Bu barədə sorğu –sual ediləndə sağ ayağının altında qoz böyüklükdə şişi açaraq çoxlarına göstərir ki, kimlərinsə bu adama insafı gəlsin...

Bu yaxınlarda Azərbaycan Respublikası Ekologiya və Təbii Sərvətlər naziri Hüseynqulu Bağırovun mətbuata sərt təpgisi, yəqin ki çoxlarının yadındadır. Yadından çıxaranlar üçün təkrarlayırıq ki, nazir mətbuat orqanlarında nazirlik və onun tabeçiliyində olan şöbələr barəsində yanlış, qərəzli və məqsədli şəkildə yazanların cəzalndırılmasını tələb etmişdi. Düzdü, nazirin sözündə də həqiqət var. Lakin olanı necə yazmayasan, necə deməyəsən? Bu gün nazir Hüseynqulu Bağırovdur. Sabah isə digəridir. Necə olur ki, meşələr dağıdılır, məhv edilir, meşə mühafizəsi və bərpası müəssisələrinin direktorları yüz oyundan çıxırlar, nazir isə onları cəzalandırmır? Belə çıxır ki, nazirin meşələrdən xəbəri yoxdur. Onun sektor müdirləri ilə “iş birliyinə” girən direktorlar asan yolla özlərinə bəraət qazandıra bilirlər.

Qazax Rayon Meşə Mühafizəsi və Bərpası Müəssisəsinin direktoru Aqil Heydərov bu gün Qazax meşələrinə qənim kəsilib. Bunu hər bir qazaxlı aydın şəkildə yaxşı görür. Danışanda da deyirlər ki, bizə nə aidiyyəti var? Halbu ki meşənin nə olduğunu başa düşsələr çox işlərə qarışarlar.

Aqil Hedərov bəlkə də bu sistemdə 1 nömrəli ziyankardır. Hətta, özünün idarə etdiyi 35 AA 007 Dövlət nömrə nişanlı “NİVA” markalı maşın da özünün, seriya isə dövlətindi. Yəni bu adamın oturduğu kreslo da saxtadır. Meşə sahələrini iaşə müəssisələri olanlara icarə verib. Qazaxdan Daş Salahlı kəndinə gedən magistral yolun ağızında tikilmiş “Orman” ailəvi istirahət mərkəzi meşə sahəsinin 1 hektarını açıq-açığına zəbt edib. Qazaxdan Gürcüstana gedən yolun Qazaxbəyli hissəsində fəaliyyət göstərən “Palıdlıq” restoranı da meşə sahəsinin 1 hektarını demək olar ki, özəlləşdirib. Bu hal Qazaxın Ağköynək kəndinə söykənən meşə də də var. Aqil Hedərov kimi insana kim inanar ki, gündə gəl-götürləri olan restoran sahiblərindən pul qırmasın, onlara aylıq haqq qoymasın? Onu da bildiririk ki, özbaşınlığın dərəcəsinə fikir verin ki, Qazaxın Dəmirçilər kənd sakini Anar Məmmədov meşə təsərrüfatının kəndə bitişik hissəsindən 0,24 sot həyətyanı sahə alaraq özəlləşdirib, üstəlik ərazidə ev də tikib.

Bu barədə sorğu –sual ediləndə sağ ayağının altında qoz böyüklükdə şişi açaraq çoxlarına göstərir ki, kimlərinsə bu adama insafı gəlsin...

Aqil Heydərov sovet dönəmində olan varlanma prinsipi ilə inkişaf edən direktorlardandır. O vaxtlar yaxşı yadımızdadır ki, meşəbəyilərin maaşları direktorun idi. Onlar isə özlərini meşəni kəsib satmaqla, heyvan saxlamaqla, otunu və meyvəsini tədarük etməklə dolanırdılar. Indi isə gözətçilərin kartı Aqil Hedəırovun cibindədir.

