GundemXeber

  • Əsas Səhifə
  • GündəmXəbər
  • Ölkə
    • Cəmiyyət
    • Bölgə xəbərləri
    • Mədəniyyət
    • Kirminal
    • Hadisə
  • Siyasət
  • İqtisadiyyat
  • İdman
  • Maraqlı
  • Maqazin
  • Müsahibə
  • Dünya

Gundemxeber.az » GündəmXəbər » İcra başçısı Gədəbəyi qarış-qarış zəbt edib - FOTOLAR

İcra başçısı Gədəbəyi qarış-qarış zəbt edib - FOTOLAR

Tarix: 14-03-2018, 19:57 Bölmə :GündəmXəbər / Manşet Baxış: 510
İcra başçısı Gədəbəyi qarış-qarış zəbt edib - FOTOLAR


Ramiz Yediyarov rayonda sahibkarlara qan uddurmaqda davam edir

Sabiq vergilər naziri Fazil Məmmədovun Şəmkir rayonunda bütün gəlirli sahələrə əl qoyması haqda ötən saylarımızda dərc olunan reportajda ətraflı məlumat vermişdik. Şəmkirdəki durum belədir - gözünü yum və əlini hər hansı bir istiqamətə tuşla. Ətrafındakılar barmaqlarının Fazil Məmmədovun zavodu, quşçuluq fabriki, restoranı, hoteli, çayxanası, çörək zavodu, istirahət mərkəzi, gölü, istixanası və hətta özəl meşəsinə tuşlandığını deyəcəklər. Bəli, Şəmkirdən Gədəbəy istiqamətinə irəliləsən və gözün meşəyə sataşsa, tərəddüd etmədən rahatca “bura da Fazil Məmmədovundur” deyə bilərsən və yanılmayacaqsan.

İcra başçısı Gədəbəyi qarış-qarış zəbt edib - FOTOLAR

Gədəbəyin Yasamal aşırımlarındakı “Yastı meşə”si də məhz Fazil Məmmədovun nəzarəti altındadır, orada dəbdəbəli imarətlər inşa etdirib. 1 gün də olsun oralardakı imarətlərdə yaşamasa da, Şəmkir və Gədəbəydən olan sakinlər daha oralara istirahətə gedə bilmirlər. Həmin meşələr onların üzünə həmişəlik bağlanıb.

İcra başçısı Gədəbəyi qarış-qarış zəbt edib - FOTOLAR

Gədəbəyin özündə isə Fazil Məmmədovun kadrı Ramiz Yediyarov “balaca padşah”lıq edir. İş adam Fəxrəddin Bağırovun başına açdığı müsibətlər haqda ötənlərdə yazmışdıq. Vaxtilə vergi işçisi olmuş Ramiz Yediyarov 3 ay əvvəl yuxusuna haram qatıb plan cızmış, səhər isə sahibkarın obyektinə hücum təşkil etmişdi. Öz hikkəsinə rayondakı dövlət qurumlarının nümayəndələrini də bulaşdıran icra başçısı sahibkarın obyektinin qapı-pəncərələrini, darvazasını daşla hördürmüşdü. Fazil Məmmədov büdrəyəndən sonra Ramiz Yediyarov qorxuya düşüb obyektin qonşuluğundakı həyətdən ora yol açdırmışdı. Rayona sonuncu səfərimiz zamanı sahibkarın obyektinin qapılarını hörülmüş gördük. Yerli sakinlərdən xəbər aldıq, dedilər ki, Fəxrəddin Bağırov rayondan 3 ay əvvəl çıxandır və geri qayıtmayıb. Obyekt isə ağzı günə qalıb, fəaliyyətsizdir. Vergi işçisi olan başçı bir sahibkarı beləcə vergi ödəməkdən, büdcəyə xeyir verməkdən uzaqlaşdırıb. Obyektdə çalışanları da işsiz qoyub.

Sən demə, gözdən-könüldən uzaq Gədəbəydə Ramiz Yediyarovun işi elə sahibkarlara qarşı qanunsuzluqlar etməkdən ibarətmiş...

