Araz Dadaşev: “Çox böyük çətinliklərlə üzləşsək də, Hafizin var-dövlətindən övladlarına pay ayrılmasına nail olduq”

“Dadaşev işi” ilə bağlı bu günədək dərc olunan açıqlamalar olduqca maraq kəsb etdiyindən, biz yenidən bu mövzuya qayıtmağa məcbur olduq və əksər mətləblərə aydınlıq gətirilməsi üçün Araz Dadaşevlə də üzbəüz görüşdük. Düzdür uzun illərdir ki, jurnalistka sahəsində fəaliyyət göstəririk, amma bu cür olaylarla demək olar ki, heç vaxt rastlaşmamışdıq. Belə ki, tərəfimizdən apardığımız araşdırmalar zamanı, bəzi yanaşmalarımızda heç də yanılmadığımız da sübut olundu. Belə ki, Lalə Dadaşevanın nümayəndəsi İlqar Əliyevin bəzi dövlət orqanlarına onların qanunsuz əməlləri ilə bağlı etdiyi şikayətinə diqqət yetirdikdə o da bəlli olur ki, bu ailə faciəsindən hansısa qüvvələr öz çirkin məqsədləri üçün istifadə edirlər. Onu da vurğulayaq ki, hələ ötən saylarımızda baş verənlərlə bağlı İlqar Əliyevin Bakı Şəhər Baş Polis İdarəsinə etdiyi müraciəti və Araz Dadaşevin danışdığı açıqlamaları da dərc etmişdik. Bu işin sonraki gedişatı bizim üçün də maraq kəsb etdiyindən, bir çox qanunsuzluq əməllərinə himayədarlıq edən, AMEA Hüquq və İnsan Haqları İnsititunda şöbə rəisi vəzifəsini daşıyan, həmçinin Azərbaycan Respublikası Prezidenti Yanında Vətəndaşlara Xidmət və Sosial İnnovasiyalar üzrə Dövlət Agentliyi sədrinin müşaviri olan, hüquq üzrə fəlsəfə doktoru Mahmudova Ofeliya Əbülhəsən qızının, Dadaşevlər ailəsində gedən mübahisələrə qarışması və hansı səbəblərdən nə kimi marağı olmasını araşdırmağa çalışdıq. Bu barədə Araz Dadaşevdən munasibət bildirməsini də xahiş etdik.
O, yaşananlarla bağlı belə bir münasibətini bildirdi ki, “Mahmudovlar ailəsini gardaşımın vasitəsilə tanımışam. Hərbi xidmətimi başa vurduqdan sonra, 04 mart 1990-cı ildə Hafiz Mahmudovun təklifi ilə Moskva şəhərinə getdim və ilk vaxtlar “Fidan” kooperativində fəhlə işləməyə başladım. Azyaşlı vaxtlarımdan gülçülük təsərrüfatı ilə məşğul olduğundan bu sahənin sirlərini mükəmməl bilirdim və belə bir səbəb üzündən də, işgüzarlığımı nəzərə aldılar və çox keçmədi ki, adı çəkilən kooperativdə gülçülük biznesinə rəhbərliyi mən etdim. 1992-ci ildə Moskva Metropolitenində öz biznesimi qurdum və az sonra başqa biznes sahələrində də uğurlu fəaliyyət göstərdim.1995-ci ildə Hafiz Mahmudov tərəfindən “ZYABLİKOVO” ticarət mərkəzinin tikintisinə vəsait qoymağa dəvət olundum. 1996-cı ildən bu ticarət mərkəzində administrator və ticarət mərkəzinin mənsub olduğu “ABS-F” şirkətində təsisçi oldum.
