Sumqayıt şəhər məhkəməsinin hakimi Azər İsmayılov tərəfindən bir çox boşluq olan ittiham aktı qəbul edilmişdir

“Gündəm xəbər”ə üz tutan, əslən Xocalı rayonunun Cəmilli kəndindən məcburi köçkün, Sumqayıt şəhəri, 12-ci mkr, ev 7A, mənzil 37-də məskunlaşmış, Xocalı qətlyamından təsadüf nəticəsində sağ çıxmış, Qarabağ müharibəsi veteranı, Bayramov Qənimət Mövsüm oğlu və həyat yoldaşı, 3 güllə yarası almış, 2-ci qrup Qarabağ əlili Quliyeva Nailə Ərşad qızı, Sumqayıt şəhər məhkəməsi, hüquq mühafizə orqanlarının qərəzli olmasından narazı qalaraq bildirir:

“Oğlumuz Bayramov Mirağa 21.01.2016-cı il tarixində Sumqayıt şəhəri 4-cü mkr Ucuzluq geyim mağazasında Emin, Elvin Cavadov qardaşları və başqaları ilə birgə qəddarcasına döymüşlər. Dəniz kənarına öldürmək üçün apardıqları zaman öldü bilib köməksiz vəziyyətdə 11-ci mkr ərazisində Power adlanan idman zalının yanında yol kənarına atmışlar. Bədənində bir çox xəsarətlər var idi. Buna baxmayaraq 3-cü polis bölməsinin tədqiqatçısı Hikmət Rzayev və Sumqayıt ekspertizası Mənsur M. həmin xəsarətləri qeyd etməyərək, aralıq hissəsindən güclü vurulmuş təpiyin nəticəsində uzun müddət qanlı sidik ifrazı ilə Sumqayıt şəhər 1 saylı xəstəxanada stasional müalice olduğu üçün həmin xəsarəti qeyd etmişdir. Həmin hadisədən dərhal sonra Mirağanın psixi severiyası pozularaq dəli olub. Azərbaycan Respublikasının Cinayət Məcəlləsi 221.2.1. maddəsi ilə cinayət işi açılıb. İstintaqın qeyri-obyektiv aparılması barədə 17.02.2016-cı ildən dövlət qurumlarına şikayət ərizələri ilə müraciət etməyə başladıq. Araşdırılması üçün Azərbaycan Respublikası Cinayət-Prosessual məcəlləsinə əsasən aidiyyəti üzrə Sumqayıt şəhərinə göndərilir. Mirağanı maşına atdıqları yerdə müşahidə kameraları vardı. Həmçinin öldü bilib yol kənarına atılan yerdə də müşahidə kamerası vardı. Cinayət işini aparan müstəntiq Sərdar Alıbəylidən kamera görüntülərinin çıxarılmasını tələb etsək də o cinayətkarları müdafiə edərək maddi sübut kimi həmin görüntülərin çıxarılmasına etiraz edib, çıxartmadı. Açıq aşkar cinayətkarın müdafiəsi üçün dəridən qabıqdan çıxırdı. Bizim şikayətlərimizin ardı-arası kəsilmirdi. Amblator məhkəmə psixatrik ekspertizasının verdiyi rəyi gizli saxlayıb Sumqayıt prokurorunun təqdimatı ilə təqsirləndirilən şəxslər Sumqayıt məhkəməsinə çıxarılıb. Sumqayıt məhkəməsi təqsirləndirilən şəxsləri müdafiə edərək həbs qəti imkan tədbirini rədd edərək cinayətkarları məhkəmə müddətinə qədər azadlıqda saxlayıblar. 26 iyul 2016-cı il tarixində müstəntiq Sərdar Alıbəyli tərəfindən cinayət işi saxtalaşdırılaraq zərər çəkənin imzası olmadan gizli yolla məhkəməyə göndərmişdir. Sumqayıt şəhər məhkəməsinin hakimi Azər İsmayılov tərəfindən bir çox boşluq olan ittiham aktı qəbul edilmişdir. 15 avqust 2016-cı ildə biz məhkəməyə dəvət edildik. Tamamlanmayan ittiham aktının Sumqayıt şəhər məhkəməsində
