MTN-nin generalı Mövlan Şıxəliyevin adamı olan Əvəz Şükürov, İmişlini barıt çəlləyinə döndərə bilmir

İmişli RİH-i başçısının şəhər üzrə icra nümayəndəsi Məmi Atakişiyev də, 530 hektar ərazini, yəni əhalinin örüş sahələrini, ərazidə olan və qırmızı kitaba düşən söksöyül, yulğun meşəliklərini kökündən çıxartdıraraq, məhz həmin ərazilərdə plantasiyası saldırıb. Əkin-səpin başladıqdan sonra, Məmi Atakişiyev görməli olduğu işləri icra etməyi müavini Fuad Kərimova və Taleh Tapdıqova həvalə edərək, iyul, avqust və sentyabr aylarını özünəməxsus məxsus plantasiyasında keçirib. Axı, əldə etdiyimiz məlumatlara görə, İmişlidə nüfuz sahibi olan Məmi Atakişiyev vaxtilə rayonun pambıq zavodunda direktor olub. İllər ötdükcə o, çox nüfuzlu şəxsə, hətta imişlilərin güvənc yerinə də çevrilir. Onu bu gün nüfuzdan salan, müflis edən “tikinti kralı” adı ilə məşhurlaşan Əvəz Şükürovun qardaşı, həm də yaxın dövrə qədər tikinti krallarından hesab olunan Məcnun Şükürov olub. Hal-hazırda o, qardaşı Əvəz Şükürova söykənərək, İmişlidə pambıq emalı ilə məşğul olan MKT-nın hələlik rəis müavini təyin olunub. Bu gün tikinti işləri qurtarıb, indi də qardaşlar pambıq üzrə mütəxəssisə çevriliblər. Məmi Atakişiyevin nüfuzundan sui-istifadə edərək, həmin qardaşlar 1995-ci ildə İmişli bazarını ələ keçirdilər, bazar üzrə “mütəxəssis” oldular. 1999-cu ilin noyabrında bu mütəxəssisliklərini də itirərək iflas oldular və bu da böyük qalmaqala səbəb oldu.
Ələ keçirilən bazarları məhkəmələr və özəlləşdirmə yolu ilə ələ keçirən Əziz Quliyev, çox keçmədi ki, həmin qardaşlara qalib gəldi. Şükürovlara yaxşılıq edən Məmi Atakişiyevin yaxşılığına yamanlıqla cavab verildi, yəni qarşılarına Əziz Quliyev çıxdı. Qardaşlar həmin vaxtdan bazar qalmaqalından yararlanaraq, tikinti krallarına çevrilsələr də, əmələ gələn qalmaqal qardaşı qardaşla, əmi oğlunu əmioğlu ilə düşmənə çevirdi. Onlar Əziz Quliyevə qalib gələ bilməsələr də, hazırda da onun arxasınca “şəbədələr” üzrə mütəxəssisə çevriliblər. Eyni zamanda MTN qalmaqalı onlara heç də uğur gətirmədi. Əvəz Şükürovun oğlu Bayram Şükürov, MTN-nin generalı olan Mövlan Şıxəliyevin köməkçisi postunu tutmuşdu. Hal-hazırda o, İmişliyə qayıtdığından, məhz İmişlidə qalmaqal da yara da biliblər. Hədəfləri isə, 79 saylı DSK-nın üzvü Davud Zülfüqarov və hüquq müdafiəçisi, nüfuzlu jurnalist Məhbub Zülfüqarlıdır. Hətta, onlar Məhbub bəyi həbs etdirmək istəsələr də, İmişli rayon prokurorunun köməkçisi Muradov Sultan Elmin oğlunun, cinayət işinin başlanmasının rədd edilməsi haqqında Qərarı əlimizdədir. Yəqin ki, media mənsubları Məhbub Zülfüqarlının müxtəlif mətbu orqanlardakı məqalələri ilə tanışdırlar. Əvəz Şükürovların “arxa-dayağı” İmişli RPŞ-nin rəisi və müavini Habil Ağayev dayansa da, Məhbub bəyə sarsıdıcı anlar yaşatsalar da, 30 avqust 2016-cı il tarixdə Ahıl Ziyalılara Qayğı İctimai Birliyin sədri Nəsrulla Nurullayevin, hüquqşunas Azər Rəsulovun, onlarla İmişliyə bələdiyyələrlə əlaqəli tədbirə gələn, Saatlı bələdiyyəsinin üzvü, QHT rəhbəri Nəsrəddin bəyin gözü qarşısında Məhbub bəyin zorən İmişli RPŞ-ə aparılması və polis şöbəsində zorən onun qarşısına ağ kağız qoyulması və “izahata” məcburi qol çəkdirilməsi, Habil Ağayevin Əvəz Şükürova qəyyumluq etdiyi, İmişlidə yaxşı adla tanınmayan Ceyhun Quliyevin, eləcə də “Azəratoyol" ASC-nin İmişlidəki nümayəndəsi Şükür Aslanovun, Habil Ağayevin vəzifəsindən sui-istifadə edərək, hər iki şəxslə Məhbub bəyə mənəvi, psixoloji təzyiqlər etməsi, vəzifəsindən sui-istifadə edərək, İmişli Dövlət Avtomobil Müfəttişlərinin işlərini pozaraq onları otağına yığmış və Məhbub bəylə üzləşdirmək istəsə də, onun cəhdi fiaksoya uğramışdı. Baş verən belə bir olaylar da, medianın gündəmini zəbt etmişdir. Onların məqsədləri Məhbub bəyi müxalifətçi adı ilə həbs etdirmək, Əvəz Şükürovun sifarişini yerinə yetirmək olsa da, onların belə bir addımları nüfuzlarına zərbə olmuşdur. Hətta, Məhbub Zülfüqarlı Habil Ağayevin iş otağında Şükür Aslanovla bağlı ifşaedici faktları ortaya qoyarkən o, qəfil ayağa qalxmış və “mən adam tutduran deyiləm, Allah şeytana lənət eləsin”-demişdi. O, Məhbub bəylə elə oradaca barışmışdı.
