Ucqar dağ rayonuna rəhbərlik edən RamizYediyarovdan şikayətlərin ardı-arası kəsilmir; gözlər dekabrın 15-nə...

Gədəbəy rayonundan prezident İlham Əliyevə və mətbuata şikayətlərin ardı-arası kəsilmir. “Gündəm-Xəbər” bildirir ki, dekabrın 15-dək ölkə başçısına təqdim olunacaq siyahıda Gədəbəy “şah”ının adı da var.

Sahibkara qəsd

Çünki rayonun padşahı kimi özünü aparan icra başçısı heç bir vətəndaşı saymır, şikayətlərə baxmır. Bu barədə ayondan sahibkar Bağırov Fəxrəddin Fərəməz oğlu nümunədir. İş adamı dediyinə görə, Ramiz Yediyarov icra başçısı təyin olunan ay ona məxsus obyektin girişini kərpic divarla hördürüb, üzərinə plakat yapışdırıb. O, prezidentə müraciətində bildirib: “Sonra sizin sözləriniz yazılmış bu plakatı gecə ilə oğurladıb, şaxtalı havada obyektin qarşısına ağac əkdirdi. Ekologiya nazirinin rayona gəlişi ərəfəsində bu ağacları da çıxarıb, yerinə gül əkdirdi. Dəfələrlə müraciət etməyimə baxmayaraq heç bir əhəmiyyəti olmayan bu divarı obyektin qarşısından sökdürmədi və rəsmi müraciətimə cavab yazdı ki, divarı özün hördürmüsən”. F.Bağırov deyir ki, foto şəkillərdən də göründüyü kimi, divarın onun obyektinə düşən günəş şüasının qarşısını kəsməkdən və Heydər Əliyev prospektinin görünüşünü pozmaqdan başqa heç bir əhəmiyyəti yoxdur.

Saxta veteranlıq alveri

Gədəbəyin icra başçısının adı saxta veteranlıq sənədi biznesində hallanır. Mətbuatda Gədəbəy rayon İcra Hakimiyyətindən Səfərbərlik və Hərbi Xidmətə Çağırış üzrə Dövlət Xidmətinin rayon şöbəsinə göndərilən siyahı əsasında vətəndaşlara Əmək və Əhalinin Sosial Müdafiəsi Nazirliyinin Gədəbəy rayon Şöbəsindən kütləvi surətdə müharibə veteranı statusu verilməsi haqda xəbərlər var.
Yayılan xəbərlərə görə 300-700 arası mülki şəxsə 1988-1994-cü illərdə Qarabağ müharibəsində iştirak etmələri haqda heç bir əsası olmayan, hüquq yaradan arayışlar verilib. Bu şəxslərin çoxunun həmin illərdə Gədəbəy, heç ölkə ərazisində olmadıqları haqda məlumatlar var. Belə məmurların fəaliyyəti ciddi şəkildə yoxlanmalıdır. Ona görə də müharibə veteranı statusu ilə bağlı ciddi araşdırmaya ehtiyac var. Gədəbəy də Quba kimi əhalinin aktiv, haqqını tələb etdiyn regionlarından biridir. Bu mənada R.Yediyarovun fəaliyyətinə diqqət etməsinə ciddi zərurət var.

Yorğan-döşək əməliyyatı

Son xəbərlərdən biri beləydi ki, Gədəbəydə Mərkəzi Xəstəxanadan yorğan-döşəyi rayonun ərazisindəki parka daşıyırlar.

