Yaxud Akif Vəliyev bahalı avtomobilini hansı pullarla alıb?
Son zamanlar redaksiyamıza daxil olan məktublar sırasında respublikamızın ucqar bölgələrindən olan şikayətlər əksəriyyət təşkil edir. Şikayətçilər tərəfindən ünvanlanan məktublarda istər yerli hüquq-mühafizə, istərsə də yerli icra hakimiyyətinin özbaşınalığı, qanunlara məhəl qoymaması, rüşvət və korrupsiyaya qurşanmaları, vətəndaşların problemlərinə biganəliyi qeyd olunur.



Onu da qeyd edək ki, Prezident İlham Əliyevin dəfələrlə yerlərdə vətəndaşların şikayətlərinin dinlənilməsi, onların üzləşdikləri problemlərin həll olunması məqsədilə verdiyi tapşırıq və tövsiyyələrə baxmayaraq, hələ də bir sıra yerli icra orqanlarının qanunsuz əməlləri, vətəndaşlara qarşı süründürməçilik halları davam edir. Yerli məmur özbaşınalığının nəticəsində isə vətəndaş son ümid yeri kimi ya Prezidentə müraciət etmək məcburiyyətinə qalır, ya da mətbuata üz tutur. “Gündəm Xəbər”in redaksiyasına daxil olan bir yazı da elə yerli hakimiyyət orqanlarınin qanunsuz əməlləri barədədəir.Bəli, söhbət yerli icra orqanlarında çalışanların qanunlara məhəl qoymaması, yalnız öz maraqlarını düşünməsi və vətəndaşlara qarşı biganəliyindən gedir. Beləliklə, redaksiyamıza Qazax rayonundan daxil olan yazını diqqətinizə çatdırırıq:


Söhbətimiz qara “Lexus”lu icra nümayəndəsi Akif Vəliyev haqqındadır. Onun avtomobilinin qiyməti 100 min manatdan çoxdur. Başqa sərvətləri haqqında yazmağa ehtiyac yoxdur. Çünki avtomobilinin qiyməti 100 min olanın arxasında nələrin olduğunu təxmin etmək elə də çətin deyil. Akif Vəliyevin həmin var-dövləti hansı yollarla aldığı da hər bir qazaxlıya bəllidir. O varidat mənimsənilmiş və “əsl ünvanına” çatmamış pullar sayəsində toplanıb. Bəli, bəli! Məhz “əsl ünvanına”! Çünki Akif Vəliyev Qazax rayonu Əhalinin Sosial Müdafiəsi Mərkəzinin müdiri işlədiyi dövrdə prezidentin kasıblara ünvanladığı pulları azdıraraq öz şəxsi ünvanına yönəltmişdir. Yüzlərlə, minlərlə təyinatından yayındırılmış pulları Akif Vəliyev mənimsəyərək oliqarx həddinə çatmışdır. Akif Vəliyev “Kapitalbank”ın yerli filialının müdiri Paşa bəylə əlbir olub kasıblıqdan və çətinliklərdən sarsılmış savadsız bir kütləni ustalıqla aldada bilmişdir. Bu adam həmin kasıbların adına açılmış kartları özündə saxlayaraq, vaxtı çatanda iştahla bankomata salıb pulları çəkirdi. Akif Vəliyev ilk növbədə cənab prezident İlham Əliyevi aldadıbdır. Çünki həmin sosial yardım cənab Prezidentin yoxsullara ünvanladığı maddi yardım idi. Cənab Prezident, təəssüf ki, Sizin ayırdığınız yardım əsl ünvanına çatmadı.


Zavallı qazaxlılarım! Gör kimlərin əlində qaldınız? Taleyinizi kimlərə etibar etdilər?
Həmin kasıblar “uşaqlara sabah nə yedizdirəcəyik” düşüncələri altında qıvrılanda və çörəyi nisyə alanda Akif Vəliyev quzu kababından yeyib avtosalonlarda özünə hegemon şəxsiyyətinə uyğun bir avtomobil seçirdi. Görəsən, həmin an az da olsa vicdan əzabı çəkib həmin kasıbların durumu haqqında nəyisə düşündümü? Həmin kasıbların süfrəsindən oğurladığı ruzi-bərəkət sayəsinda xoşbəxt və varlı bir həyat quracağından az da olsa utandımı, çəkindimi, usandımı? Əsla yox. Mən buna qətiyyən inanmıram. Çünki o tamam başqa cür adamdır. Birdə ki “toxun acdan nə xəbəri”? Amma düşünürəm ki “Əsl Qazaxlı” kasıblara divan tutmaz.
İndi o, Qazax İcra hakimiyyətinin yanında icra nümayəndəsidir. “Sosail”dan mənimsədiyi pullardan verib o daha yüksək vəzifəyə gəldi. Yəqin ki, buda bir fərasətdir. Ona görə fərasətdir ki, oğurluq edir, amma ələ keçmir. Rusların misalıyla desək, “tutulmayan oğru deyil”. Bu anda “Şərikli çörək” filmindən bir epizod yadıma düşdü: “Xalxın uşağındakı fərasətə bir bax, hamını aldadıb”. Nə isə! Ürəyimiz doludur! Akif Vəliyev haqqında hələ çox yazılarımız olacaq. Kimin kim olduğunu ictimaiyyət mütləq tanımalıdır.

Eldəniz