Zərərçəkən Prezident və Baş Prokurora müraciət ünvanlayıb

Azərbaycan hüquq-mühafizə orqanlarında çalışanlar arasında xeyli dərəcdə obyektiv, işini sevən, qanunların aliliyini yüksək tutan peşəkar kadrlar olsa da, təəssüf ki, öz maraqlarını qanundan üstün sayan, şəxsi mənafeyini ön plana çəkən, qanunsuzluqlara rəvac verən, rüşvət, qohumbazlıq və digər bu kimi qanunsuz əməllərlə məşöul olanların sayı da az deyil. ”Gündəm Xəbər”in redaksiyasına daxil olan növbəti şikayət də bununla bağlıdır. Belə ki, redaksiyamıza müraciə etdən Göyçay rayonu, Vaqif küçəsi, dalan 1, ev 3A-da yaşayan Babayev Paşa Babakişi oğlu yerli hüquq-mühafizə orqanlarının fəaliyyətindən narazıdır. O, oğlunun evinə basqın edildiyi, onun vəhşicəsinə döyüldüyünü, lakin bununla bağlı tədbir görülmədiyini bildirir.

Paşa Babayev redaksiyamıza ünvanladığı şikayət məktubunda yazır: “Mənim 79 yaşım var, pensiyaçıyam. Mənim oğlum İsimxanın evində ailəsinin, iki azyalı övladlarının gözü qarşısında döyülərək qarət edilib. Bu cinayətin üstünü bu günə qədər ört-basdır edirlər. Hansı ki, cinayətin üstünün açılması üçün konkret subutlar, şahidlər var”.

Şikayətçi yazər ki, oğlu İsimxanın evinə Xəyal və Qulu Xancanov qardaşları basqın ediblər: “Onlar İsimxanı ailəsinin, azyalı uşaqlarının gözü qarşısında vəhşicəsinə döyərək, ona xəsarətlər yetiriblər, oğlumun evini qarət ediblər”.
Şikayətçinin bildirdiyinə görə, hadisə bu il noyabrın 1-də, gecə saat 11. 0 radələrində baş verib. Belə ki, onun Göyçay rayonunun Çayarxı kəndində yaşayan oğlu İsimxanın evinə qonşuları Xancanov Xəyal Əziz oğlu və onun qardaşı Qulu sərxoş vəziyyətdə basqıb ediblər: “Cinayət törətmiş Xancanov qardaşları hətta oğlumu hədələyiblər ki, şikayət etsən, səni şərləyəcəyik. Bildiriblər ki, səni şərləmək üçün bizi bıçaqla vurmaq istədiyini deyəcəyik. Onlar hətta oğlumun mətbəxindən bıçaq da götürüblər ki, guya oğlum İsimxan həmin bıçaqla onları vurmaq istəyib. Bu hadisə oğlumun ailəsinin, iki azyaşlı uşağının gözü qarşısında baş verib. Gəlnim -İismxanın həyat yoldaşı zəng edib bu barədə böyük oğlum Habilə məlumat verib. Habil hadisə yerinə gedib və dərhal Daxili İşlər Nazirliyinin 102 xidmtinə zəng edərək, baş verənlər barədə məlumat verib”.

Şikayətçi Paşa Babayev bildirir ki, hadisədən bir neçə gün sonra şikayətin araşdırılması Göyçay Rayon Polis Şöbəsinin təhqiqatçısı Qabil Zülfüqarova tapşırılıb: “Qabil Zülfüqarov isə oğlumun evinə basqın edilməsi, onun vəhşicəsinə döyülməsi, evinin qarət edilməsi faktı ilə bağlı başdansovdu araşdırma aparıb. O, cinayət törətmiş Xancanov qardaşları ilə sövdələşib. Nəhayət, Qabil Zülfüarov 11 noyabr 2017-ci il tarixdə cinayət işinin başlanılmasının rədd edilməsinə dair qərar çıxarıb. Polis təhqiqatçısı Qabil Zülfüqarov oğlum İsmixana təkidlə bildirib ki, Xancanov qardaşlarının sənin evinə basqın etdiklərini və cibindən pul götürmələrini izahatında qeyd etmə, eləcə yaz ki, küçədə məni söyüb təhqir etdilər. Təhqiqatçı həmçinin oğluma deyib ki, Xancanov qardaşlarının əsli-kökləri Zərdab rayonundandırlar. Onlar Göyçay rayon prokuroru Muxtar Eminovla qohumdurlar. Oğlum da təhqiqatçının dediyi izahatı təhriklə yazıb”.

Şikayətçi Paşa Babayevin sözlərinə görə, Xancanov qardaşlarının himayədarı Göyçay rayon prokuroru Muxtar Eminovdur: “Onlar prokurorun qohum olduqları üçün rayonda onlara “gözün üstə qaşın var” deyən yoxdur. Bu səbəbdəndir ki, Xancanov qardaşları təxminən 5 gün öncə sərxoş vəziyyətdə idarə etdikləri “Kamaz” markalı avtomobillə avtoqəza törədiblər. Qəza nəticəsində onalrın vurduğu “Jiqulİ” markalı avtomobildə olan bir neçə şəxs ağır bədən xəsarəti alıblar. Həmin yaralılar hazırda xəstəxanada reanimasiya şöbəsindədirlər”.
Şikayətçi Paşa Babayev bu cinayət hadisəsinin də ört-basdır edildiyini bildirir: “Göyçay rayon prokuroru Muxtar Eminov mənim oğluma qarşı quldurluq və xuliqanlıq cinayəti törətmiş Xancanov qardaşlarını açıq-aşkar müdafiə və himayə edir. Mən bir neçə dəfə prokurorun qəbuluna düşmək istəsəm də, o, məni qəbul etməyib. Ümumiyyətlə, Göyçay rayon prokuroru Muxtar Eminov vətəndaşları qəbul etmir. Qəbul işinə ancaq köməkçisi baxır. Prokuror Emin Muxtarovun qanunsuz fəaliyyəti barədə mətbuat vasitəsi ilə Azərbaycan Respublikasının Prezidenti cənab İlham Əliyevə və Azərbaycan Respublikasının Baş Prokuroru cənab Zakir Qaralova müraciət edirəm. Xahiş edirəm ki, rayon prokurorluğunu şəxsi ofisinə çevirib cinayətkar qohumlarını himayə edən və insanların taleyinə biganə yanaşan prokuror Emin Muxtarovun barəsində qanunu tədbirlər görəsiniz”.
“Gündəm Xəbər” olaraq, ümid edirik ki, Göyçay rayon hüquq-mühafizə orqanları bu şikayəti araşdıracaq və nəticələrə müvafiq olaraq, qanun çərçivəsində tədbir görüləcəkdir.

Samir
P.S.Yazıda adı çəkilən digər şəxslərin mövqeyini də işıqlandırmağa hazırıq.