Əvvəllər direktor müavini, sonradan isə, yəni 2 il olar ki, direktor işləyən Heydərov gələn kimi bir neçə nəfər işçiləri işdən kənarlaşdıraraq, yerlərinə ən azı 2000 manat alaraq fəhlələr işə qəbul etdi. Onların arasında əksəriyyəti fəhlə ştatında qadındır. Həmin qadınlardan biri də heç meşə mühafizəsi və bərpası müəssisəsinin yolunu belə tanımır. Qazax şəhərinin mərkəzində ətriyyat mağazasında çalışır. Bəlkə bu da yalandır?

Aqil Hedərovun dönəmində işə qəbul edilənlər onun daxili sövdələşməsinə əsasən işə gəlmir, evlərində otura-otura əməkhaqqı alırlar. Üzdə görünən isə, yəni hər səhər müəssisənin qabağında 5-6 işçi gözə çarpır. Yəni burada əmək intizamından danışmaq qeyri mümkündür.

Müəssisənin nəzdində olan texnikalar digər ərazilərdə əhaliyə servis xidməti göstərir. Sənəd üzərində görülmüş meşə bərpa işləri sübut edir ki, direktoru yaşıllaşdırma maraqlandırmır. Müəssisənin yanacaq limiti mövcuddur. Aqil Hedərov iz itirmək xatirinə lazım olan yanacağı və digər mühərrik yağlarını müəssisədən 40-50 kim aralıda yerləşən “Şıxlı petrola” yönləndirmişdir. Belə çıxır ki, traktorlar 40-50 km yolu qət edərək yanacaq götürüb iş başına gedir. Əslində isə Aqil Heydərov yanacaq limitini nəğdiləşdirir. Hətta, xidməti avtomobilə də yanacağı pul ilə alır.

Aqil Hedərovun təbiətə xeyirindən çox ziyanı dəyir. Meşə sahələri həm də otlaq sahələrinə çevrilib. Mənbənin “Gündəm Xəbər”ə verdiyi məlumata görə direktor meşədə 7-8 baş iri malın otlamsına mövsüm ərzində 400-500 manat pul alır. Buna görə də meşələrin arası mal-qara ilə doludur. Həmişə “yuxarılar məndən pul tələb edir, bayramlıq istəyirlər” kəlmələrini dilindən yerə qoymayan, bu başlıq altında meşələrə, o cümlədən təbiətə qənim kəsilən Aqil Heydərov “zadəgan” həyatını yaşayır.

P. S. Yazı materialı Aqil Hedərovun özbaşınalığından canları boğazına yığılan Qazax sakinlərinin şikayətləri əsasında hazırlanıb. Həmin yazı materialı sorğu şəkilində ekologiya və təbii sərvətlər nazirliyinə, o cümlədən Qazax Rayon İcra Hakimiyyətinin Başçısı Rəcəb Babaşova da ünvanlanacaq. Təəssüflər olsun ki, Qazaxın icra başçısının hələ ki, bu mövzudan xəbəri yoxdur. İnana bilmərik ki, Rəcəb Babaşov Qazax meşələrinin bu günü üçün əsaslı tədbir görməmiş olsun.

Qarşı tərəfin fikrini də dinləməyə, işıqlandırmağa hazırıq.

PP.S Yazı çapa hazırlanarkən onu da bildirdilər ki, təhsil nazirliyinin göstərişi ilə müəllimlərin 2 yerdə işləməsinə qadağa qoyulub. Aqil Heydərovun təbiətə və Qazaxa vurduğu ziyanı qiymətləndirən özü kimləri onun həyat yoldaşının həm Qazaxın Cəfərli kəndində, həm də Qazax Dövlət Sosial-İqtisadi kollecində işləməsinə şərait yaradıblar. Ona da inanırıq ki, təhsil nazirliyinə bu barədə veriləcək rəsmi sorğu xanımının yalnız 1 yerdə işləməsinə şərait yaradacaq.

Rahib Bəxtiyarov
"Gündəm Xəbər"