Əvəz Şükürov hələ də güclü arxasının olduğunu, RPŞ-i rəisinin onun müdafiəsində durduğunu, prokuror köməkçisinin 04 oktyabr 2016-cı il tarixli Qərarı ifşa etdi. Biz məsələyə qayıtmırıq, ən azından Məhbub Zülfüqarlının sonrakı şikayətinin 19 oktyabr 2016-cı il tarixdə İmişli rayon prokurorluğundan geri götürməsi faktı ortadadır. Məhbub bəyin prokuror köməkçisinə böyük hörməti naminə, ortada şikayətini bağlatması faktı var. Qərarda Ceyhun Quliyev yazır ki, M. Zülfüqarov C. Quliyevə deyir ki: “Əvəzə de Məhbub sizi elə günə qoyacaq ki, uşaqlığınız yadınıza düşəcək”. Məhbub müxbirlik fəaliyyəti ilə məşğul olur və bu məqsədlə Əvəz Şükürov, Şükür Aslanov və digər imkanlı şəxslər barəsində yalan məlumatlar yazıb, onlardan pul almağa çalışır, imkanlı şəxslərin barəsində bir-iki dəfə bu cür məlumatlar yazdıqdan sonra, qəzeti məqalə yazdığı şəxsə təqdim edir. Sonra həmin şəxslərdən pul tələb edir, istədiyi pulu verməsə, onlardan yenə məqalə yazacağı ilə hədələyir. Məhbub yazır ki, guya həmin sahibkarlar qanunsuz yollarla pullar qazanır, məşğul olduqları işlərin hamısının nəticələri yararsızdır, gördükləri işlərin nəticəsində müxtəlif şəxslərə maddi və mənəvi ziyan dəyir. (H. İbrahimli yalandırmı?) O, Əvəzi xeyriyyəçi kimi tanıyır və ona qarşı bir kimsə pis söz deyərsə, dərhal ona təsir edir”.
Ceyhun adlı birisi sübut edir ki, Əvəzin işverəni, reketdir. Əvəz istəsə, onun bütün əmrini yerinə yetirə bilər. Məhbub bəy 01-07 iyul 2016-cı il tarixdə “İmişli oliqarxları torpaqları talayıb”, 19-25 avqust 2016-cı il tarixdə “İmişli sakinlərindən ölkənin rəsmi şəxslərinə müraciət” (Gündəm-Xəbər qəzetində və bir neçə xəbər portallarında), eləcə də, başına gətirilənlər barədə 07 oktyabr 2016-cı il tarixdə ölkə rəhbərinə, baş prokurorluğuna, ədliyyə nazirliyinə, daxili işlər nazirliyinə, DTX rəisinə və bir çox media orqanlarına müraciət ünvanlayan şəxs, bu adamcığazların iç-üzünü ifşa edir, təhlükəsizliyinə təminat istəyir və bilir ki, Əvəz müdafiə olunacaq, Məhbubu susdurun deyə cavablar da yerli orqanlara göndəriləcək.
Sonda Sultan Muradov qərara alır: M. Zülfüqarovun şikayətində göstərilən xüsusatlar təsdiqini tapmadığından, hər hansı şəxsin əməllərində cinayət tərkibi müəyyən edilmədiyindən, cinayət işinin başlanması rədd edilsin (nə qədər “şirinlik”-H. İbrahimli) və Sultan Muradovun qərarından ruhlanan İmişli RPŞ rəisi, Məhbub bəyə şikayət etdiyi vaxtdan ilk dəfə olaraq, 18 oktyabr 2016-cı il tarixdə N-168-485102 saylı cavab məktubu yazır və bildirir ki, “sizin şikayətinizdə göstərdiyiniz xüsusatlar öz təsdiqini tapmadığından cinayət işinin başlanması rədd edilərək, qərarın surəti Sizə göndərilmişdir”. (Çox sağ olun ki, “sizə” sözü böyük hərflə yazılmışdır, odur ki, sizə təşəkkürlər.) Hörmətlə, rəis Ayaz Cəfərov. Elə ona görə də, Məhbub bəy 07 oktyabr 2016-ci il tarixdə rəsmi qurumlara yazdığı şikayətində Azercell-dən telefon danışığının çıxarışını istəsə də, S. Muradov “bu mümkün deyil, hətta Ali Məhkəmə də Azercell-dən telefon danışığının surətini ala bilməz. Yalnız, mesajların surətini verə bilər.”-demişdi.