Təəsüflər olsun ki, bir qədər vaxt keçdikdən sonra Hafiz Mahmudovun ailəsi dağıldı və mən 1998-ci ildə Bakıya gəldim və onun qızının ad gününə gedərək ailəsini barışdırmağa çalışdım. Ailənin dağılmasında Hafiz Mahmudovun əvvəlki həyat yoldaşının məhkəməyə verdiyi açıqlamalarda bildirilirdi ki, “atılan addımlarda onun yaxın qohumlarının rolu olduqca böyük oldu”. Atdığım belə bir addımlardan sonra, çox keçmədi ki, əvvəllər mənimlə hörmətlə davranan Ofeliya Mahmudovanın qəzəbinə tuş gəldim. Onu da vurğulayım ki, falçılara və sehrbazlar aləminə bağlı olan Ofeliya xanımla, əvvəllər çox zaman fikir ayrılığımız olurdu. Belə ki, mən hər şeyin Allah-Təalanın izni ilə olacağını bildirirdim. Yaranmış belə bir ab-havadan sui-istifadə edən və Moskva şəhərinə aparıb çörək verdiyim bir neçə yaxın qohumlarım “torbamı” tikməklə, məni “ZYABLİKOVO” ticarət mərkəzindəki idarəçilikdən tamamilə uzaqlaşdırdılar. Ancaq rəğbət bəslədiyim şəxslərə qarşı kin saxlaya bilmədiyimdən tezliklə münasibətlərimiz normallaşdı və hətta Hafiz Mahmudov qoyduğum pulları mənə qaytarmasına baxmayaraq, 5-6 ticarət “toçka”sını təmənnasız mənə verməyi təklif etdi və yanında bir dost kimi qalmağımı da xahiş etdi. Baş verən intiriqalardan iyrəndiyimə görə, belə bir təklifdən imtina edərək bildirdim ki, mən həmişə sənə arxayam və bunu da əməli işlərimlə sübut edə bilərəm.
2004-cü ildə Hafiz Mahmudov Moskva şəhərində itgin düşdü və bu işlə bağlı mən də şahid qismində dindirildim. 2007-ci ildə övladlarımın mentalitetimizə uyğun tərbiyə və təhsil almalarını nəzərə alaraq, Bakı şəhərinin Mərdəkan qəsəbəsinə köçdüm. 2008-ci ildə Hafiz Mahmudovun Mərdəkanda olan əvvəlki qayınatası məni görüşə çağdı. O, görüşümüz zamanı “Hafiz Mahmudov itgin düşdükdən sonra milyonlarla dolları idarə edən yaxın qohumları, bir manat olsun belə onun uşaqlarına aliment pulu vermirlər” dedi. Ümumi söz-söhbətimizdən sonra o, məni evlərinə qonaq dəvət etdi və onlara bu işdə kömək etməyimi də bildirdi. Mən həmin vaxtlarda Moskvadaki dostlarımdan Hafizin uşaqlarına köməklik göstərmələrini xahiş etdim. Belə ki, mən təsərüfat işləri ilə çox məşğul olurdum.
Moskvada vəkillə müqavilə bağladığımız zaman o, bildirdi ki, beş ilin tamamından sonra siz vərəsəlik hüququna malik ola bilərsiniz. Belə ki, 2010-cu ildə məhkəmənin qərarı ilə Hafiz Mahmudov ölmüş hesab olunduqdan sonra, onun iki azyaşlı övladına yeganə vərəsəlik hüququ verildi. Çox böyük çətinliklərlə üzləşsək də, Hafizin mülkiyyətindən övladlarına pay ayrılmasına nail olduq. Bizim etibar etdiyimiz vəkilin satqınçılığı ifşa olunduqdan sonra, 2011-ci ildən Moskvaya gedib-gəlməyə başladım. 2013-cü ildən tam şəkildə Moskvada yaşadım. Hafizin yaxın qohumları və uşaqlarının gəyyumları arasındakı problemləri, məhz dostlarımın köməkliyi sayəsində qaydaya sala bildim. Yəni, hər şeyin sülh yolu ilə həll olunmasına nail olduq. Onu da bildirim ki, Hafizin övladlarına qalan və milyonlarla dəyərində olan mülkiyyətini Ofeliya Mahmudovaya və digər qohumlarına güzəştli şəkildə satdıq.
