətlik Hacı Ağamir məni kənara çəkib bildirdi ki, “Bəy, Əbülfəz Elçibəyə sui-qəsd hazırlanır, ölkədə vəziyyət qarışacaq, partiyadaşlarına xəbər ver”-dedi. Məlumatı ADP-nın mətbuat xidmətinə çatdırdım. Məhz, həmin ərəfədə Surət Hüseyinov qiyama başlamışdı. Böyük türk övladı Əbülfəz Elçibəy rus, fars, erməni əhatəsində olan ölkəni, Liviyaya, İraqa, Suriyaya dönməkdən xilas edə bildi.
Sizi heç cür qınamıram cənab Ramiz Əmirov! Həmin açıqlamada İmişli təhsilinə toxunmamışam. Mən ziyalı və bir siyasətçi olaraq, 1956-ci ildən atamın İmişlidə tikdirdiyi ikimərtəbəli daş binada yaşayıram. Hal-hazırda həmin evin üstü uçub, tökülür və heç cür də təmir etdirə bilmirəm. Amma, sağlığına qismət İmişlidə tikdirdiyin evin oxşarını Bakıda da tikdirmisən. Sürücülər danışırlar ki, siz Bakıya gedəndə inomarka, İmişlidə isə sovet maşını ilə gəzirsiniz. Deputat Ə.Qasımovun 10-la 16-21 mərtəbəli hotelləri, yaşayış binaları varsa, sənin iki evin niyə olmasın? Amma, axundun vaxtilə Hacı Zeynalabdinə dediyi kəlamı siz də, tikinti kralları da, formazon idarə rəisləri də, unutmasanız yaxşı olar.
Qardaşım Davud Zülfüqarovdan yuxarı instansiyalara vurulan teleqramların bir neçəsini də, GEM-nin həkimi Rəhim Şükürov sifarişlə vururmuş, bunu onun özü də etiraf edib. Gigyena və Epidemiologiya mərkəzinin failiyyəti, Davud bəyin söylədiyinə görə sıfıra bərabərdir. GEM-in sabiq rəisi Zakir Abbasov, haqlı olaraq Rəhim Şükürovu və Adil Vəliyevi işdən azad etmişdi. Biz KİV-də çıxış etdikdən sonra, o, Adil Vəliyevi işə bərpa etdi. Bu Adil isə, izahat yazaraq Rəhim Şükürovun üzünə durmuşdu. Ardıcıl tənqidlərimizdən sonra alicənab hərbçi, eyni zamanda həkim olan Zakir Abbasov, Rəhimi də işinə bərpa etdi və o da bizimlə dost oldu. Rəhimin aymasını verdi: “Qoçu Əsgərin kişmiş yeyəni”. GEM-in bir ildir ki, rəisi Şahin Abbasov hərbi həkim olub, pis insan da deyil. Amma mühit, rejim onun çılğınlaşdırıb. 25 iyul 2016-ci il tarixdə saat 11:10-da şəhər mərkəzindəki sexdən çörək alırdım. Adil Vəliyev satıcıya nə isə dedi və sonra telefonu ilə kimisə yığıb onu satıcıya verdi. Telefonda nə deyildisə bu həkimciyəzə, satıcı iki beş mantlıq uzatdı. Həmin an Adil məni arxasında görüb pulu satıcının üstünə atdı və hucuma keçdi: “Ə.qaçqın adamam, niyə qoymursan dolanaq, gör sənin başına hansı oyunu açdıracağam, indi də məni güdürsən?” O, qaçqın statusundan sui-istifadə edərək, mənimlə “vorzakon” dilində danışdı.
Mən təsadüfən həmin sexə getmişdim, hər gün həmin sexdən evimizə çörək alıram. Davud bəyin yazdığı doğru idi, bunlar hər kəsi “hesab”a oturdublar, paxırı açıldığından qanımı içə bilərdi.
Orada olanlar onu sakitləşdirdi, hətta Təvəkkül adlı gənc ona irad da bildirdi. Çox keçmədi ki, mən həmin yerdən uzaqlaşdım. Bu açıqlamanın işıq üzü görməsinə səbəb, Adilin harınlaşmış əməlləri oldu. O, az müddət ərzində iki xarici avtomaşın alıb, yaşı ötsə də GEM rəisinə sərf etdiyi üçün onu işdən çıxartmır. Bu cür pul toplayanı haradan tapa biləcək, özü də şantajyor olanın birisini. “Qaçqınam” –deyə hamıya “xox” gəlir. 2001-ci il YAP İmişli rayon təşkilatından ADP rayon təşkilatına bəyanatla üzv qəbul olan Rəhim Şükürov, ora kabab iyinə getmişdi. Rəsul Quliyev hakimiyyət başına gələrsə, o da, GEM-in rəisi olardı arzusuyla yaşayırdı. 31 may 2001-ci ildə polisə müqavimət göstərmişəm bəhanəsi ilə, məni həbs etdilər. Həmin həkimciyəz dabanına tüpürüb qaçdı. Davud bəydən teleqramı o, həmin ərəfədə vururdu ki, bəy iki dəfə əməliyyat olunmuş, həm də ağır xəstə idi. Hansı ki, Yezid lənətlik İmam Bimar Zeynalabdinə xəstə olduğuna görə toxunmur:
Əhli-beytdən sağ kişi qalmayıb, bu kimdir sualını verir. Cavab verirlər ki, “bimardır, yəni xəstədir”.