Xəstəxanada hazırda 100 çarpayıdan 95-dən çarpayıların üzərindəki yataq dəstləri parka daşınıb. Xəstəxanadakı çarpayılardan daşınan yorğan-döşək çadırlara yığılır və bu, icra başçısı Ramiz Yediyarovun göstərişi ilə həyata keçirilir. Başçı baş həkimə qeyri-rəsmi olaraq xəstələr üçün nəzərdə tutulan yorğan-döşəyin parkda tikinti işləri ilə məşğul olan fəhlələrə verilməsini tapşırıbmış.Sakinlər mətbuata demişdilər ki, xəstəxanadan yorğan-döşəyin daşınaraq fəhlələrə verilməsi R.Yediyarovun rayona başçı təyin olunduğu illər ərzində gördüyü ən təqdirəlayiq addımdır. Fikirlərini belə izah edirlər ki, Gədəbəy xəstəxanasında il ərzində çox az xəstə stasionara götürülür. Ən yaxşı halda 5-6 çarpayıda xəstə olur. Digər çarpayılar isə ilboyu istifadəsiz qalır. Amma dövlət büdcəsindən Gədəbəy rayonuna vəsait 5-6 xəstəyə görə deyil, 100 xəstə nəzərə alınmaqla ayrılır. Həmin məbləğin kimlərin cibinə axmasını bilmək üçün xüsusi istintaq aparmağa ehtiyac yoxdur. Yorğan-döşəyin rahat şəkildə çadırlara daşınması tapşırığının canla-başla icrası ümumi mənzərəni ortaya qoyur.

Hafiz Hacıyev də işə qarışdı: “Avara adamdır”

Müasir Müsavat Partiyasının sədri Hafiz Hacıyev də Yediyarovun əməllərinə sərt reaksiya verib. MMP sədri qeyd edib ki, icra başçısı Ramiz Yediyarov Gədəbəyi hərraca çıxarıb. Onun sözlərinə görə, partiyanın yerli təşkilat sədrindən də icra başçısının əməlləri haqda müxtəlif məlumatlar alırlar: “Bu adam avaranın biridir, dövlətə işləmir, onun imicinə ziyan vurur, rayona Rusiyada işləyib çörək pulu göndərən adamların başına oyun açır, torpaqları qarış-qarış ona-buna satır, bir sözlə ziyanvericiliklə məşğul olur. Belə harınlaşmış məmurların fəaliyyəti ciddi şəkildə yoxlanmalıdır. Bizə rayon təşkilatından da Gədəbəyin icra başçısı haqda xəbərlər gəlir. Elə bu günlərdə aldığımız məlumata görə, Ramiz Yediyarovun iştirak etdiyi bir məclisdə dava düşüb. Deyilənə görə, həmin məclisdə hüquq-mühafizə orqanlarının rəhbərləri də iştirak ediblər və rayon prokuroru davanı güclə ayırıb. Yəni, icra başçısı belə bir adamdır. Ona görə də müharibə veteranı statusu ilə bağlı ciddi araşdırmaya ehtiyac var. Hətta biz və rayon təşkilatımız icra başçısının ümumi fəaliyyətini yoxlamaq üçün müvafiq orqanlara yardımçı olmağa da hazırıq”. H.Hacıyev bildirib ki, R.Yediyarov kimi məmurlar ölkəni dağıtmaq istəyirlər və prezidentin fəaliyyətinə kölgə salırlar:

“Bu günlərdə Bakı-Tiflis-Qars kimi nəhəng layihə işə düşdü, İranda mühüm tədbirlər oldu, Azərbaycanın geostrateji və enerji siyasətində olduqca əhəmiyyətli hadisələr baş verir, ölkə dünya miqyasında layihələr həyata keçirir. Bu məqamda isə Gədəbəyin icra başçısı kimi adamlar özbaşınalıq edirlər, xaos yaradacaq addımlar atırlar, insanların hüquqlarını pozurlar, prezidentə qarşı insanları qaldırırlar. O baxımdan hesab edirəm ki, müharibə iştirakçısı olmayan adamlara rüşvət müqabilində veteranlıq statusu verməklə bağlı yoxlama aparılmalıdır. Bu yoxlama nəticəsində böyük cinayət çetesinin ortaya çıxacağı istisna deyil. Ümumiyyətlə, prezident ictimai nəzarətin gücləndirilməsinin vacibliyini vurğulayıb. Biz də, mətbuat da prezidentin yanındayıq, qudurmuş məmurların qanunsuz işlərini ifşa etməkdə əlimizdən gələni edirik, faktları açıqlayırıq, qoy qurumlar araşdırsınlar”. Partiya sədrinin sözlərinə görə, müharibə veteranı adı almaq şərəfli bir işdir: “Anczq hansısa şərəfsizlər bu adı saxta sənədlərlə başqalarına verirlər. Buna ciddi yanaşmaq lazımdır. Mən sizə deyim ki, Gədəbəy düşmənlə sərhəd rayondur və bu bölgəyə xüsusi həssaslıq lazımdır”.