Belə bir yolla Əvəz Şükürovun ssenarisi heç cür baş tutmur. Onun əlaltısı Ceyhun Quliyev “hallı” şəkildə Məhbub Zülfüqarlıya telefon açaraq, özü də bilmədən onu hədələyərək ayıldır və “Əvəz müəllim polis rəisi məhkəmə sədri ilə dostdur, səni və qardaşlarını həbs etdirər, türmədə “stroya” düzdürüb, içəridə aşağılatdıracaq, sonra da məhv etdirəcək”-deyə amansızlıqla, öz tərbiyyəsinə uyğun təhqiramiz surətdə, psixoloji sarsıntı, mənəvi əzab vermək istəsə də, unutmuşdu ki, bəy belə kölə xislətlilərin iç üzünü çox görüb. Əvəz Şükürovu 2000-ci ilin axırlarında həbs edən, RPŞ rəisi olmuş Zahid Məmmədov, bəyi 31 may 2001-ci il həbs edib sındırmaq istəyərkən onun özü sındırılmışdı. Özü də sırf Əvəz Şükürovların oyunlarına rəğmən...
Şükürovlar bəyə borclarını bu qayda qaytardılar. “Yaxşılığa yaxşılıq hər kişinin işidir, yamanlığa yaxşılıq mərd kişinin işidir” deyiblər. Şükürovlar Bakıda tikinti bumundan çıxmış və indi də, İmişlinin örüş sahələrini, pay torpaqlarını “halallıq” adı ilə özəlləşdirməkdədirlər. “Azəravtoyol” ASC-nin İmişlidəki idarəsinə Məcnun Şükürovun oğlu İlkin Şükürovun müavin təyin edilməsi də, göz önündədir. İndi İmişli barıt çəlləyinə dönmək ərəfəsindədir. Şükürovların imişlilərə problem yaratmasını dövlət nəzarətə götürməlidir.
Qoy Əvəz Şükürov Məhbub Zülfüqarlını arxasız bilməsin və bilsin ki, indi “buynuzsuz qoçun qisası, buynuzlu qoçda qalmayan dünyadır”. Məhbub bəy sıradan birisi deyil, hər şeyin zamana ehtiyyacı var, məhz zamana...
Salyanlı hüquq müdafiəçisi Emil Məmmədovu da, Salyanın sabiq icra başçısı Tahir Kərimov oxşar ssenari quraraq həbs etdirmişdi. Üç ay sonra cənab prezident İlham Əliyevin göstərişi əsasında, Emil Məmmədov AZADLIĞA buraxılmış və Tahir Kərimov biabırçı şəkildə vəzifəsinə əlvida demişdi. Bu günədək korrupsiya idarəsi onun əməllərini araşdırdığından, o, bu gün də var-dövlətini itirməkdədir.
Əvəz Şükürov Cavadxanlı-Bəcrəvan kəndləri arasında əhalinin örüş sahəsi olan meşəliyi, xüsusilə də, qırmızı kitaba düşmüş 200 hektar ərazidə olan yolğun, söksöyül meşəliklərini Araz çayı boyunca kötüyündən çıxartdırmış və həmin ərazini şumladaraq, hətta kənd sakinlərinin meşə yolunu da kəsib. Araz çayı boyunca qayalıqları məhv etdirib, çayın sahillərinə torpaq tökdürüb, hətta adanı da özününküləşdirib. Buna görə də, fermasının traktorçusu və sürücüsünə 3 aydır ki, əmək haqqı verə bilmir. Ona görə də onlar işdən aralanıblar. Bakıda çoxmərtəbəli tikintilər qurtarıb, indi də qardaşlar kəndlərə daraşıb, kəndlilərin pay torpaqlarını, örqüş sahələrini zəbt etməklə, görəsən bu gün nə demək istəyirlər? Atası tərəfindən tövlədə zəncirlənən 27 yaşlı qız Əvəz Şükürovun, deputat Ə.Qasımovun həmkəndlisidir. Yəni, bu insanlar var-dövlət, sərvət üçün yaşayanlardırlar. Sakinlərin problemləri onlar üçün adi bir sahibsiz it qədər də deyil ki, tövlədə saxlanılan qız hər şeyi deyir.
Həsən Dərya