İcra başçısı Gədəbəyi qarış-qarış zəbt edib - FOTOLAR

Gədəbəydə ilk diqqətimizi cəlb edən Şəhidlər Xiyabanı qarşısında yöndəmsiz inşa olunan yanacaqdoldurma məntəqəsi oldu. Öyrəndik ki, məntəqə başçının göstərişi ilə tikilib. İllər əvvəl bir sahibkarın sökülmüş obyekti əvəzinə ona verilməli olub. Sahibkar gəlib, məntəqəyə baxıb və onu qəbul etmək istəyib. Başçının adamları ona deyiblər ki, sənəd-filan olmayacaq, yoxdur. Yəni məntəqə qanunsuz tikilib. İcra başçısının qəbuluna gedən sahibkar məsələni aydınlaşdırmaq istəyib. Lakin İcra hakimiyyəti binasında quraşdırılan polis, şəxsi cangüdən və katibə postlarını keçib başçısının qəbuluna düşə bilməyib. Bəli, Ramiz Yediyarovun qəbuluna düşmək üçün 1 turniket və 3 post keçməlisən. Dəmiraxtaranla başdan-ayağa kimi yoxlamaya hazır olmalısan. Bir sözlə, prezidentin məmurlara, icra başçılarına yönəlik çıxışlarında sadəlik, xalqa xidmət kimi çağırışlarını Gədəbəy İcra Hakimiyyətində əxz edən yoxdur.

Sakinlər deyirlər ki, obyekti sökülərkən sahibkara hər cür dəstək vəd edən Ramiz Yediyarov sonradan ondan gen gəzib. Odur ki, Şəhidlər Xiyabanı önündə qanunsuz tikilən məntəqə işə başlamayıb. Sahibkarın müxtəlif orqanlarına şikayətlərini də icra başçısı önləyə bilib. Yerli sakinlərdən öyrəndik ki, başçı bu obyekti satmaq üçün illərdir müştəri axtarır, məntəqə qanunsuz tikildiyindən kimsə ora yaxın düşmür. Üstəlik, digər iş adamları obyekti dağıdılmış sahibkarın haqqına girmək istəmirlər. Bundan başqa, məntəqə faktiki olaraq barıt çəlləyini xatırladır. Yetər ki, məntəqədəki çənlərə benzin və ya digər tez alışan maye doldurulsun. Səbəb də budur ki, obyekt qaz kəmərinin yaxınlığında və 10 kilovoltluq elektik xəttinin altında tikilib. Adi bir ehtiyatsızlıq, qığılcım ərazidə böyük bir partlayış, yanğının meydana gəlməsinə səbəb ola bilər...

İcra başçısı Gədəbəyi qarış-qarış zəbt edib - FOTOLAR

Mərhum iş adamı Əli Abdullayevə qarşı Ramiz Yediyarovun törətdiklərini isə Gədəbəydə bilməyən az adam var. Rayondakı ilk özəl hotelin sahibi Əli Abdullaeyvə heç bir kompensasiya ödəmədən obyekti bir gecənin içində uçurulmuşdu. Uzun-uzadı çəkişmələrdən sonra başçı obyektin qanunsuz söküldüyünü etiraf edərək iş adamına Gədəbəyin Heydər Əliyev prospektində 3 mərtəbəli bina tikib veriləcəyini bildirmişdi. Bu sövdələşmədən az sonra Əli Abdullayev qəfil və müəmmalı şəkildə dünyasını dəyişdi. Yerli sakinlər Əli Abdullayevə verilməli olan 3 mərtəbəli binanın tikintisinin çoxdan başa çatdırıldığını, amma mərhum sahibkarın vərəsələrinə, ailəsinə verilmədiyini deyirlər. Ramiz Yediyarovun həmin əmlakı da digər şəxslərə satmaq planının varlığı haqda danışırlar. Hazırda başçının göstərişi ilə binada Gədəbəy rayon Uşaq Yaradıcılıq Mərkəzi yerləşir. Sakinlər deyir ki, mərkəzin binası daha perspektivli yerdə olduğu üçün başçı “hamam suyundan özünə dost tutub”. Sahibkarın obyektini dağıdıb, ona kompensasiya olaraq vəd edilən tikilini isə mərkəzə verməklə bu qurumun əvvəlki əmlakını da öz mal-mülkünə qatıb. Heydər Əliyev prospektindəki binanın yerləşdiyi torpaq sahəsi isə başçının etibarlı adamı, YAP Gədəbəy rayon təşkilatının sədri Rüstəm Nağıyevin anası Xalidə Ehsan qızının adına rəsmiləşib. Ərazidə çəkiliş apararkən məlum oldu ki, bu bina da qaz xəttinin yaxınlığında inşa olunub...