İş əsnasında Moskvadan Bakıya, yəni Hafizin övladlarına göndərdiyi aliment pulundan cəmi 200-300 dollar pulun onların hesabına daxil olduğunu bildikdə, bu cür addım məni çox təcübləndirdi. Belə ki, Hafiz mənimlə bu barədə məsləhətləşən vaxtlarda alimentin orta hesabla 1000–1500 dollar civarında ödəyəcəyini demişdi və işçilər də, hər ay qeyd olunan məbləği Bakıya göndərdiklərini təsdiqləyirdilər. Hərhalda ayda bir neçə yüz min dollar gəliri olan biznesmen üçün, bu məbləğ o qədər də böyük məbləğ deyildi. Moskvadan Bakıya uşaqlar üçün köçürülən pulların Ofeliya Mahmudova vasitəsilə, onların hesablarına az miqdarda yatırılması məndə bəzi şübhələr yaratdı. Məlumat üçün onu da bildirim ki, Hafiz Mahmudovun Türkiyədə də böyük məbləğdə pulunun, villasının və şirkətinin olduğu bizə bildirildi. Biz Türkiyədəki vəkilimiz vasitəsilə bir ilə yaxın vaxt ərzində axtardığımız villanı və bank hesablarını müəyyən edə bildik. Əfsuslar olsun ki, həmin villanın sahibinin Türkiyə vətəndaşı olan Mahmudova Ofeliya Əbülhəsən qızına məxsus olduğu aydınlaşdı. Adı çəkilən şəxsin mülkiyyəti cinayət yolu ilə əldə keçirilməsi iddia olundu və barəsində 31.07.2013-cü il tarixdə Türkiyənin Antaliya Sülh Cəza Məhkəməsinin qərarı ilə həbs qəti-imkan tədbiri də seçilir. Sonradan mənim təşəbbüsüm ilə belə bir razılığa gəldik ki, Ofeliya Mahmudova və onun qohumlarına qarşı iddia tələbindən əl çəkək və həmin villa razılıq yolu ilə qiymətləndirilsin, satışdan əldə olunan pullar da Hafiz Mahmudovun varislərinə verilsin. Həmin pullar bu günə qədər tam ödənilməsə də, mən yenə də varislərin nümayəndəsi olaraq aramızda olan müqavilə şərtlərini pozmamışam. Bundan başqa, Moskvada ticarət mərkəzindəki hissəyə görə bizə daha yüksək məbləğdə pullar təklif olunmasına baxmayaraq, o hissələri də Hafizin qohumları çox aşağı qiymətə satdılar. Bizə Turkiyədəki vəkillər və dostlarımız Hafiz Mamudova məxsus 25 milyon dollardan çox pulun olmasını, izinə düşdüklərini və faktiki həmin pulların varislərə çatmali olduğunu bildirsələr də, sulh naminə biz pul axtarışlarını dayandırıb villa ilə əlagədər cinayət işindən vaz keçmişik. Belə bir yaxşılıqlardan sonra, Ofeliya xanımın Ruslan Məmmədovla və Lalə Dadaşevlə əlbir olaraq məni “sifariş” etməsi, bu gün də mənim üçün qaranlıq qalan məsələlərdən biridir.
İnsan huquqlarının qoruyucusu olan bu xanım, qeyd olunan ailə munaqişəsinin həllinə deyil, münaqişənin daha da dərinləşməsinə, ifrat dərəcəyə catdırılmasına və öz xüsusi marağına xidmət edən Ofeliya xanımın əməllərinə qiymət vermək, yəqin ki, hər kəs üçün çətin olar. Əlbəttə ki, İlqar Əliyevin müraciətində qeyd olunduğu kimi, mənə aid qızıl-zinət əşyalarını məqsədli şəkildə Moskva şəhərində hüquq mühavizə orqanlarına təqdim edən, bunu isbat etmək üçün “şahid”lər tapan, hətta müxtəlif yollarla məni qardaşı Hafiz Mahmudovun qatili hesab edən, eyni zamanda Lalə Dadaşevanın yalan və uydurmalarına əsaslanaraq məni tutdurmaq istəyən Ofeliya Mahmudova, əslində bu gün məndən qardaşının övladlarına kömək etməyimin qisasini alir. Əgər bu belə deyilsə, bəs nə üçün Ofeliya xanım qardaşı itgin düşdükdən 13 il sonra, ən başlıcası isə Türkiyədəki axtarışı 2017-ci ilin mart ayında başa çatdıqdan sonra, bildi ki, Hafiz Mahmudov itgin düşməmişdən düz altı il əvvəl, mənim onunla heç bi biznes əlaqəmin olmadığını dilinə gətirmir. Mənə onun ölümündən və itgin düşməsindən heç bir fayda ola bilməzdi. Hətta, bu günlərdə mənə məlum oldu ki, Lalə Dadaşeva Ofeliya Mahmudovanı daha da qəzəblindirmək üşün, mənim dilimdən dediyi “Hafiz Mahmudovun it kimi öldürüb meşədə basdırmağımın müəllifi İlqar Əliyevdir. Haqsiz olaraq təqribən 50 million dollardan cox imkana sahib olan Ofeliya xanim, bu gün də göydən düşmüş o pullarla məni məhv etməyə çalışması acınacaqlı haldır. Yəqin o, yadından cıxardib ki, hər dollarda mənim və başqa Dadaşevlərin də böyük əziyyəti var.

Ardı növbəti sayımızda.