20 dekabr 2017-ci il tarixdə Universitetin professor-müəllim və tələbə heyyətinin iştirak etdiyi tamaşanın rejissoru, kurs rəhbəri Əməkdar artist Nofəl Vəliyevin rəhbərliyi ilə Xədicə Məmmədova - Şəhribanu xanım, Orxan İsgəndərli - Hatəmxan ağa, Anaxanım Sultanova - Gülçöhrə xanım, Corc Qafarov - Şahbaz bəy, Susana Məmmədova - Xanpəri, Məhəmməd Musayev - Müsyo Jordan, Hilal Dəmirov - Dərviş Məstəli şah, Hüseynağa Aslanov - Qulaməli və ADPU tələbəsi Qönçə Vəliyeva - Şərəfnisə xanım rolunda çıxış ediblər.

Yaradıcı heyyətin böyük ruh yüksəkliyi, tələbələrin obrazları peşəkar şəkildə canlandırmaları, dinamika, aydın səhnə danışığı, geyimlər, dekorasiya, tamaşada hər bir şeyin bir-birini tamamlaması tamaşaçı kütləsinə müsbət təsir bağışlayıb. Qeyd edək ki, tamaşanın hazırlanmasında “SABAH” qrupunun rəhbəri Böyükxanım Məmmədbəyova, Səhnə danışığı üzrə dosent Nadir Hüseynov və Plastik həll üzrə rejissor Ruslan İsmayılovun əməyi böyükdür.

Tamaşanın özəlliyi ondadır ki, Azərbaycan Dövlət Pedeqoji Univerisitetinin tələbəsi olmasına baxmayaraq, Şərəfnisə xanım rolunda ustalıqla çıxış edən Qönçə Vəliyeva, tamaşaçıların diqqətini özünə cəlb edir.