Görəsən özünü ictimaiyyətə haqqın-ədalətin çarçısı kimi qəbul etdirməyə çalışan Fazil Mustafanın, Zərdabdakı saxtakarlıqlardan xəbəri varmı? Varsa…?

Bu günlərdə “Gündəm Xəbər”in redaksiyasına Zərdab rayonu, Nizami küçəsi ev-42 ünvanda yaşayan Həsənov Əli Nəsib oğlu tərəfindən olduqca ciddi, daha çox isə hər kəsin müzakirə edə biləcəyi mövzu haqda məlumat çatdırılıb. Belə ki, çatdırılan məlumatda qeyd olunur ki, Zərdab rayon İcra Hakimiyyəti başçısının rayonda etdiyi saxtakarlıqların, bəlkə də heç bir halda bənzəri yoxdur. Bu da Lütvəli Babayevin bir növ “əlçatmaz”, “ünyetməz” yeganə icra başçısı olmasına əyani subutdur. Yəni, bu şəxsin şəxsi maraqları çərçivəsində atdığı addımlar, bəlkə də dünyanın ən geridə qalmış ölkələrində belə atılmır. Məsələn, bir müddət bundan əvvəl Lütvəli Babayev 10.000 manat “şirinliyin” müqabilində, Elnur Kərimov adlı şəxsi teztələsik Fazil Qəzənfəroğlunun rəhbəri olduğu Böyük Qurtuluş Partiyasına üz qəbul etdirdikdən sonra, onu 92 sayl DSK-na katib təyin etdirir. Aidiyyəti üzrə təqdim olunan sənədlərdə də qeyd olunur ki, guya Elnur Kərimov Böyük Qurtluş Partiyasının Zərdab rayon təşkilatının sədridir. Hər kəsə o da gün təki aydındır ki, Zərdabda bu partiyanın heç vaxt yerli taşkilatı olmayıb və Elnur Kərimov 92-saylı DSK-na katib təyin olunana qədər, o, Yeni Azərbaycan Partiyasının üzvü olub. Onu da bildirək ki, adı çəkilən bu şəxs Zərdab rayon icra başçısının şəhər üzrə nümayəndəsi vəzifəsini daşıyan Hafiz Kərimovun oğludur. Lütvəli Babayevin icra başçısı olduğu illər ərzində hər kəs Hafiz Kərimovu onun kassiri kimi tanımış və oğlu Elnur Kərimovu DSK-na katib təyin etdirdiyinə görə, o, icra başçısına 10.000 manat “şirinlik” də verir.
Onu da qeyd edək ki, İqbal Ağazadə parlamentdə təmsilçilik hüququnu itirdikdən sonra, Ümüd Partiyasının üzvüləri DSK-dan kənarlaşdırıldılar. 92 saylı DSK-nın katibi isə, Elnur Kərimovun təyinatına kimi Ümüd Partiyasının üzvü olub. İqbal Aağazadə parlamentdə təmsilçilik hüququnu itirdikdən sonra, müəyyən qədər gəlir əldə edənlər, məhz Lütvəli Babayev və Hafiz Kərimov adlı saxtakarlar oldular. Qeyd edək ki, 92 saylı Zərdab-Ucar DSK-da 48 seçki məntəqəsi var. Seçki keçirilən vaxtlarda həmin məntəqələrdə çoxlu sayda üzvülər olur ki, onların nəinki təmsil olunduqları partiyalardan, heç hansı məntəqdə olmalarından belə xəbərləri olmurlar. Onların adı ilə ayrılan vəsaitləri də, birbaşa icra başçısı Lütvəli Babayev ələ keçirir. Bizi maraqlandıran o haldır ki, görəsən özünü ictimaiyyətə haqqın-ədalətin çarçısı kimi qəbul etdirməyə çalışan Böyük Qurtuluş Partiyasının sədri deputat Fazil Mustafanın Zərdabdakı saxtakarlıqlardan xəbəri varmı? Varsa…?

Cəfər
GundemXeber.Az