Yeziddən qəddar, zülümkar olanlar Davudun ağır xəstə olması amilindən istifadə edərək, ondan sifarişli teleqramlar vurdururdu. Deyəsən Rəhimi GEM-nə baş həkim qoymaq fikrində imişlər.
Bu “bədbax” (Rəsul Quliyev demişkən) bu ilin yanvarında mənə dedi ki, Saleh Səmədovla dostsan, məni GEM-nə baş həkim təyin etdir. “Hər ay 10 min manat qazanc var, şərik olaq”- deyəndə, bu adamdan çiyridim. O, bildirdi ki, 1700 müəllimin hər biri tibbi kitabçaya 6 aydan bir 10 manat, guya komissiyadan keçiblər, qəssab, mağaza, restoran, çayxanalar, bərbər, “sapojnik”, şadlıq saray, karxana işçiləri kitabçaya görə 10 manat, üstəgəl rayonda nə qədər müəsissə var, aylıq haqq da verirlər.
Bir bərbər dostum danışır ki, Rəhim və tanışı bir dəfə gəldilər ki: “Aylığı gecikdirirsən. Bildirdim ki, obyektim təmizdir, xələtlərimin 3 cütü ütlüdür, bu da tibbi kitabçam”-dedikdə o, kitabçaya baxıb biz verməmişik saxtadır” dedilər. Nə isə yazdılar, başqa şey oxudular və mənə də imza etdilər. Bir həftə sonra məni məhkəməyə çağırdılar ki, 25 manat cərimə olunmusan. Birbaşa GEM-nin rəisinin yanına getdim: “Bu kitabça saxta idisə, sənə 10 manat vermişdim, eyib deyil. Güldü və bildirdi ki, gərək həkimlərin aylığını gecikdirməyəsən. İyrəndim belə insanlardan, hətta and da içdim ki, Rəhimi əzişdirəcəyəm. Sonra fikirləşdim ki, boyu 160 sm olan, şəxsiyyətini qorumağı bacarmayan birisindən ötəri niyə həbsxanaya düşüm. Həmin bərbər o qədər təmizkardır ki, İmişlidə nüfuz sahibi olan hər kəs üz-başını ona təmizlətdirir.
İmşlidə 30-a qədər diş texniki, stomotoloq var. Çoxunun təhsili və lisenziyası yoxdur. Onları birbaşa GEM-i himayə edir və hər birindən ayda 50 manat haqq da alır.
Həmin “həkimlərin” üzündən rayonda nüfuzlu insanlar hepatit, kandidoz və s. kimi viruslara yoluxublar. Sonuncu dəfə yoluxan yazıçı, tanınmış jurnalist “Sabaha İnam” qəzetinin sahibi Məryəm Şahnerdiyeva olub. Vaxtilə qəzetində təbliğ etdiyi şəxslər, xüsusilə də tikinti kralları, deputat Ə.Qasımov və digərləri ona qəti olaraq kömək etməkdən imtina ediblər. Hansı ki, M.Şahverdiyeva Mehriban xanım Əliyevaya, milli qəhrəmanımız Mübariz İbrahimova kitab həsr etmiş, hakimiyyətin təbliğatçısı olmuşdu. Ə.Qasımova görə deputtalığa namizədliyini geri götürən Məryəm xanıma məxsus telefonuna, indi o, cavab vermir. Belə çıxır ki, M.Şahverdiyeva hakimiyyəti təbliğ etdiyinə görə, bu gün ona nifrət də edirlər.
Vətəndaşlara qənim kəsilən GEM-nin mənsublarını Səhiyyə Naziri niyə bu qədər himayə etməlidir? Davud Zülfüqarov səhiyyə naziri O.Şirəliyevə bu barədə məktubla müraciət də edib.
Fürsətçillər hər addımda xalqa əzab verir, millətin, dövlətin gələcəyini deyil, balalarının, hətta gələcək nəslinin 100 ilinə qızıl, zinət əşyaları da yığırlar. Unudurlar ki, Tutanxomonun, Əmir Teymurun, keçmiş şah və vəzirlərin topladıqları qızıl-zinət əşyaları tonlarla, kiloqramlarla sərdabə, kurqan, əkin, örüş sahələri və qəbrlərindən çıxır, xalqların ah-fəryadları era, əsrlərdir ki, onların ruhlarını rahat buraxmır edir, od tutub yandırır. Bu dünyada 30-60 il şah kimi yaşayır, o, biri dünya da isə cəhənnəmə çevrilirlər. Qarışqa kimi yem toplayanlar, qarışqa qeyrətində olsalar idi, ermənilər torpaqlarımızda at oynatmazdılar. Erməni “hayes” deyib bir-birinə arxa-dayaq olurlar, bizimkilər isə “məni vurmayan ilan yüz yaşasın” deyirlər.
Növbəti sayımızda DSMF rayon şöbəsinin rəhbəri İntiqam Əliyevin “qaz vurub qazan doldurmasından” bəhs olunacaq.

Məhbub Zülfüqarlı
gundemxeber.az