“Nə qanun var, nə də dövlət, mən qanunları pulla alıram”


Göyçay rayonu Qızılağac kənd sakini Şirinova Tükəzban Salman qızı redaksiyamıza şikayət edib. Onun şikayəti yerli məmurlardandır. Daha dəqiqi, şikayətçi Göyçay rayon İcra Şöbəsinin rəisi İlqar Abdurrahmanov və Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyevdən şikayətçidir.



Şikayətçi Şirinova Tükəzban Salman qızı onları vəzifə səlahiyyətlərindən sui-istifadə edərək Göyçay rayon məhkəməsinin 23 may 2016-cıil tarixli 2(046)-37/2016 nömrəli qətnaməsini qəsdən icra etməməkdə günahlandırır: “Saxtakarlıq edib bizə məxsus torpaq sahəsini başqasının torpaq sahəsi kimi göstəriblər.Bu cinayətkarların əməllərindən camaat çox əziyyət çəkir”.

Şirinova Tükəzban Salman qızı adı çəkilən mənurları səlahiyyət həddini aşmaqda, vəzifə səlahiyyətlərindən sui-istifadə etməkdə, qanunları pozmaqda, saxtakarlıqda günahlandırır: “Həmin iş üzrə cavabdeh Mahmudov Gündüz Ağaəli oğlundan rüşvət alıb süründürməçilik edib, eləcə də sənədləri saxtalaşdırıblar.Məqsəd isə cavabdeh Gündüz Mahmudovun həmin zəbt etdiyi torpaq sahəsindəki meyvələri yığıb satmasına şərait yaratmaqdır.Çünki Gündüz Mahmudov həmin yerdəki meyvələrdən hər il külli miqdarda qazanc əldə edir”.
Şikayətçi yazır ki, məhkəmədə qeyd etdiyi qanunsuzluqlar araşdırılıb. Araşdırmalardan sonra şikayətçinin haqlı olduğu müəyyən edilib. Məhkəmə onun xeyrinə qərar çıxarıb.
Belə ki, Göyçay rayon məhkəməsinin 23 may 2016-cı il tarixli qətnaməsi ilə iddiası qismən təmin edilmiş, torpağa mülkiyyət hüququna JN-002 KOD 40808018 saylı dövlət aktına əsasən onun və ailə üzvülərinin ümumi-birgə mülkiyyətində olan 5,40 hektar pay torpaq sahəsinin 1.32 ha hissəsindən cavabdeh Mahmudov Gündüz Ağəli oğlunun çıxarılması və həmin torpaq sahəsinə daxil olmasına son qoyulması qət edilmişdir:

“Göyçay rayon məhkəməsinin həmin qətnaməsi qanunu qüvvəsini alıb icraya yönəlmiş, ancaq qeyd etdiyim kimi dövlət idarəsini kolxoz bazarına döndərmiş Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyev və Göyçay rayon icra şöbəsinin rəisi İlqar Abdurrahmanov rüşvət alaraq həmin qətnaməni qəsdən icra etmir, müxtəlif bəhanələrlə saxtakarlıqlar etməyə çalışır.Həmin pay torpağını mərhum prezidentimiz Heydər Əliyevin imzası ilə bizim ailəyə veriblər.Cavabdeh Gündüz Mahmudov həyat yoldaşım öləndən sonra həmin qanuni torpağımızı zəbt edib oradakı ağacların meyvəsini hər il satıb külli miqdarda qazanc əldə edir.Ortada qanunu qüvvəyə minib icraya yönəlmiş məhkəmə qətnaməsinin olmasına baxmayaraq cavabdeh yenə də zəbt etdiyi bizə məxsus torpaq sahəsindən qanunsuz olaraq istifadə edir ki, bunun bütün məsuliyyəti tam olaraq korrupsiyaya qurşanmış Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyev və icra şöbəsinin rəisi İlqar Abdurrəhmanovun üzərinə düşür”.

Tükəzban Şirinova yazır ki, Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyevin və İlqar Abdurrahmanovun saxta əməlləri nəticəsində Konstitusiyanın müddəaları pozulmuş qanunlarımız hörmətsiz olmuşdur: “Bu korrupsionerlər vəzifələrini dövlət qanunları ilə yox öz qaydaları ilə icra edirlər.Cavabdeh Gündüz Mahmudov bizə açıq-aşkar qorxmadan dedi ki, nə qanun var, , özünüzü öldürsəniz də xeyri yoxdur.

Mənim 74 yaşım var, dövlət qanunlarını daima ali tutmuşam. Azərbaycan Respublikasının Konstitusiyası qoca-cavan hər bir vətəndaş üçün müqəddəs sayılmalıdır. Ancaq Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyev və Göyçay rayon İcra şöbəsinin rəisi İlqar Abdurrahmanov Azərbaycan Respublikasının Konstitusiyasını öz şəxsi maddi maraqlarına qurban verərərk cinayət əməlləri ilə məşğul olurlar. İşinin öhdəsindən gələ bilməyən korrupsiyaya qurşanmış Pəhləvan Güləliyev və İlqar Abdurrəhmanov dövlət idarəsini kolxoz bazarına döndərib.
İki dəfə Zərdab və Sabirabad rayonlarında Əmlak Məsələləri Dövlət Komitəsinin sədri Kərəm Həsənovun qəbulunda olub bu saxtakarlıqlar barədə ona məlumat vermişəm, sənədlər və ərizə təqdim etmişəm.Ancaq heç bir tədbir görülməyib.Buna görə də əlacım kəsilib deyə mətbuat vasitəsi ilə prezident cənab İlham Əliyevə və Mehriban xanım Əliyevaya müraciət edib xahiş edirəm ki, bu saxtakarlıq barədə sizə göndərdiyim şikayət ərizəmi obyektiv araşdırılmasını təmin edəsiniz, Göyçay rayon məhkəməsinin 23 may 2016-cı il tarixli qətnaməsinin icra edilməsinə tapşırıq verəsiniz və vəzifə səlahiyyətlərindən sui-istifadə edib süründürməçilik, saxtakarlıq edən Daşınmaz Əmlakın Kadastrı və Ünvan Reyestri Xidmətinin Ucar şöbəsinin müdiri Pəhləvan Güləliyevin və Göyçay rayon İcra Şöbəsinin rəisi İlqar Abdurrahmanovun barəsində ciddi tədbirlər görəsiniz”.

Cəfər