Azər İsmayılov iclasa başladıqda biz məhkəməyə getməkdən imtina etdik. Tamamlanmamış ittiham aktınnın tamamlanmasının tələblərini qoyub 7-8 məhkəmə iclasında iştirak etmədikdən sonra, dövlət ittihamçısı tərəfindən
stosinalpsixatirik ekspertiza olunmasına dair vəsatət verilmişdir, vəsatət qəbul olunmuşdur. 5 dekabr 2016-cı il tarixində oğlumuz Bayramov Mirağanı Maştağada yerləşən stasional ekspertizasına müayinə olmağa qoyduq.Hüquqlarımızın bərpa olunması naminə stasional ekspertizada 3 nəfər mütəxəssis tərəfindən verilmiş rəy
bu oldu. Bayramov Mirağa Qənimət oğlunda UZADILMIŞ KƏSKİN İORAYA OLUNAN QARIŞIQ DİSSOSİATİV KONVERSİON POZUNTU (İSTERİK PSİXOZ) PAROKİZİMLƏRLƏ müəyyən edilir. Yuxarıda göstərilənləri və qeyd olunan pozuntunun 21.01.2016-ci il tarixində baş vermiş dava-dalaş nəticəsində yarandığını təsdiq etmişdir. Buna baxmayaraq məhkəmə tibbi anatomiya birliyinin eksperti Fəxrəddin Abbasov sağlamlığa dəymiş dərəcəni müəyyən etməyərək oda təqsirlindirilən şəxsləri müdafiə etdi, bax bu müdafiə nədən yaranır? Zərər çəkmiş İMKANSIZ olduğundan onu müdafiə edən yoxdur. Hakim Azər İsmayilov icraatında saxladığı cinayət işinə 1 il 15 gündən sonra, dövlət ittihamçısının 4 il cəza istəməsindən zərər çəkənin həm atası, həm də nümayəndəsinin ağır cəza istəmələrindən vaz keçərək cinayətkarların müdafiəsi üçün uzun müddət fəaliyyət göstərdikdən sonra, 9 avqust 2017-ci ildə keçirdiyi məhkəmə prosesi zamanı iş №1(060)-27/217 nömrəli cinayət işinə baxarkən, cinayətkarları müdafiə etmiş hakim Azər İsmayilov ən yüngül qəzanın hökmünü verir və təqsirləndirilən şəxsləri azadlıqda saxladı. Biz də 20 aydır kəsilmiş istintaqın və məhkəmənin sonunu gözləyirik ki, Azərbaycan Dövlətinin qanunu ilə cinayətkarlar cəzalanacaq. Bir daha hüquqlarımız tapdalanır. Bizim 24 yaşlı övladımız həyatının sonuna qədər həmin psixi pozuntudan əziyyət çəkəcək. Biz valideynlərin ürəyi yaralar bağlayıb od tutub yanacaq. 24 il övlad böyüt boya başa çatdır, hansı nanəcib tərəfindən döyülərək dəli edilsin. Həmin cinayətkarların maddi imkanı yaxşı olduğundan 1 gündə olsa, həbs cəzası çəkməsin?!
Hörmətli “Gündəm Xəbər” qəzeti, bizim bu ağır vəziyyətdə qalmamağımıza, Sizdən kömək gözləyirik. Bizim başımıza gətirilən bu qanunsuzluqları ölkə ictimaitinə və ölkə başçısı İlham Əliyeva çatdırmağınızı xahiş edirik.

Möhtərəm Prezidentimiz öz çıxışında televiziya və jurnalistlərin onun köməkçisi olduğunu bütün xalqa bildirdi.
Xocalı rayondan məcburi köçkün olmağımızı, ana- Quliyeva Nailəninmerməni tərəfindən 3 yerdən avtomat gülləsi ilə yaralanması, II qrup Qarabağ əlili olması, ata- döyüşçü Qarabağ veteranı, bunları nəzərə alaraq, “Gündəm xəbər” vasitəsi ilə, tapdanmış hüquqlarımızı işiqlandırmağınızı sizdən xahiş edirik.”

Yazıda adları çəkilən bütün müvafiq qurumların da şarşı tərəf olaraq mövqeyini dərc etməyə hazırıq.