İcra başçısı Gədəbəyi qarış-qarış zəbt edib - FOTOLAR

Şəmkirdə Fazil Məmmədov hər tin-bucaqda korrupsiya pulları hesabına obyektlər tikdirməklə ad çıxarıbsa, onun Gədəbəydəki kadrı Ramiz Yediyarov sahibkarların obyektlərini dağıtması ilə “şöhrət” tapıb. Söküntü işləri icra başçısına bir tərəfdən perspektivli torpaq sahələrinə “əl qoymağa” imkan verib, digər tərəfdən isə yeni inşa edilən obyektlərin onun “çətiri” altına yığılmasına yol açıb. Sahibkarların obyektləri dağıdılan günlərdə Ramiz Yediyarov rayonun 20 Yanvar küçəsində ticarət mərkəzi tikdirib. Sahibkarlara da həmin mərkəzdə obyektlər veriləcəyi vəd olunub. Sənəd-sübutlu obyektləri dağıdılan sahibkarlar ticarət mərkəzinin 10 və 35 kilovoltluq elektrik xətlərinin altında yerləşdiyini və ərazinin ticarət üçün əlverişsizliyini görüb ora köçməyə həvəs göstərməyiblər. 10 və 35 kilovoltluq elektrik xətlərinin dəmir dayaqları bu mərkəzin ərazisindədir. Xırda bir nasazlıq yüksəkgərginlikli xətlərin əraziyə düşərək, hər an böyük faciəyə səbəb ola biləcəyini söyləməyə əsas verir. Ərazidə tikinti aparılmasını tapşıran Ramiz Yediyarov belə bir olay baş versə, yəqin ki, yaxasını kənara çəkəcək. Deyəcək ki, tikintidən xəbəri olmayıb. Ortada Binəqədidə bina yanğını zamanı Xaləddin İsgəndərovun özünü necə aparması, 1-ci müavinini “rasxod”a verməsi nümunəsi var.

İcra başçısı Gədəbəyi qarış-qarış zəbt edib - FOTOLAR

Ramiz Yediyarovun pay torpaqlarını payi-mal etməsi də rayonda müzakirə mövzularındandır. Dağlar qoynundakı Gədəbəydə gözəgəlimli bir yer oldusa, “əkin sahəsidir”, “təyinatı başqadır” kimi qadağalar işə yaramır. Gədəbəydə bir qanun işləyir - Ramiz Yediyarovun qanunları. Slavyanka kəndində də bunu bilməyən yoxdur. Başçı qəbiristanlıqdan bir qədər yuxarıda yerləşən pay torpağında tikinti aparılmasını əngəlləməyib. Daş töküb, əkin sahələrinin tən ortasında hasar çəkiblər, ev tikilməsi üçün hazırlayıblar. Əlbəttə ki, başçının göstərişi, razılığı olmasa, kimsə daşı daş üstə qoya bilməz. Bunu Gədəbəydə bilməyən yoxdur. Nə vaxtsa bir rayonda sahibkarlığın necə çökdürülməsi haqda kitab yazılsa, müəllifin Ramiz Yediyarovun fəaliyyətini təftiş etməsi yetər...

İcra başçısı Gədəbəyi qarış-qarış zəbt edib - FOTOLAR
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  •  
  • 0
  • 1
  • 2
  • 3
  • 4
  • 5
Geri

Oxşar yazılar :

    
  • İcra başçısı Gədəbəyi qarış-qarış zəbt edib

    İcra başçısı Gədəbəyi qarış-qarış zəbt edib ...

    10-01-2018, 12:45

  • 
  • Fazil Məmmədovun 200 “kitayski roza” istixanası üzə çıxdı - VİDEO+FOTOLAR

    Fazil Məmmədovun 200 “kitayski roza” istixanası ...

    8-01-2018, 11:59

  • 
  • Fazil Məmmədovun yaxınları Almaniyada 2 fabrik alıb?

    Fazil Məmmədovun yaxınları Almaniyada 2 fabrik ...

    25-07-2013, 12:33

  • 
  • Fazil Məmmədov da futbol bossu olacaq

    Fazil Məmmədov da futbol bossu olacaq ...

    2-12-2013, 17:04

  • 
  • Dörd icra başçısı səksəkədə - "Fazil Məmmədovun kadrları"

    Dörd icra başçısı səksəkədə - "Fazil ...

    7-12-2017, 13:45


Təqvim

«    Avqust 2025    »
BeÇaÇCaCŞB
 123
45678910
11121314151617
18192021222324
25262728293031

