Bilmək olmur ki, bu şəxs “demokratik mülkədar”dır, yoxsa millət vəkilidir?

Millət vəkili Elxan Süleymanov şəxsi biznesini gücləndimək məqsədilə Göyçay rayonunda 500 ailənin iş yerini qapadaraq, açıq-aşkar şəkildə onların çörəyinə bais olub. Yəni, o, 10 yerdə qum-çınqıl karyerini bağlatdırıb. Onun bu yöndə atdığı addımla bağlı həm 500 ailə çörəksiz qalıb, həm də dövlətə ödənilən küllü miqdarda verginin qarşısını alınıb. Əslində həmin kariyerlər qanuni əsaslarla fəaliyyət göstərirdilər. Buna baxmayaraq, Elxan Süleymanov Qəbələ rayon ərazisində fəaliyyət gstərən kariyerlərindən əldə olunan məhsulların satışını artırmaq məqsədilə, Göyçayda fəaliyyət göstərən 10 ədəd kariyerin fəaliyyətini dayandırmağı qarşısına məqsəd qoyub, buna nail də oldu. Guya ki, Milli Məclisin deputatı təbiətin qayğısına qalır və gələcəkdə əmələ gələ biləcək ekoloji fəlakətin qarşısına almağa çalışır.

Belə bir yolla özündə təbiətin qayğısına qalmaq imicini formalaşdırmağa çalışan Elxan Süleymanov özü, elə təbiətin düşməni hesab olunmalıdır. Çünki, adı çəkilən bu şəxs Göyçay çayının düz ortasında 6 möhtəşəm villa inşa etdirib və həmin villaları elə inşa etdirib ki, Göyçay çayının suyu rayondakı bəzi həyətlərə axmalı olur. Bu isə bənzəri olmayan özbaşınalıq və çox böyük qanunsuzluqdur. Bu cür addımları da, Azərbaycan Parlamentində millət vəkili adını daşıyan Elxan Süleymanov atıb. O, həmin villaları inşa etdirən zaman çayın hövzəsi daralır və bunun nəticəsi olaraq Göyçay çayı üzərindəki körpü uçmaq təhlükəsi ilə üz-üzə qaldı və son anda da uçdu.



İlk dəfə Göyçay körpüsü 03 may 2018-ci il tarixdə uçmuşdu. Körpünün uçmasına Elxan Süleymanovun çayın ortasında inşa etdirdiyi villalar səbəb olmuşdur. Buna görə də, bu gün başlanılmış cinayət işinə məhz Elxan Süleymanovun özü cəlb olunmalıdır. O halda sual oluna bilər ki, Göyçayda fəaliyyət göstərən 10 qum-çınqıl kariyerinin fəaliyyəti qanunsuz idisə, bəs Qəbələ rayonunda Elxan Süleymanova məxsus kariyerlərin fəaliyyəti hansı qanunlarla tənzimlənir?



Onu da bildirək ki, Göyçay çayının ümumi uzunluğu 110 km-dən çoxdur. Qanuna görə uzunluğu 100 km-dən çox olan çayın mühafizə zolağı, ən azından 300 metr olmalıdır. Elxan Süleymanov isə qanunun belə bir tələbinə əməl etmədən, altı ədəd villanı Göyçay çayının düz ortasında inşa etdirir. “Gündəm Xəbər”ə daxil olan məlumatlara görə, həmin villaların altı hektar həyatyanı sahəsi var.

Həmin villalar yerləşən ərazidə Göyçay çayının körpüsü də əhatəyə alınmışdır. Hansı ki, bu gün həmin körpüdən alternativ kimi istifadə etmək olardı. Bəli, hər kəsə gün təki aydındır ki, Elxan Süleymanov şəxsi biznesini gücləndirmək məqsədilə, Göyçayda 10 ədəd qum-çınqıl kariyerini bağlatdırdı və süni bahalaşmaya da səbəb oldu. Belə ki, əgər əvvəllər bir maşın qum-çınqıl 30-40 manata başa gəlirdisə, indi həmin qiymət 300 manata qalxıb.



Bilmək olmur ki, bu şəxs “demokratik mülkədar”dır, yoxsa millət vəkilidir? Əslində millət vəkili adı ilə tanınan bu şəxsin əməlləri ciddi araşdırılmalı və deputat toxunulmamazlığı da, ləğv olunmalıdır. Elxan Süleymanov Şamaxı rayon ərazisindən deputat seçilsə də, o, Göyçay rayonunda anadan olub. O, bu rayonda inşa etdirdiyi obyektləri, villaları qanunsuz inşa etdirib. Öz gözündə tir görməyən və özgə gözündə tük axtaran millət vəkili, Göyçay İnternat məktəbinin həyətində qanunsuz olaraq ticarət obyekti də inşa edilib. Hər il dövlətə xeyli miqdarda vergi ödəyən və 500 ailəni işlə təmin edən 10 qum-çınqıl kariyerinin, bir "deputat”ın göstərişi ilə bağlanması, dövlətə və xalqa küllü miqdarda ziyanla nəticələnib. İnanırıq ki, Göyçay çayının mühafizə zolağında qanunsuz olaraq altı ədəd villa inşa etdirmiş və Qəbələ rayonunda fəaliyyət göstərən kariyerlərdə satışı artırmaq məqsədilə 10 ədəd qum-çınqıl kariyerini bağlatdıran və 500 ailənin çörəyini kəsən Elxan Süleymanovun bağlı ciddi tədbirlər görüləcək və onun çirkin niyyətlərinin qarşısı da alınacaq.



Azərbaycan Respublikası Milli Məclisinin deputatı Elxan Süleymanovun Göyçay çayının üzərində qanunsuz olaraq inşa etdirdiyi altı ədəd villanın fotoşəkillərini təqdim edirik:

Azər Purqafari
GundemXeber.Az