Bəlkə də bu gün biz də Avropanın acı talehini yaşayırıq, hər şey bir növ adiləşir və yaşayış mükəmməliyə doğru gedir.

Əşi, istər avtobusda, istərsə də metroda 0.20 qəpiyə gediş haqqı olar? Bu haqqsızlıq deyilmi? Haqqsızlıqdır, ona görə ki, nəqiliyyat istifadəsinə görə büdcəyə ayrılan pullar, bəzi yerli məmurların daxili və ya xarici xərclərini tam ödəmədiyi üçün, buna birmənalı şəkildə hər hansı prizmadan yanşılmalı idi ya yox!? Allah ölkəmizin tərifə layiq ola bilməyən, "Tarif Şurası"ndan razı olsun. El arasında belə bir deyim var: “Quyuya su tökməklə, quyu dolmaz!”. Su gərək quyunun özündə ola. İndi loru dilində desək, bizim büdcəmizdə nə var ki, nə də ola??? Şəxsən bu bir vətəndaş olaraq mənə çox maraqlı gəlir.
Avropa-Avropa deyərək az qalmışıq bütün dünyaya car çəkək. Amma, hansı üzlə? Bərbəzəkli Bakımızın keçələrini az-çox 0.20 qəpik ödəməklə gəzə bilirdik. Vəssalam, ona da son qoymağa çalışdılar. Amma içi mən də qarışıq heç kim səs-səmirini çıxara bilmədik. Bir-iki gün bundan öncə çox hörmətli Tarif Şurasının qərarı ilə bütün ictimai nəqiliyyat vasitəlri üçün nəzərdə tutulmuş gediş haqqı 20 qəpikdən 30 qəpiyə qaldırıldı. Bu bizə də heç cür xoş gələ bilməzdi. Axı, bu belə də olmalı idi. Səndə, məndə, o da, bu da, bizdə, sizdə sözsüz ki, səsimizi çıxarası deyilik. Şəhərdaxili gediş haqqı qaldırıldı, deyə biz də qalxası deyilik ki,??? Hamımız susduq və susacağıq da... Tarif Şurasının qanuni olmayan qanunlarına kimi bir söz deyə bilər? Əlbəttə ki, heç nə! Qiymətlər qalxdı deyə, biz qalxıb bu mövzunu başımıza qaxacmı edəcəyik. Məncə bu çox yanlış bir qərardır. Ona görə yanlış qərardır ki, ortalama əmək haqqı təqribən 300-500 AZN olan vətəndaşların nəqiliyyat vasitələrindən istifadəsi minimum 1AZN olmalıdır ki, giriş-çıxışımızı bilək. Lap əcəb edib qaldırılıblar. 20 qəpiyə gediş haqqı olar?? Belə bir şey harda görülüb? Çox düşündürücü və gülməli hal deyilmi?!
Bəli, bizim tolerantlıq nümayiş olunan ölkəmizdə onsuz hər gecə bir şey qalxır. Mənim fikrimcə Azərbaycanın kino tarixinin Şedevri olan " Axırıncı Aşırım" filmində bir epizod tam yerinə düşər. Kərbəlayının əziz dostu Abbasqulu bəyə dediyi sözlər elə bil bu gün üçün nəzərdə tutulub. “Torpağımın yarısını aldılar, dinmədim. Şura soveti gəldi, konvet getdi, dinmədim. Evimi tarmar elədilər, danışmadım. Taxılımı apardılar, dinmədim. Əşi hansını deyim?? İndi də bu kolxoz oyununu atıblar ortaya... Deyirlər ki, inəklərini ver, öküzlərini ver, atını da ver, arabanı da ver. Sonra da gəlib deyəcəklər ki, papağını da ver, namusunu da!. Hələ bir soruşursanda ki, Şura höküməti mənə neyləyib??! Qaradan artıq boyaq olmaz bəy. Mən çəkdiyimi Allah heç kəsə götərməsin”.
Sözümün canı odur ki, bizim indiki yerli hakimiyyət heç özü də bilmir nə istəyir, nələrin arxasınca düşür? Daha nə qalıb ki? Qaz qalxdı, işıq qalxdı, su qalxdı. Təkcə maaşlardan başqa hər şey qalxdı. Stabil qalan maaşın, kommunal, istirahət, xeyir-şər, qohum-qardaş, gediş haqqı və daha nələr-nələr üçün nə mühüm əhəmiyyəti var? Hələ işsizlərin sayını demirəm. Qlobal probləmə çevirilən işsizliyin öhdəsindən gəlmək əvəzinə, görün nələrə əl atırlar!. Utanıram sizlərin yerinə. Əllərində əlac olsa, Allahın işinə qarışıb ölüdən də can istəyərlər. Necə ki, istəyirlər. Vallah-billah bu Allahsızlıqdır!. Nəyimiz var, daha nə verək bu hökümətə? Ermənistan neçə illərdir ki, blokada şəraitində yaşayırı. Biz danışanda ağızdolusu, yekə-yekə elə deyirik ki, biz inkişaf etmişik. Budur inkişafımız? Budur analoqu olmayan yaşayışımız? Məni qınamayın, düşmən ölkənin sakinləri bizdən qat-qat üstün yaşayırlar. Bakıətrafı rayonların qəsəbələrinə gedən yollar az qalır ki, böyrək daşlarının müalicə olunmalarında mühüm rol oynasınlar. Həkimsiz, reseptsiz, dərmansız. Bu kələ-kötür yolların gediş haqqı bahalaşmalıdırmı? Vallah gülməlidir! Əsrarəngsiz Bakımızın möhtəşəmliyini gözümüzdən salmaları qalsın bir yana, hələ o qara ərəb gədələrinin paytaxtımızda nə kimi hoqqadan çıxmalarını demirəm. Daha doğrusu, deyə bilmirəm. Danışmaqla, yazmaqla bitməz. Hələ bunlar harasıdır!?...
Sonda bunu demək istəyirəm ki, yenə birbirlərini tanıyan tanışlar, məhəllə camaatı hörmət əlaməti olaraq yaxınlarının gediş haqqını ödəyirlər. İndi hünərləri varsa, görüm necə ödəyirlər...

Emin Oruczadə
GundemXeber.Az