Arxiv xəbərlər

Avqust 2025 (573)
İyul 2025 (583)
İyun 2025 (435)
May 2025 (454)
Aprel 2025 (551)
Mart 2025 (351)
Fevral 2025 (529)
Yanvar 2025 (530)
Dekabr 2024 (573)
Noyabr 2024 (576)
Oktyabr 2024 (692)
Sentyabr 2024 (596)
Avqust 2024 (657)
İyul 2024 (677)
İyun 2024 (514)
May 2024 (622)
Aprel 2024 (571)
Mart 2024 (450)
Fevral 2024 (569)
Yanvar 2024 (560)
Dekabr 2023 (584)
Noyabr 2023 (554)
Oktyabr 2023 (618)
Sentyabr 2023 (545)
Avqust 2023 (579)
İyul 2023 (594)
İyun 2023 (462)
May 2023 (595)
Aprel 2023 (596)
Mart 2023 (589)
Fevral 2023 (613)
Yanvar 2023 (498)
Dekabr 2022 (639)
Noyabr 2022 (517)
Oktyabr 2022 (425)
Sentyabr 2022 (519)
Avqust 2022 (496)
İyul 2022 (470)
İyun 2022 (625)
May 2022 (583)
Aprel 2022 (644)
Mart 2022 (663)
Fevral 2022 (651)
Yanvar 2022 (664)
Dekabr 2021 (664)
Noyabr 2021 (661)
Oktyabr 2021 (666)
Sentyabr 2021 (604)
Avqust 2021 (504)
İyul 2021 (542)
İyun 2021 (672)
May 2021 (586)
Aprel 2021 (656)
Mart 2021 (562)
Fevral 2021 (609)
Yanvar 2021 (564)
Dekabr 2020 (580)
Noyabr 2020 (607)
Oktyabr 2020 (752)
Sentyabr 2020 (685)
Avqust 2020 (766)
İyul 2020 (767)
İyun 2020 (675)
May 2020 (641)
Aprel 2020 (807)
Mart 2020 (617)
Fevral 2020 (668)
Yanvar 2020 (528)
Dekabr 2019 (652)
Noyabr 2019 (557)
Oktyabr 2019 (593)
Sentyabr 2019 (546)
Avqust 2019 (454)
İyul 2019 (616)
İyun 2019 (461)
May 2019 (585)
Aprel 2019 (559)
Mart 2019 (459)
Fevral 2019 (490)
Yanvar 2019 (565)
Dekabr 2018 (752)
Noyabr 2018 (732)
Oktyabr 2018 (1046)
Sentyabr 2018 (772)
Avqust 2018 (758)
İyul 2018 (827)
İyun 2018 (795)
May 2018 (757)
Aprel 2018 (859)
Mart 2018 (682)
Fevral 2018 (638)
Yanvar 2018 (851)
Dekabr 2017 (946)
Noyabr 2017 (1150)
Oktyabr 2017 (930)
Sentyabr 2017 (1090)
Avqust 2017 (1200)
İyul 2017 (1511)
İyun 2017 (842)
May 2017 (563)
Aprel 2017 (557)
Mart 2017 (624)
Fevral 2017 (681)
Yanvar 2017 (531)
Dekabr 2016 (514)
Noyabr 2016 (347)
Oktyabr 2016 (403)
Sentyabr 2016 (402)
Avqust 2016 (343)
İyul 2016 (509)
İyun 2016 (646)
May 2016 (660)
Aprel 2016 (680)
Mart 2016 (601)
Fevral 2016 (839)
Yanvar 2016 (467)
Dekabr 2015 (627)
Noyabr 2015 (727)
Oktyabr 2015 (733)
Sentyabr 2015 (579)
Avqust 2015 (308)
İyul 2015 (354)
İyun 2015 (182)
May 2015 (280)
Aprel 2015 (270)
Mart 2015 (371)
Fevral 2015 (277)
Yanvar 2015 (554)
Dekabr 2014 (697)
Noyabr 2014 (584)
Oktyabr 2014 (459)
Sentyabr 2014 (490)
Avqust 2014 (434)
İyul 2014 (505)
İyun 2014 (51)
May 2014 (533)
Aprel 2014 (437)
Mart 2014 (295)
Fevral 2014 (608)
Yanvar 2014 (923)
Dekabr 2013 (1167)
Noyabr 2013 (1064)
Oktyabr 2013 (624)
Sentyabr 2013 (458)
Avqust 2013 (699)
İyul 2013 (900)
İyun 2013 (649)
May 2013 (637)
Aprel 2013 (293)
Mart 2013 (164)
Fevral 2013 (423)
Yanvar 2013 (450)
Dekabr 2012 (881)
Noyabr 2012 (17)

Bütün arxivi göstər / gizlət

Sorğu

 

Yeni dizaynımız necədir?


 

 
    • youtube
    • twitter
    • rss
    • googleplus
    • flickr
    • facebook
    Copyright © www.GundemXeber.az / Bütün hüquqlar qorunur!
    BİZİMLƏ ƏLAQƏ: tel: (+99412) 538 76 26, (+99450) 289 88 33, (+99470) 248 96 52 - Email: [email protected]
    Ünvan: Bakı şəhəri, Mətbuat prospekti 529-cu məhəllə, ''Azərbaycan'' nəşriyyatı 1-ci mərtəbə
    Qurucusu: Ş.Cəfəri / Direktor: Ç. Cəfəri


    Hazırlayan və ideya müəllifi: Elshan Azizoglu