Büdcə təşkilatlarını soyma

Gədəbəy rayonunda əhalinin icra başçısından narazılığı günü gündən artmaqdadır. Xüsusən büdcə təşkilatlarında çalışanların narazılığ ən yüksək həddə çatıb.

Bu barədə mətbuata müraciət edən bir qrup orta məktəb müəllimi ölkə prezidentinin, birinci vitse-prezidentin və təhsil nazirinin rayonda yaranmış acınacaqlı vəziyyətə təcili müdaxilə etmələrini xahiş edirlər.

Müraciət müəllifləri bildirir ki, rayonda Heydər Əliyev mərkəzinin tikintisini bəhanə edərək icra başçısı Ramiz Yediyarov müəllimlərin əmək haqqından adam başına 100 manatdan pul yığdırıb.

Ümummilli liderin adından öz maddi mənafeyi üçün istifadə edən bu şəxsin bu rəzalətin törədilməsi üçün seçdiyi məkan da cənab H.Əliyevlə bağlıdır.

Pulların yığılması üçün qərargah YAP rayon təşkilatının binası, qara kassa isə təşkilatın sədri Rüstəm Nağıyev olduğu iddia edilir.

Müəllimlər yazırlar: “Sizə müraciət edərək bildiririk ki, cənab H.Əliyevin ruhuna böyük ehtiramımız var. Amma maddi imkanımız çox aşağıdır.

100 manat bir çoxumuzun əmək haqqının 50- 60 faizidir. Xahiş edirik bu biabırçılığın qarşısını alasınız”.

Ümumiyyətlə, Gədəbəy Rayon İcra Hakimiyyətinin (RİH) başçısı Ramiz Yediyarov yerli əhali üçün başağrısına çevrilib.

Onun rayona rəhbərliyi dövründə yerli məmurların özbaşına əməlləri vətəndaşların güzəranının pisləşməsinə, o cümlədən sosial problemlərin bir-birini əvəz etməsinə gətirib çıxarıb.

Xüsusən 2012-ci ildən etibarən rayonda məmur özbaşınalığı daha da dözülməz həddə çatıb.

Rayonun əksər kəndlərində insanlar çox ağır şəraitdə yaşayırlar. İcra başçısı vəzifəyə keçən gündən bir dənə də olsun müsbət iş görməyib”.

Gədəbəydə trio

Rayonlar içərisində Gədəbəyin adı xüsusi bir formada hallanır ki, bu hallanma da rayonda yaşanan ab-havanın varlığı ilə bağlıdır.

Əgər ümumi müzakirələr zamanı digər rayonların adları həyata keçirilən abadlıq-quruculuq işlərində, müəyyən yeniliklərdə hallanırsa, Gədəbəyin adı isə, inhisarçılıqda, zoraklıqda, total idarəçiliyin tətbiqində və.s-də hallanır.

Bəlkə də belə bir formada hallanmaya səbəb, bu rayonun ucqar bir ərazidə, gözdən uzaq, könüldən qıraq bir yerdə yerləşməsidir.

Belə bir səbəblər üzündəndir ki, adicə baş alıb gedən problemlərlə, süründürməçiliklərlə bağlı kimlərinsə yuxarı instansiyalara ünvanlamaq istədikləri şikayət məktubları, teleqramlar poçt məntəqələrində belə qəbul edilmir.

Gədəbəydə haqq-ədalət qeybə çəkilib “Maliyyə şef”inin var-dövləti, Sumqayıtı da “ağuşuna alıb” Ramiz Yediyarov rayonun rəhbəridirsə, rayonun maliyyə idarəsinin hələlik əbədi və əzəli “boss”u hesab olunan Namiq Məmmədov isə, əsas söz sahibi olan vəzifə sahibidir.

3 ildən artıqdır ki, mətbuat bu məmurun qanunsuz əməllərindən yüzlərlə məlumat dərc edib. Ramiz Yediyarov isə daha böyük qəddarlıqla bu əməllərə davam edir.